♡< حب _ عبر _ الانتارنيت > ♡

الحلقة 10

زينو يحكي :

بعدما ماشفت صاحبي وحبيبي ليزوم داني ما أمنتش مي سيبو صدقت لازم ندير واش راهو حاب نديرلو المهم مانزيدش نخسرو للأبد المرة هاذي مي راهو يطلع منها سماح ههههه خلات عليها رح نقتلها انا ههههه ماحسيت كان كي دخلت عليا كي الجدارمي كي عوايدها تمشي وتحرك روحها كي الدجاجة وانا حاملها فوق القلب جات شيرتي وين كنت قاعد حالة الشوميز نتاعها صدرها نصو على برا و السروال لي لابساتو جاي سيري عليها رح ينطق يقوللها نحيني من جسمك لمعفن جات قعدت فوق حجري اما انا فيسع مانحيتها مانحملش
سماح : شنو ماكش باش تكمل اش عملت قبيل
تفركت انو لازم نخليها تقربلي باش تصدق صح حكمتها من وسطها وقعدتها فوق حجري وهي دورت يديها على رقبتي وبدات تبوس فيا من فمي وانا حابس مش حاب نتفاعل معاها كملت بدات تحللي فقفايل الشوميز عرفتها واش حابة مش باش نخليها تعمل الي تحبو بعدتها وقلتلها بصوت حنين
انا : حبي تنجم تخرج عندي خدمة
بوزت شفايفها ههههه لي ماكانش بالاصل
سماح : اوك اما باش نعملو الشوط الثاني من بعد
خرجت وانا بديت نخبط ونكسر ياربي علاااااه مانحملهاش رااو نكرهها فالدم كون نحكمها نخنقها نقتلها هزيت التيليفون هدرت شوي مع جاد ملي نهدرو وحنا نطيحو كون نقوللكم تديو الذنوب هاذاك ماكان مالا خليها فالسر خير دخلت شوي للفايبر ساعات وين ندخلو لانو اتيراتني وحدة اسمها امينة تعرف تهدر لسانها عسل يقطر منو عمرها 16 صغرونة ههههه انا نجي كي عمها المهم دومونديت منها بريفي باش نمدلها رايي فالكرو لي دارتها بيسك هي تكتب دي كرو تاخذو منهم عبر مثلا هاذوك لي يحرقو ولا بنات الليل لي يخدمو فالليكاباري ولا المهم انا مانكذبش مي عقليتها رووعة وتاني مانكذبش طحت في حبها احم احم هدرنا تعرفنا وكلش من بعد راحت وانا رحت خرجت لقيت ابتسام واقفة مع فرملي نتاع زوهير ( طبيب) رحت عندها
انا : ابتسام
ابتسام : وي ميسيو
انا : كاشما كاين خدمة ولا
ابتسام : ماكاين والو ميسيو وكي يكون نعيطلك ونقولك
انا : شوفي راني خارج ندور شوي مادام ماكانش لخدمة كاش جديد عيطي راني نكون قريب للسبيطار
ابتسام : اوك ماكانش مشكل
خرجت قلت نروح لواحد الجنينة نقعد نريح راسي ونزيد نعيط لجاد كاشما نحكو شوي
انا : الو
جاد : واش تقول نرضع فيك كل دقيقة تعيط
انا : شوف الع** مليح نجي نشرب من دمك ع**
جاد : التطياح راهو داير حالة هههه
انا : شوف نتا واش راك تهدر
جاد : اهيه صاحبي كاشما تحكي اليوم الخدمة ماكانش يارب
انا : هاك تشوف السبيطارات سامطين يقتلو
جاد : احكي احكي فرغ قلبك
انا : هههههه واش نقولك
جاد : باين راك فرحان وقاتلاتك الفرحة احكي برك
انا : اممممم تعر...
جيت رح نحكيلو نلقا ابتسام تعيط
انا : شوف جاد راهي تعيطلي فرمليتي من بعد نهدرو
جاد : اوك
كوبيت عليه وجاوبتها وباينة كانت تجري بيسك صوتها متقطع
ابتسام : ميسيو مدموازال سماح تحوس عليك باش دير معاها عملية
انا : ن** ن** هادي
ابتسام : كاشما قلت ميسيو
انا : والو والو راني جاي
رحت للسبيطار سماح هادي رح تكفرني والله دخلت لغرفة العمليات المعتاد عليها بعدما درت اجراءات الوقاية وكلش اكيد لقيت طفلة تبان فالعشرينات سقسيت عليها سماح قالتلي اسمها نسرين *** عمرها 20 سنة عندها ورم في راسها وطاحت داخت فالدوش وتقاس راسها وانو رح تقفلها برك الجرح وتعقمو بصح الورم ماشي خدمتها ثم ثم تفكرت جاد بيسك جاد يخدم فالورم وكلش عاونتها شوي حتى دخلت ابتسام
ابتسام : سامحني ميسيو زينو مي عندك حالة طارئة
خرجت من عند سماح ميت بالفرحة بيسك ماكملتش معاها العملية وانا فالطريق
انا : شكون ؟!
ابتسام : امينة *** عمرها 16 سنة تضربت بموس في كرشها
انا ثم ثم راح بالي لامينة نتاع المواقع مي نحيتها من بالي ولي زاد حيرني نفس النقمة نتاع نسرين زعما خاوة مانعرف !! دخلت شفت وجه ملاكي كل وحدة تتمناه مي كان تعبان طووول باين بلي فاتت على حوايج ماشي ملاح الدم نازل من جسمها كي صباح الخير رحت نجري عندها خايف عليها مانعرف علاه تملكني احساس خايب ياسر قلتلهم يوجدولي غرفة العمليات وكلش ديناها درتلها عملية ونجحت حمدلله ( راني مانعرفش لحوايج هادو نتاع الطب وما طب كاشما خرفت احسنو عوني ومادخلتش فالتافاصيل لهاد السبب) ديناها للغرفة مي حاجة حيرتني انو ماكانش فاميلتها ؟؟ واحد ماكاين من عايلتها تشوكيت اوووف زينو واش دخلك جيت خارج حتى نشوف جون يبان قدي باين بلي خايف عليها انا قلت حبيبها قعد يشوف فيا من بعد طبعني وراح يجري عندها
امير : امينة ختي لباس اوووف ياربي بدات نسرين وضرك نتي
اااه خوها وانا حطيتو حنونها ولا تخلعت ولا غرت ههه امير : دكتور ياك لباس عليها ماصرالها والو
زينو : اتهنا خويا ماصرا والو هاك تشوف فيها كيفاه راهي
امير : وعلاه راهي راقدة للضرك
جيت رح نهدر حتى قاطعني صوتها لحنين لي عشقتو قبل مانسمعو
امينة : شكون قال راني راقدة
امير : ختي
وحضنها وقعد يبكي
امينة : ميرو وشبيك ياروحي خلاص نوض ماصرا والو راني كي الطير ماتخافش عليا اوكي
ناض من حضنها
امير : خوفتيني عليك
امينة : وين راهم ماما وبابا
امير : ماعلابالهمش
امينة :هههه ( ضحكة نتاع وجيعة ) ايه من بكري ماحوسو عليا واش صرالي مادارو والو لاتيين غير ببنتهم لخرى امير علاه هكا علاه ماما سمعتني الهدرة في باطل ربي ماعلابالهمش بلي عندي فقر دم كيفاه نمد لختي امير ياك علابالك انو نوسا ( نسرين ) قادر نعطيها قلبي عادي علاه يقولولي هكاك اوووووووف

