جوري : ههههه بجد يا حور ، يعني بعد ما لحقك تضربيه بالقلم
حور : اهه دا اللي حصل بقا اعمل ايه ، و بعدين انتي بقا كان يومك عامل ازاي
جوري : اسكتي ياختي علي اللي حصل و حكت لها كل حاجه حصلت مع يوسف
حور : ياه هههه بقا يوم ما يطلع لك لسان و تتخانقي مع حد يطلع الدكتور بتاعك
جوري : شوفتي الحظ بقا
حور : أن شاء الله خير و أنا هدعيلك كتير و متشليش هم
جوري : يا رب 🤲 ربنا يحفظك يا قلبي، تصبحي علي خير
حور : و انتي من اهل الجنه يا جوري
* و بدأت الطيور تعزف ألحانها و الندي يغطي اوراق الأشجار و الصبح يتفتح من عتمه الليل و مأذن المساجد تعلو بصوت القران الكريم ، استيقظت حور علي صوت قران الفجر و أيقظت ادم و أدوا صلاتهم و بدوا يوم جديد ملئ بالمفاجئات
حور : صباح السعاده لقلبك يا جنتي
وفاء : يسعد صباحك يا قمر ، صاحيه بدري يعني
حور : عندي محاضره بدري ، عايزه حاجه
وفاء : مش هتفطري قبل ما تنزلي
حور : لا يا ماما انهارده الاتنين و انتي عارفه اني بصوم اتنين و خميس
وفاء : بس يا بنتي انتي بتروحي الكليه و بتعملي مجهود و عشان تركزي في محاضراتك
حور : يا حبيبتي اولا ربنا رزقتني الصحه و بيعني علي الصيام و كمان من صام يوم في سبيل الله باعد الله بينه و بين النار سبعين خريفا و كمان الفهم دا من عند ربنا و مش معقول اني هكون بطيع ربنا و اني مفهمش
وفاء : ربنا يكملك بعاقلك يا بنتي و يحفظك يا رب 🤲
حور و هي تقبل والدتها : احلي دعوه يا مامتي ، أنا ماشيه سلام
وفاء : حوووور استني
حور : نعم يا ماما
وفاء : الشقه اللي قدامنا سكنت و في شاب معاهم ابقي اهدي شويه و وطي صوتك مع اخوكي ماشي يا قلبي و بلاش شغل الهبل بتاعكوا
حور : ههههه ، حاضر يا امي هكتم نفس ادم وانا بضربه 😂
وفاء : 🤦 ماشي يا حور قبل ما تموتني
* حور نزلت خلصت محاضرتها و راجعه البيت وهي طالعه
غيث : يا انسه لو سمحتي
حور وقفت و بتبص وراها : أنا
غيث : ايوه حضرتك ثواني و كان لسه طالع علي السلم و بيبص لاقي حور طلعت جري علي فوق و هي بتقول اسففففه و ملحقش يوصلها
حور وصلت الشقه و دخلت و قفلت وراها بسرعه بدل ما يكون طالع وراها
ادم : امسك حرامي ، في ايه بتجري من مين اعترفي بسرعه
حور بتوتر : خضتني يا ادم حرام عليك ، و بعدين ايه حرامي دي 🤨 ما تحترم اني اختك الكبيره و فين ماما و بابا
أنت تقرأ
احببتك من النظره الاولى❤️
Romanceو احيانا نحب و نعشق من اول نظره تقابلنا المشكلات و تمنعنا الظروف و لكن يجمعنا القدر
