احببتك من النظره الاولى⁦❤️⁩

الحلقة الرابعة

*في المساء اجتمعت العائلة لتناول العشاء، ولم يخلوا من المشاكسة بين حور وأدم
_طيب يا جماعة تصبحوا على خير
_رايح فين لسه بدري
_رايح ألعب ، يعني بقول تصبحوا على خير أكيد هنام
_طيب يا لمض بنيت قصر قبل ما تنام
_قصر! إيه أنتِ هتهزري
_لا يا خفيف مش بهزر بنيت قصر في الجنة
_لا نسيت هو كان ابنيه بإية صحيح
حور وقد امسكته من أذنه _تعالى ورايا جوا عشان بقيت بتنسي كتير
_آه آه خلاص أخر مرة
_خلاص سماح المرة دي، مش امبارح قولتلك إنك لو قريت سورة الإخلاص عشر مرات يتبني لك قصر في الجنه ودا في حديث عن معاذ بن أنس صاحب النبي ﷺ أن النبي صلى الله عليه وسلم قال: " من قرأ سورة الإخلاص * قل هو الله أحد * حتى يختمها عشر مرات بني الله له قصرًا في الجنة"
_معلش والله نسيت وهبني قصر إن شاء الله وأنام
_تصبح على خير يا أدم
_وأنتِ من أهل الجنة يا حوري
.. .. .. .............. ... ........
*وقبل آذان الفجر بربع ساعة
_دومي حبيبي آدم اصحى يلا عشان الفجر
_حور سيبني والله ما قادر
_اسيبك في أي حاجه إلا أن الصلاة تروح عليك، قوم يلا دا قرآن الفجر بيشهد عليه الملايكة
_طيب لسه ما أذنش سيبني شويه على ما الأذن يأذن
_يا حبيبي ربنا بينزل آخر ثلث من الليل بيسأل عباده لو عايزين أي حاجة يقضيها لهم قوم بقا بلاش كسل وادعي كتير وصلى ركعتين بنية قيام الليل
_حاضر أنا عارفك مش هتسبيني
_أنا بحبك ومش هرضى عليك النار أبدًا
.. .. .. .. .. .. .. .. .. .. .. .. ..
* وصلوا الفجر جماعه وقالوا الأذكار وقرأوا قرآن
_حور أقولك على حاجة بجد
_قول يا سي أدم، بس من غير طوله لسان أنت لسه مصلي
_لا والله بجد بعيدًا عن الهبل والجنان بتاعنا، واللي بنعمله في ماما وكل دا بس بجد أنا بحبك اوي وبحمد ربنا عليكِ أنتِ فعلًا ونعم الأخت ⁦⁩
حور وقد أدمعت عيونها من فرط السعادة
_حبيبي يا أدم والله وأنا كمان بحبك وبموت فيك ولولا كدا مكنتش صحيتك وغلست عليك و حضنته