في بلاصة اخرى عند زينو الزينون ديالنا يامامي بعد ما تغداو وخلصو لعشية هادي ماعندو والو يديرو لا فالخدمة لا فحياتو الشخصية هز التيليفون يبعث لأمينة فالفايبر ( نتاع المواقع مي نفسها بطلتنا مي هوما في زوج مايعرفوش انو يهدرو مع بعض ) مي كي شغل انبو ضميرو كي تفكر امينة ايا ولا طيش التيليفون وتنهد من قلبو تكا راسو من تالي وقعد يخمم حتى تفكر داني هز التيليفون عيطلو ديراكت
زينو : دندون
داني : زينون صفا شوي ولا
زينو : والله لباس الحمدلله ونتا بوقوصي( جيبولي بوقوصي انوش تاعي جيبولي مقلوعي لحنون ديالي لي تخرب في عمري والله عليها نتيري هههه الشابة وردة وياما )
داني : لباس الحمدلله واش درت فالحكاية هاديك كاش جديد ؟!
زينو : وي ماتخافش لعشية هادي تتفرا
داني : ان شاء الله
زينو : داني راني هابط لالجي
داني : اااه وشنو ؟؟؟!
زينو : واش بيه قسامك تخلعت
داني : علاه راك رايح
زينو : خدمة راك تعرف صاحبك مشهور بزاف هههه ولاو يعيطولو يخدم معاهم ( قصدو دا كونجي باه يروح لجاد باه يشوف امينة لي سحراتو من اول مرة شافها هههه ياما )
داني : امممم باين ايه مالا ربي معاك ويعاونك
زينو : ان شاء الله ياربي ايا تشاو
داني : تشاوات ♥
حط التيليفون راح لبس قش سبور رح يروح للصال دو سبور عندو موعد ( شفتو الناس عندهم مواعد وانا من بيتلاند وكوزينلاند مانخروجش ) وزاد هز حوايج نظاف باه يدوش لثم ويلبس ويروح ديراكت يوجد روحو يهبط لالجي باذن الله
في بلاصة وحداخرا :
يكركر فاليزتو يمشي بكل ثقة دوك ليزابدو داك لوجه وداك الزين والنواظر في وجهو يد تكركر فالفاليزة ويد هاز بيها لجيلي ديالو بطبيعة لحال في كندا توجور البرد وصل عند الطيارة الخاصة
_ واجدة
اليد اليمين ديالو : وي واجدة ميسيو اتفضل
دخل ديراكت بلا مايقولو حاجة ولا حتى يشوف فيه نعم ياسادة انه الغرور القاتل هههه راح حكم بلاصتو المعتاد عليها بعثلو : راني فالطريق ليك صاحبي اتهلا
وطفا تيليفونو ديراكت ودار يشوف فالطيارة كيفاش بدات تطلع وفي قلبو الف حكاية رح يرجع لبلادو بعد مافاتو سنين رح يتلاقا بأمو وباباه كيفاه رح يدير مراحش يعرفوه وخواتاتو خلاهم صغارات كيفاه رح يلقاهم دوك يكونو نساء ونص وجداتو وعمتو لي تربا على يدها رح يقبلو بيه بعدما شوالهم كبدتهم استغفر ربي وركب السماعات في وذنيه وبقا يسمع فالقرآن حتى وصلو وهبط فوق المطار تاع قسنطينة باه يكون قريب من الموقع لي رح يتلاقا فيه مع صاحبو هبط من الطوموبيل جابولو طوموبيل ركب فيها وديراكت لباتنة بلادو لي تربا فيها عمرو كامل وكي غبناتو الدنيا ودارت وصفعاتو راح وخلا بلادو وعايلتو