♡< حب _ عبر _ الانتارنيت > ♡

الحلقة 12

■ امينة تحكي :

بعد المجزرة لي صرات يمكن تقولو راني ميتة بلا روح ياو قصدي حية بلا روح هههه بعدما وريت لنانا وين كانو شفت في جدي وعمامي ورحت للبيت نتاعي نلبس قشي لبست السروال بالذراع لحق وقت التريكو تعافرت معاه والو حتى مليت هيا وليت قعدت نستنا تجي الفرملية تعاوني ولا ماما سامحتها مهما تبقى ماما ونور عيني وحبيبتي وحياتي ربي يحفظهالي نستنا نستنا طاحلي التريكو من يدي نحيت لغطاء لي كان مغطيني وهبطت من السرير جيت رح نحكمو حتى تحل باب لاشومبر على اساس فرملية ولا ماما ولا وحدة من نساء عمامي مي خاب ظني نطلع راسي بالشوي لانو كانت ريحة رجولية بزااف شابة مي ماشي غريبة عليا شفت فيه من الشوك عاود طاحلي التريكو وبقيت نشوف فيه كي البغلة وناسية انو مانيش لابسة تريكو وخيمار وهو يكيل فيا حتى عراني حشمت على روحي اندبي بدا يقدم وانا نرجع وتفكرت بلي راني هكاك اخرج لربي عريان يكسيك زربت هزيت لغطاء وبديت نرجع اللور ونحاول نغطي روحي بصح تالمو نرجف عييت واخييرا سترت اللازم بصح هو غير يقدم تقول مازلت عريانة لصقت فالحيط وهو لصق فيا نرجف انا خايفة كاشما يديرلي بدا يقدم لشفافي وانا نحاول نهرب بصح والو حتى فاق لروحو واش راه يدير بعد وضربني بالظهر اكيد عرفتوه الدكتور نتاعي واقيلا اسمو زينو

الطبيب ( زينو ) : ربك نتيا امشي استري روحك
انا : اااااا كيفاه هذا نتا ادخل عليا دخلة روس ودير واش حاب من بعد انا الغالطة ماعندكش فن الطبطيب ولا تتعب اووو باغدون ميسيو من الصباح ونتا مع المرضى بصح نتاع دقيقة تهز يدك وطبطب تخبطها زوج مرات برك لالا ماتقدرش يدك تتعب وجسمك يتعب  كلش فيك يتعب وزيد سينوغمال كون نبدل في قشي بيسك رح نخرج اااو ضرج انا الغالطة
الطبيب ( زينو ) : بلعتي كاسات ولا بوست ولا ديسكو مرة وحدة اسكتي شوي خلاص انا الغالط البسي ضرك
امينة : نلبس وقتاش نحب ماعندو مادخلك ديجا تزرب فيا رح تحاوزني ولا
الطبيب (زينو ) : اسكتي يرحم الوالدين جيت نشوفك الا راكي لباس ولا نو بصح تاني انا لحمار لي جيت
امينة : عرفت روحك ( قلتها بصوت خفيف مايسمعوش ) اااه معليش ضرك كي القافز دكتوري روح جيبلي فرملية ولا وحدة من عايلتي باش تعاوني نلبس تريكويا ماقدرتش الجرح مزال جديد
الطبيب ( زينو ) : اوك اني رايح
امينة : مع السلامة يادكتوري المزعج تروح وترجع ياغالي ( تغنيلو ) حابني نغنيلك روح واش نديرلك
الطبيب (زينو ) : هادا العبد رح يديرلك فيك مزية ونتي تهدري هكا ياخي عباد ياخي
امينة : اسمع ياو وش اسمك هاد العباد الحقهم زين ودين وطاي و لسان يقطر لعسل مع العيباد لي يستاهلو ماشي من امثالك ببب وضرك راه الشيطان يضرب فيا للراس يقولي اتلاحي عليه ووريلو الزنباع وين يتباع روح صاحيتلك بيسك ضرك نزيد نهبل نولي مانعرف ماما من عدويا انا راني مانقدر لا كبير لا صغير فهمت حتى كون نكون في فراش الموت راني مانحبسش راني مخلية لقدر بيناتنا برك بيسك عالجتني زعما زعما زعما زعععععماااااااا وزييد دكتور اه سامحني غلطت دكتوووووووووووووغ ضرك فهمت الوغ روح ديراكت وماكالاه دير خلف دور بيسك تشوف حاجة ماشي
خرج وخبط الباب في وجهي
انا : بفففففف رقعة خماج حمار زبل خرا كلب منحرف متعجرف اغيول افوناس بعير كل الحيوانات الاليفة والغير الاليفة