تهدر بوجيعة غاضتني بزاف ماحبيتش نزيد نقعد اكثر نخليهم في راحتهم خرجت نحوس على امها وبوها نحب نقوللهم اكيد لي شفتهم واقفين مع امير خوها رحت وين كانت عملية نسرين لقيتهم
انا : سلام
باباها : وعليكم السلام تفضل وليدي
انا : امممم حبيت نقوللكم حاجة مي ماتتخلعوش اوكي امها : واش كاين وشبيها نسرين بنتي ها واشبيها
انا : ماشي نسرين
باباها : امير !!!
انا : امينة
حل باباها عينيه من الشوك وامها طاحت فالكرسي تبكي
باباها : واشبيها بنتي انطق
انا : بالشوي تضربت بالموس ضربة خفيفة برك وضرك راني درتلها عملية تقدرو تدخلو تشوفوها راهو معاها امي..
ماجيت نكمل لقيتهم يجريو ماعلابالهمش مامبا وين راهي رحت وراهم وريتلهم الشومبرة ودخلو
حسينة : اااااه ياناري على بنتي ااااه
تبكي راحت تجري وحضنت امينة اما الطفلة حركة لا
امينة : كلو بسبتك ماما ماحبيتيش تعرفي مامبا واش صرا وعلاه سمعتيتي الهدرة وكي رحت ماحوستيش عليا هاااا قولي المهم نسرين حنونتك المهم هي وانا ماما ماشي بنتك ها ماشي بنتك اهدري قولي حاجة ياك حتى انا فرحة فرحتكم ولا كيعاد فالعام لي زدت فيه انا مات باباك كرهتيني جاوبي ماما جاااااااوبيييي
حسينة : واش راكي تقولي امينة تعرفيني شحال نحبك ماتقوليش هكا
بعدتها امينة من حضنها
امينة : كون جيتي تحبيني راكي ماتسرعتيش بتطياش الهدرة ووزنتي كلامك قبل ماتهدري م..ا..م..ا
دورت راسها لهيه وحسينة خرجت تبكي لحقتها
انا : خالتي ماديريش على هدرتها بيسك راهي مخلبطة ضرك يعني ماتعرفش واش راهي تهدر من بعد تفيق تندم
حسينة : هههه لالا وليدي انا صح ديما حاقرتها مش عاطيتها حقها كيما ولادي لخرين محسستها انو انا ماشي امها بصح واش ذنبي انا ها واش ذنبي حتى انا نادمة على بزااف حوايج فالصغر ومام باباها نادم
انا : واش راكي تقص...
ماجيت نكمل حتى تخرج سماح راحت تجري ليها
حسينة : بنتي لباس ياك ماصرالها والو بنتي ياك جاوبيني علاه ساكتة .......

♡♡♡♡♡♡♡♡♡♡

واش رايكم حبيبات قلبي فالبارت او الحلقة ؟!

واش راهي تقصد حسينة غلطات فالصغر ؟!

زعما واش صرا لنسرين ؟!

فوت + كومونت = بارت ♥

هيا فجروها جامات الحلقة ♥♥♥