كوثر : اهلا بيكي يا صفاء عامله ايه يا حبيبتي، و انتي يا هبه اخبارك ايه
صفاء : الحمد لله و انتي اخبارك ايه ، اومال فين غيث
كوثر : في الشركه، زمانه جي علي ما تشربوا حاجه ، ثواني انادي حور
كوثر نادت حور وقالت لها أن دي كانت خاطبته و احتمال تحاول تدايقها فتكون هادئه معاها
حور : السلام عليكم ورحمه الله وبركاته، اهلا بيكوا نورتوا
هبه : هاي ، ايه دا انتي الشغاله الجديده
حور : لا أنا حور مرات غيث
هبه : وات ، ازاي ،انتي اللي فضلك عليا و ايه اللي لبساه دا عبايه و نقاب
حور بهدوء : كل واحد حر في نفسه و لبسه و أنا شايفه أن لبسي كويس و بيرضي ربنا
هبه : انتي بجد لوكل اوي ، و مش هتنفعي زوجه لغيث و لا تشرفيه اصلا
و كان غيث جه و سمع كلام حور علي هبه و ابتسم من عقلها و هدوئها بس لما سمع كلام هبه مقدرش يسكت
غيث : ايه اللي بتقوليه دا ، حور دي مراتي و اللي مش عاجبه براحته و أنا اللي اتشرف بيها وسط الناس و العبايه و النقاب اللي مش عاجبينك دول بالنسبه لي احسن حاجه فيها و لو مش هتحترميها يبقي متقديش هنا ثانيه كمان و اتفضلي برا
صفاء : اهدي يا غيث ، هبه متقصدش ، انت عارفها مش بتعقل الكلام ، معلش يا حور حقك عليا
حور : لا ابدا محصلش حاجه يا طنط
غيث : مدام مش بتعقل الكلام يبقي تعقليها يا خالتي
عن اذنكوا و اخد حور و طلع
حور : اهدي يا غيث ، مفيش داعي لدا كله
غيث : اهدي ازاي انتي ما سمعتيش قالت عليكي ايه
حور : دا رئيها وكل واحد حر
غيث : رئيها تخليه لنفسها ، و بعدين انا مسمحش لحد يقل من قيمه مراتي حتي لو كان مين
حور كانت فرحانه اوي لانه دافع عنها
حور : خلاص اهدي ، شكرا لانك دفعت عني
غيث : انتي بتشكريني علي ايه ، دا واجبي و مش معني أننا هنطلق بعد ما ارجع لك حقك اني هتهاون في حقك
حور بصوت أشبه بالبكاء : نطلق ، ايوه صح ، بعد اذنك أنا راحه اوضتي
غيث غير هدومه و نزل سأل عليها و عرف انها منزلتش تاني و قعد لحد بليل و كان قلقان عليها جدا طلع و خبط علي اوضتها
غيث : حور ...حور انتي جوه ، بس محدش بيرد
فتح الباب و دخل الاوضه لقي النور مطفي الا نور خافت من الابجوره و لقي حور علي سجاده الصلاه و ساجده راح جنبها و استني انها تقوم بس مفيش فايده ، حركها وقعت في الأرض و كانت حرارتها عاليه اوي ، اخدها علي السرير و قعد يعملها كمادات ميه بارده عشان تنزل حرارتها و أثناء ما كان بيعمل الكمادات
حور و هي مش في وعيها : غ...ي..ث ، أنا بحبك اوي ، متسبنيش ارجوك ، انا مليش غيرك
غيث لما سمع كلامها كان مصدوم بس حس بالسعاده جواه و نام و هو بيعملها الكمادات
في الصباح حور بدأت تفوق و لاقيت غيث نايم علي الكرسي جمب سريرها ابتسمت و افتكرت ازاي دافع عنها امبارح بس لما افتكرت كلامه زعلت جدا ، غيث فاق ولقاها بتبصله
غيث : صباح الخير ، عامله ايه دلوقتي احسن
حور : الحمد لله ، بس ايه اللي حصل
غيث : كانت حرارتك عاليه امبارح و عملتلك كمادات عشان تنزل
حور : شكرا اوي ليك ، معلش تعبتك معايا
غيث : ما تقوليش كدا يا حور ، انتي متعرفيش أنا قلقت قد ايه عليكي
حور 😳 : ايه ، قلقت عليا أنا
غيث : هسالك سؤال و تجوبي بصراحه
حور : اسال
غيث : بس احلفي انك تجاوبي بصراحه
حور : من غير ما احلف هجاوبك بصراحه
غيث : بتحبيني يا حور ؟!
حور مش عارفه تقول ايه : ااااا
غيث : مالك مش بتردي ليه
حور و هي عينها في الأرض و بصوت خافت بس غيث سمعه : ايوه
غيث بسعاده : بجد يا حور بتحبيني
حور و قد احمرت وجنتيها من الخجل : ايوه بحبك
غيث : و أنا كمان بحبك اوووووي و كنت خايف انك تسبيني أو تضيعي مني ، أنا مقدرش اعيش من غيرك ، اتمنيت كتير اسمع الكلمه دي منك ، و دعيت ربنا كتير و الحمد لله استجاب لدعائي
حور بدموع الفرح: بجد يا غيث بتحبني
غيث : أنا بعشقك مش بس بحبك و قبلها من جبهتها
حور حضنته : و انا بموت فيك ، بس حبتني امتي و انت مشوفتنيش الا كام مره بس
غيث : احببتك من النظره الاولى يا من ملكتي كياني و اصبح فؤادي متيم بِحُبِك ❤️
حور : و كأنك غيث نزلت علي قلبي فازهر بورود حبك ، و كأنك هديه الله لي لتنير عتمه طريقي ❤️
💮 في الفتره دي يوسف كان اخد معاد مع ابو جوري و راح اتقدملها و هي وافقت و اتفقوا أن كتب الكتاب بعد ما تخلص السنه
أنت تقرأ
احببتك من النظره الاولى❤️
Romanceو احيانا نحب و نعشق من اول نظره تقابلنا المشكلات و تمنعنا الظروف و لكن يجمعنا القدر
