في بلاصة اخرى :
امير : الو جدي لغالي
مسعود ( الجد ) : اهلا وليدي واش راكم لباس
امير : لباس الحمد لله جدو السوال عليكم
_ امير وليدي كاش جديد على نسرين واش درتو فيها ؟!
امير : والله جدي مانكذبش عليك مي مزال يعني العملية مازلت باه ديرها
_ معليش وينهم دوك الهدوء تبان وحدك هههه موالفة امينة يوم كامل وهي تزهق ( تعيط ) والمكلوبة لوخرا ( نسرين ) تزيد معاها
امير : ههههه والله راني لبرا مع طارق ( خطيب رفيدة هو وامير شغل صحاب ) مقابلين لبحر والجماعة راحو يحوسو
_ معليش وليدي ربي معاكم ان شاء الله
امير : ان شاء الله جدو اتهلا في روحك
كوبا عليه ودار عندو
امير : اووف نكملك قلتلك نحبها مي مانجمش نتقدملها وتبان من الطبقة الراقية وخايف ترفضني
طارق : شوف خو جرب حظك بلاك ربي يشوفلك فيها الخير وتكون حلالك واذا ماقبلاتكش اكيد ربي ماشافش فيها الخير
امير : ايه اوك نجرب .... ( سكت شوي ) اووففف نوض نروحو لأرديس كاشما نلقاو لبنات والجماعة لثم نقعدو شوي معاهم ننسا شوي همي
طارق : اوك فرار
راح كل واحد لطوموبيلتو وكل واحد في قلبو الف حكاية وامير قلبو ماقايلو خير مانعرف علاه استغفر ربو وكمل طريقو وصلو هبطو شافو لومبيلونص جاية حارو
امير : ربي يجيب لي فيه الخير
طارق : ان شاء الله ارواح تراه نشوفو واش كاين
راحو اما مالحقوش يشوفو شكون دخلو لمريض ديراكت سمعو الناس يهدرو
_ طفلة صغيرة مسكينة وشابة تهببل
_ ياشومي عليا انا ربي يشفيها ان شاء الله
_ ياختي بصح قالك انقذها هداك الطبيب جات حتموت
_ ايه شتي كيفاه دخل فيها الموس انا قلت رح يقتلها ديراكت
_ بصح هداك الطبيب شحال بوقوص
_ بلعي هداك ماتعرفي نتي
_ نتمسخر برك ربي يشفيها ان شاء اياا ارواحو نروحو هيا
امير حس احساس غريب راح حبسهم
امير : استناو قبل ماتروحو واش صرا ؟ وشكون لي تغاشا ؟ اصفوهالي
_ كونا قاعدين عادي ومن بعد جات طفلة تمشي مع ختها ولا صاحبتها حتى تغاشات في نص الطريق
امير : ايه هادي فهمناها اوصفيلي لي طاحت ولي كانت معاها ؟
_ كانو في زوج تاع حجاب لي تغاشات سمرة وعينيها كوحل شغل فمها مبطبط ومنفخ وعندها خدود وماهي طويلة ماهي قصيرة
_ امير
امير : يماااا !!!! يما واش كاين
حسينة : بنتي بنتي
امير : ماتقوليهاش
حسينة : ايه قلتها وخلاص
امير : وشمن سبيطار رر.راحو يما وشمن سبيطار راحو جاوبيني يما
حسينة : سبيطار ****
امير : طارق عندك عليهم انا نروح بالزربة
طارق : اوك اوك روح راهم في امانتي
راح امير يجري للطوموبيل قلبو قريب يخرج ركب وقلع للسبيطار وصل هبط يجري دخل لقا الاستقبال
امير : ختي ختي شوفيلي نسرين ***
_ استنا ميسيو بالشوي
امير : ازربيلي كون ماجيتش مزروب راني مانيش نزرب فيك
_ راهي فالطابق الثالث الغرفة رقم 35
طلع يجري جوست لحق قابلاتو امينة ورفيدة متحاضنات ويبكيو على اختهم لي رح تروح من يديهم بلاك راح يجري راسو اعلى من رجليه ( ولا كيفاش يقولوها )
امير : امينة رفيدة واش كاين احكو احكوو واش قال الطبيب
امينة : مزال لداخل ماخرجش عندو قريب ساعة وماخرجش اوووف اهئ اهئ اهئ رح تخلينا رح تخلينا
رفيدة : امينة ماتقوليش هكا هادي ختنا ورح تنوض باذن الله ودير عمليتها وتولي كيما كانت
امينة : ان شاء الله
امير : قولولي واش صرا وكيفاه صرا ووقتاش انطقو علاه بكمتو
امينة : خليتنا نهدرو ؟؟؟ كونا راجعين للطوموبيل حتى طاحت تغاشات من بعد واقيلا كان لثم طبيب صدفة عاونها دخل في رقبتها الموس انا قلت رح يقتلها مي لعكس انقضها مزية
امير : كييفاه
رفيدة : نتا هندسي ماتعرفش هاد لحوايج يعرفوهم الطباء
امير : ايه فهميني علاه ساكتة ( رفيدة قرات عام طب وحبست )
رفيدة : كي يشوفو الدم حبس موش يمشي فالعروق وكلش يضطرو يحلو جيهة الرقبة ويدخلو وتوب ولا هداك تاع الستيلو باه يخرج الدم لي بوشا لبلاصة هاديك
امير : امممم شغل فهمت اوووف وقتاش يخرج هدا جاب عام
هو كمل الجملة حتى خرج جاد
امير : قولي الحكيم لباس عليها واش صرالها
جاد : عندي خبر يفرح ومايفرحش
امير : ياربي السلامة .. اتفضل
جاد : يزيد فضلك .. احم لازم نديرولها العملية باه تتهنا من المرض تاعها مي عملية خطيرة و %70 ماراحش تنجح و %30 تنجح
امير : لازم هاد العملية
جاد : وي ولا نفقدوها بعد ايام وماتقدروش تودعوها لانو ماراحش تنوض كانو دخلت للغيبوبة ( جماعة الطب هالخاوة علابالي راكم تلعنو فيا بيسك حرفتلكم جد بابات الخدمة ولقراية تاعكم الله غالب مانعرفش هههه ) بالشفاء عليها ان شاء الله
امير : ان شاء الله
امينة : لازم هاد العملية امير الله غالب ولا نولو بلا اخت بعيد الشر
رفيدة : اودي قلنا بزايد ماتتفاولي على الطفلة ( رفيدة لازم تكلاشي امينة ولا ماتبردش )
امينة : بفففف بلعي
قعدو شوي وجاو وهدرو ودارو رنديفو تاع العملية ولي كانت الغدوة هاديك من اليوم ونسرين رح تبات فالسبيطار وقررت امينة تبات عندها وحدها
__________________________
هدا ماقدرت نكتب انتظرو الحلقة الجاية والحقيقة راحولي الافكار قاع ههههه ماقدرتش نكتب مامبا هههه نخرط عليكم وتسبوني
# امينة وزينو ♡
أنت تقرأ
♡< حب _ عبر _ الانتارنيت > ♡
Romanceاوووووووب حبس حبس اذا ماقريتش لكرو هادي راحت حياتك يالزين بزاااف ملييحة فيها بنة العايلة اوووبس نسيت تاني الضحك والتمسخير والحزن ياااو كلش تبع اقرا وماتندمش بإذن الله ♡♡ Chronique __ Dz ♡♡