هو انسان قوي ياجبل مايهزك ريح ووجهو بارد مايعبر على حتى حاجة ويقولو عليه هدا حجر ماشي انسان مي داخل قلبو الف حكاية وحكاية مجروح ومكوي وصل للدخلة تاع لحومة ديالو تنفس وكمل يشوف فالبلاصة لي تربا فيها عمرو كامل كاروات تاع طوموبيلات سوداء كسواد الليل واحد مايقدر يشوفو حبس فالكوانة قدام باب دارهم هبط وكامل الناس يشوفو فيه ماعرفوهش شكون اما هو عرفهم واحد واحد بيانسور الرجال توجو يتبدلو سيرتو من فترة المراهقة حتى الفترة هادي لي راه فيها ولا راجل ونص تبسم على جنب وراح للباب متردد اما الناس حايرين واش داه للدار هاديك هو يبان شخصية عظيمة واش يدير عند واحد زوالي هكداك طبطب زوج مرات حللو راجل يبان كبير فالعمر كي شافو تشوكا زعما هدا باباه نن محال ماش باباه كبر هكا بالزربة شكون هدا نحا نواظرو وقعد يشوف فيه
لعجوز : اهلا وليدي شكون نتا ؟
_ ( زعما بابا ماعقلنيش لالا محال ) احم انا هاني ***
لعجوز : وشنو هي علاقتي بيك
هنا هاني تصدم لالا محال هدا بابا
هاني : نحوس على بابا
لعجوز : انا ماعنديش ولد عندي غير لبنات جامي لا كان عندي ولد في حياتي ( اعمي الشايب قعرتها هنا)
هاني راح مخو انو عايلتو نساوه راح هرب ديراكت للطوموبيل والدمعة في عينو
هاني : محال نن محال يكونو عايلتي لالا محااال لاااااااااا
خبط الفولون خبطة وحدة وكامل سمعو عيطتو لي هدت الجبال (وشبيه هدا هبل )هكا الناس كانو يقولو في داخلهم ديمارا ديراكت في عقلو الف سؤال محال يكون باباه هدا عبد اخر قعد ينكر وينكر حتى وصل للبلاصة لي تفاهمو عليها صال دو سبور الخاصة بيهم دخل ناوي على خلاها الليلة الدمار كامل يروح لزينو الليلة زينو يتكسر ويتمرمد لقاه عند وجهو متبسم ابتسامة تاع انتصار اما هاني لي كان قلقان وتبدل وجهو بعدما شاف صاحبو زينو حضنو ديراكت بدون سابق انذار
هاني : صحايبي
زينو : هدا نتا راك سور نتا هو هاني ؟
هاني : لالا خيالو هههه
زينو : مرحبا بيك لغالي توحشاتك بلادك عمبالك
هاني : الغربة قتلتني والله العظيم
زينو : هادو هوما الظروف الله غالب
هاني : ايه هاديك هي
زينو : نبداو ؟؟؟!
هاني : هيا الليلة هادي خلات عليك
زينو : ايه صح امنتك هههه
دخلو ديراكت للحلبة لكبيرة لي دايما يتقابضو فيها وبداو يتضاربو تقولشي الثور الهايج لخوه خلصو مضاربة واكيد هاني كان الرابح لانو هو مخباراتي يعني يعرف الفنون القتالية اكثر من زينو راحو مشاو للطابلة ديراكت قعدو في زوج ينهجو ويرجعو فالنفس
زينو : ايه كاش جديد تبان مهموم من الضرب لي كليتو غير ربي لي سترني هههه
هاني : هههه اليوم رحت لدارنا
زينو : ااااه ووش صرا ؟!
