احببتك من النظره الاولى⁦❤️⁩

Part 2

* بعد العصر
حور : ماما أنا نازله عندي درس عايزه حاجه
وفاء : ربنا معاكي يا بنتي بس ما تتاخريش
حور : حاضر يا امي لا اله الا الله
وفاء : حضرلك الخير يا حبيبتي محمد رسول الله
نزلت حور و قابلت جويريه صحبتها " حور بتقولها جوري مش جويريه "
حور : جوري قلبي عامله ايه
جوري : الحمد لله يا قمر  وانتي
🍃 جويريه صاحبه حور عندها 18 سنه بس قدها في الدراسه بتحب حور جدا  مختمره عيونها عسلي و بشرتها برونزي
حور : بخير يا قلبي ، يلا عشان منتاخرش
جوري : يلا ياختي امشي قدامي ، عامله ايه في المذاكره
حور : بلاش تسالي احسن ، بفضل الله كل ما افتح كتاب أنام جمبه و اصحي علي صوت امي و هي بتزعق و تدعي و بتقول هي عملت ايه في حياتها عشان ربنا رزقها بيا 😂
جوري : هههههه و الله يا بنتي الله يكون في عونها ، بس انتي ازاي كدا علي طول ضحك و دمك خفيف و عسل و انتي منتقبه معلش يعني متزعليش الناس شيفينك انك معقده شويه وانك مش بتهزري خالص مع انك بتثبتي عكس كدا خالص
حور : لا من غير ما تقولي مش زعلانه و انتي فعلا عندك حق أن الناس شايفاني معقده بس دا فكر غلط في دماغهم وانا مش مسؤوله عنه ، يعني بصي الدكتور و المحامي هما الاتنين بيبقوا مع بعض في نفس المدرسه و يمكن في نفس المقعد و مع ذلك كل واحد بيدخل كليه الاتنين بشر و الاتنين مهمين و مش معني مثلا أن الدكتور كان مجموعه كبير أنه يشوف نفسه علي الناس لا بالعكس المفروض يتواضع لأن دا كله توفيق من ربنا و ساعات بيكون المحامي احسن من ميه دكتور القصد ايه أن النقاب دا ستر و عفه مش تعقيد و لا حاجه و مش معني اني منتقبه امشي مش شايفه حد قدامي و اني اعمل فيها خلاص محدش قدي لان دا كله ستر و عفه و توفيق من ربنا و ربنا رزقني بالنقاب يبقي أحمده و اشكر فضله و ادعيه و النقاب دا في الشكل مش في الطبع و من ناحيه ما بهزرش لا أنا بهزر عادي جدا بس مع اللي يجوز اهزر معاهم مش مع اي واحد من الشارع و اكيد في ناس احسن مني و أقرب لربنا بس اهه بعمل اللي اقدر عليه و بعدين ما انتي مختمره اهه و عسوله خالص  ويمكن احسن مني كمان بس لو لبستي النقاب هتبقي ملكه ربنا يرزقك بيه قريب
جوري : ياه انتي جميله اوووي يا حور بجد ، حد مكانك كان فتح دماغي و قطع علاقته بيا بعد ما هجمته مباشر كدا أما انتي اتكلمتي معايا بالراحه و بجد اقنعتيني ، أنا بحسد نفسي عليكي