بعدما خرجت امينة ونوسة ورورو من الكافي راحو ديراكت يحوسو على زينب وحسينة لي كانو برا فالطوموبيل مع رحيم اما من جهة اخرى جاد لي كان قريب يطرطق شافها بعد هاد السنين زادت زيانت وكبارت وولات مرا ونص الله يبارك ناض ديراكت يتبع فيهم بلا مايحسو بصح توتوتوتو حاجة ماتخفا على امينة حست واحد يتبع فيهم كانت كل مرة تلوح في عينها ورفيدة فاقتلها اما نسرين مزالت فالصدمة وحست روحها ماشي نورمال الدوخة تلعب عليها كل مرة وتحس روحها رح تتقيا ( حشاكم وحشا قدركم ) مي مادارتلهاش اهمية كملو يمشو خرجو للباركينغ حبست امينة وقالتلهم نسيت ماشريتش لقماش لي وصاتني عليه جداتي اما هي عرفت شكون يتبع فيهم وحبت تروح ترخسو على عملتو راحت تمشي ومطلعة راسها تعرف موقعو كان ورا البوطو اما هو شافها جاية تبلوكا في بلاصتو ماقدرش يتحرك يتحرك تشوفو
امينة : هههههه بهلول تبالو مافقتلوش
وصلت عندو شافت شافت فيه ومن بعد ضحكة ضحكة من اعماق قلبها
امينة : هههههههههههههههههههه مازلت حي يايما كرشي شوف اي نتا بعد على ختي فهمت ياواحد ....
حبست وحاولت تتمالك اعصابها اما هو مهبط راسو ويسمع فيها عندها حق في كل كلمة تقولها
امينة : نتا ماتحشمش ولا وشنو هااا قبل سنين رخستها وهبطت بقيمتها وكرامتها واليوم جاي تلبعها مسكين متوحشها ونادم ياو ط** روح العبها على وحداخر ماشي عليا
قدمت ليه كثر قريب لصقت فيه وطلعت راسها وحكمت في كول الشوميز نتاعو وتهدر وترص على سنيها : اسمعني وحل وذنيك مليح ماشي تحل ت**** اوك نسرين مريضة مرض كون تتقلق ولا تقعد تخمم في حاجة قلبها يحبس ونتا راك تزيد عليها هي عندها ظروفها وحدهم ومشاكلها وزيد عليها نتا
جاد تصدم بعد ماسمع المرض : واشنو ؟ مرض ؟ واش راكي تهدري نتي ؟ من نيتك ؟ وشمن مشاكل؟ امينة بعدت عليه ونفضت يديها ودارتهم في حزامها : هاهو بدا لبرانس تاعنا يلعبها خايف على لبرانساس توتوتوتو نتا تبلع لانو هدا الشي لي صرالها كلو بسباك كون ماشي نتا كون راهي لباس عليها وطير مع الجنون اما بالنسبة للمشكال فهي مخ ...
حبست عند الكلمة هادي وقت سمعو صوت عياط ونديب راح مخها لختها ديراكت كاشما صرالها
امينة : ن..ن..ن..س.ر.ر..ر.ييييي.ن ( نسرين )
جاد : واش ... واش بيها !!!!!
راحت تجري وهو وراها ناضو يبعدو فالناس باه يشوفو واش صرا مايشوفو غير فنسرين طايحة وماجايبة خبر
امينة : لااااااااا نسريييييييييين ختيييي نوضي يعيشك نوضي نوضييييي اسمعيني نوضي
فاق جاد من صدمتو وراح يجري
جاد : بعدي بعدي
دارت امينة عندو وتضرب فيه على صدرو : واش حاب واش حاب واش حاب واش حاااااب هاااا بسبابك نتا بسباك ختي راهي فالموت بسبابك واش رح تزيد دير هااااا رح تقتلها دوكا ياك بعد بعععععد مانشوفش وجهك هادي هي سر حياتي هادي هي ماما هادي هي كلش في دنيتي ونتا رح تقتلها رح تقتلها بعد بعد بعد
وناضت تخبط في راسها اما هو بعدها وراح يجري لنسرين قاس نبضها لقاه كاين مي ضعيف وكانت تتنفس بصعوبة هز التيليفون وعيط
جاد : اول طارق ضرك ديماري بسيارة الاسعاف وارواح مع ليكيب في باب الزوار يالاه
وكوبا هبط عند نسرين : تعيشي حبي تعيشي حلي عينيك وشوفي فيا تعيشي نوضي نداويك بيديا ونرجعو نعيشو لابال في نعيشك كي الاميرات مايخصك والو نوضي حلي عينيك مرتي حلي عينيك تعيشي حليهم
أنت تقرأ
♡< حب _ عبر _ الانتارنيت > ♡
Romanceاوووووووب حبس حبس اذا ماقريتش لكرو هادي راحت حياتك يالزين بزاااف ملييحة فيها بنة العايلة اوووبس نسيت تاني الضحك والتمسخير والحزن ياااو كلش تبع اقرا وماتندمش بإذن الله ♡♡ Chronique __ Dz ♡♡