هاني : مانعرف والله مانعرف راني مخلط
زينو : احكي خير ان شاء الله
هاني : اووف ( حكالو كلش )
زينو : بلاك مش هوما
هاني : لثم لبروبلام مافهمت والو
زينو : ماعليش صاحبي ماتستسلمش غدوا زيد روح وسقسي واكيد يكونو مش هوما
هاني : ايه خويا نجرب ، ونتا علاه عيطتلي جبتني من كندا للهنا خير
زينو : ايييه رح تفرح
هاني : خير
زينو : داني ماماتش ظهر حي
هاني كان يشرب فالماء حتى قجف : احم احم احم زينو راك سووور داني مات خلاص راك تتخايل
زينو : نن ماماتش دوك نحكيلك ( حكالو كلش )
هاني : اممممم هاديك لي يسموها سماح مالا استنا نحكمها
زينو : شوف لازم نلقاو الدلائل باه نحكموها ديجا هاديك اللفعة نسيت اسمها راهي فالحبس تهنينا منها ولوخر مات بقات سماح لازم تلحق على هاديك عيطتلك نتا معريفة يعرفوك بارتو
هاني : هاد لحكاية خليها عليا نتا افري امورك اوك
زينو : اوك جاد مايعرفش ماتقولش
هاني : هداك نقولو يفضحنا فمو مش ليه ههههه
زينو : شفت والله صح
هاني : نوض نظفو رواحنا ووريلي السبيطار وداني توحشتو يار** نروح ناكلو هههه
زينو : بالشوي برك
هاني : غياار هيا رابيد هههه
راحو دارو دوش لبسو وخرجو مع بعض كل واحد بطوموبيلتو وصلو للسبيطار دخلو ديراكت ولفرمليات ولبنات لي لثم غير يقابرو من لتحت لتحت ملي كانو كانو يكحلو على زينو وزاد هاني ربحت وصلو لباب تاع شومبرة داني جا هاني رح يحل الباب حتى تحل وتتخبط فيه رجعت للور جات حطيح حتى حكمها ورجعها عندو و تخبطت في صدرو حست راسها تكسر _ اعععع هدا صدر ولا حجر يايما راسي
وقعدت تتوجع اما هو يتأمل في تفاصيل وجها ويخمم زعما شكون هادي ماشي مامبا فرملية حمحم زينو فاق على روحو طلقها جات حطيح زاد حكمها
_ اودي دوختني هاه في جرتك عييت نوقف كي لعباد
فاق على روحو وانو هاد الانسانة راهي تهين فيه طلقها وهي حاولت تحكم روحها هز صبعو يهدد فيها : اسمعي نقولك بلاكي تزيدي تهدري معايا هكا اوك
_ شوف اسيييدييي بلاك ولداتك يماك بالواقفة (حشاكم ) !!!
هاني : ههههههه هادي عجبتني
_ بيانسور تعجبك بيسك انا لي قلتها
هاني : روحي اطفلة ربي يهديك
_ امين اجمعين
زينو : كملتو ؟
هاني : سقسي لمادموازال
_ كون نلقا مانكملش مي راني محتاراماتو على جالك هاني : هههههههههههه قتلتيني واذا مش هو واش رح ديريلي
_ السحوووور هههههه
تحلو عينيه صفاحي اما زينو فكان يضحك عليها دايما تخوف العيباد بالكلمة هادي اما هاني كي سمع السحور دخل ديراكت دار زينو عندها
زينو : اااه ياريان قتلتيني
ريان : شايف روحو حاجة وهو طرف دجاجة
زينو : المهم واش راهو داني
ريان : انتيك الحمدلله
زينو : كيما قلتلك بلاكي تبيني لسماح لحكاية
ريان : نن مستحيل راك تعرفني زينوش
زينو : اسكتي اسكتي ههههه
ريان : روح عند صاحبك المغرور
زينو : ليكيدي ليكيدي معليش نفوتهالك بيسك عزيزة عليا
ريان : احم احم مرسي عمو
زينو : ههههههه ايا تشاو
ريان : تشاوات
( ريان تكون الجاسوسة على سماح رح تكون يدها ليمنى وفي نفس الوقت تتهلا فداني مي كانو انسانة عادية ماشي فرملية اما هاني فهو صاحب داني وزينو وجاد هادو الربعة عصابة من الصغر ربي يدوم محبتهم ♥ )
___________________________
بون والله مانسيتكم علابالي طولت عليكم بيسك هاد لحلقة الملعونة كتبتها ومابعثتهاش خرجت من الوتباد مالقيتهاش من بعد راحتلي تسوبريمات باه تندبو على هاديك حكمتني الفشلة وبالذراع باه عاودت كتبتهى ههههه
# امينة وزينو ♡
أنت تقرأ
♡< حب _ عبر _ الانتارنيت > ♡
Romanceاوووووووب حبس حبس اذا ماقريتش لكرو هادي راحت حياتك يالزين بزاااف ملييحة فيها بنة العايلة اوووبس نسيت تاني الضحك والتمسخير والحزن ياااو كلش تبع اقرا وماتندمش بإذن الله ♡♡ Chronique __ Dz ♡♡
