تشوف في اختها متغاشية فاللرض الدم نازل من راسها يجري ماصدقتش عينيها غمضتهم بالوقت وعاودت حلتهم تأكدت انو حقيقة ومش حلم خرجت تجري من البيت وتعيط طالعة لفوق الدار
امينة : با..با.. نسرين .. نسرين
رحيم : وشبيها حلي فمك
امينة : الدوش... نتاع ...بيتنا
تهدر وترجف وتنهج قلبها يدق هبطو يجريو كامل فاقت من صدمتها وقت عيطت امها عيطة وحدة هبطت تجري تلقا ناناها
زينب : واش كاين
امينة : تغاشات .. نسرين ... تغاشات
راحو يجريو لحقو لقاوهم مشوكيين كامل ماهمش مصدقين حسينة طايحة فاللرض وتبكي ولخرين كي الصنم راح رحيم شد حسينة جبدها على نسرين وامير راح هز نسرين ويمشي طاير بيها
امينة تحكي:
رحت معاه انا لانو كنت لابسة ولحق بابا فطوموبيلتو مع ماما وصلنا هبطنا
امير : اجريييو اجريييو دكتورة اجررريو ختي رح تموتتتت تعيشووو اجريو تعييشوووو
امينة : وينكم ياخي هاااا الطفلة راح تموت ارواحو
هازها بين يديه دمها عمر السبيطار الكل وين مايمشي يقطر الدم وامير يدو كلها دم والشوميز تاني جات الدكتورة تجري مع السرير لحقوها للبيت بقات تفحص فيها وتتكلم
الدكتورة : وش بيها
امير : مانعرفش اما دخلنا للبيت لقيناها طا...
قاطعاتو امينة : عندها ورم في راسها طاحت داخت في بيت البانو وتخبطت في كاش بلاصة
شاف فيها امير باستغراب
امير : ورم !!!
الدكتورة : اممم اوك ... اي انتي روحو قوللهم يوجدولي غرفة العمليات ( تهدر مع الفرملية من بعد دارت تهدر معاهم ) انا مانجمش نعمللها عملية نحيلها الورم لانو مش تخصصي باش نخيطلها جرحها ونعقمهولها اما العملية راهي تصلح كان في الجي لثم كاين السبيطار لي تقدرو ديرو فيه عملية الورم اما توا ناقصها دم لازم واحد يتبرعلها
امينة : انا مانقدرش
امير : انا نتبرعلها
الدكتورة : اوك الحقني
قحرة الدكتورة في امينة قحرة تموت وراحت مع امير خرجت امينة من الشومبر واول كرسي لقاتو قعدت فيه هبطو دموعها بالوقت تبكي وتعاود حست بيد تحطت عليها عرفاتو باباها ناضت حضناتو وبقات تبكي وتعاود
رحيم : امينة واش كاين بنتي وشبيك تبكي كاشما صرا لختك امير وين راه
جبدت روحها من حضن باباها مسحت دموعها وهدرت
امينة : ماتخافش راهي في غرفة العمليات مابان عليها حتى خبر وامير راهو يمدلها فالدم خاصها الدم
قدمت عندها حسينة
حسينة : ماقدرتيش نتي تمديلها الدم ااه ولدي لازم يمدلها ونتي لالا قولي
امينة: وانا مش بنتك
رحيم : حسينة بالشوي على الطفلة شعلتي فيها
حسينة : تزيد تشرك فمها ؛ ايه عندي الحق ماشي هادي ختها لي من لحمها ودمها هااا قولي ماشي هادي ختك لي تضحي بروحك على جالها
امينة الدموع ماحبستش من عينيها ماتوقعتش هاد الهدرة تقولهالها امها هبطت راسها وراحت تجري ماعلابالهاش وين المهم تجري ودموعها دايرين طريق في خدها خرجت من السبيطار تجري ماحست كان كي طخبت في راجل وحست حاجة دخلت في وسطها حبست هكاك عينيها حمارو من لوجيعة نحا الموس ( السكين ) من كرشها وقعد يشوف فيها مدة وراح يجري مخليها واقفة هكاك ودمها يسيل طاحت فاللرض بالوقت ومن ثم ماحستش بحاجة
زينو يحكي:
أنت تقرأ
♡< حب _ عبر _ الانتارنيت > ♡
Romanceاوووووووب حبس حبس اذا ماقريتش لكرو هادي راحت حياتك يالزين بزاااف ملييحة فيها بنة العايلة اوووبس نسيت تاني الضحك والتمسخير والحزن ياااو كلش تبع اقرا وماتندمش بإذن الله ♡♡ Chronique __ Dz ♡♡
