احببتك من النظره الاولى⁦❤️⁩

Part 15

** و في يوم هبه اتصلت علي غيث
هبه : هاي بيبي ، عامل ايه وحشني موت
غيث : و عليكم السلام، الحمد لله بخير و انتي عامله ايه
هبه : fine يا عمري ، مش هتيجي البارتي بتاعت عيد ميلادي
غيث : لا مش هقدر اجي ، مشغول وبعدين أنا قولت ميه مره بلاش الكلام دا
هبه : كلام ايه يا حبيبي
غيث : استغفر الله العظيم يا رب ، مينفعش انك تقوليلي يا حبيبي و يا عمري احنا لسه مخطوبين و دا حرام
هبه : حرام في ايه ، انت قولت اهه مخطوبين يعني مساله وقت و نتجوز
غيث : حرام لاني لسه غريب عنك مدام مكتبناش الكتاب و بعدين الله اعلم مش يمكن متكونيش من نصيبي و يبقي كدا اخدنا سيئات
هبه في نفسها : هاها قال مش من نصيبي ، دا كلها بس شويه و اخد اللي أنا عايزاه ، و هو انت فكرني غبيه عشان اسيب الفلوس دي كلها واحدة غيري تتمتع بيهم
هبه : sorry يا غيث اخر مره
غيث : ماشي يا هبه ، بس دا اخر تحذير و كل سنه وانتي طيبه
هبه : لسه فاكر تقولي دلوقتي ، عموما انا عايزه هديه دا اول عيد ميلاد و احنا مخطوبين و اكيد صحابي هيسالوا عن هديتك
غيث : حاضر ، باذن الله هجيبلك هديتك
هبه : ماشي يا قلبي اقصد يا غيث ، see you soon
** بعد مرور ٤ شهور غيث و هبه سابوا بعض عشان هبه كانت استغلاليه جدا و علي طول عايزه كلام في الفون أما غيث فكان بيحاول يرضي ربه و مكنش بيرد علي كل مكالماتها و حاول يلتزم بضوابط الخطوبه ، خديجه كلمت حور و كانت سعيده جدا
خديجه : ازيك يا حور عامله ايه
حور : الحمد لله بخير و انتي يا قمر
خديجه : الحمد لله أنا مبسوطه اوي
حور : ربنا يسعدك دايما بس ايه السبب
خديجه: غيث و هبه سابوا بعض و أنا بيني و بينك مكنتش بطيقها
حور : لا حول ولا قوه الا بالله ، بس حتي لو مش بتحبيها متفرحيش فيها
خديجه: اسفه يا حور ، اخر مره
حور : مفيش داعي للاسف يا حبيبتي
*** حور بتحب غيث و علي الرغم من كدا مفرحتش لما ساب خطيبته ، يعني لما حصلوا مصيبه او كرب و في سعاده ليها اتنزلت عن سعادتها عشان تواسي غيرها ، راعوا مشاعر بعض ، و جبروا الخواطر ربنا يجبر بخاطركم 🤲⁦❤️⁩
** وفي يوم حور راجعه من الجامعه لقيت ناس كثير في العماره و عربيه اسعاف ، طلعت الشقه وهي قلقانه لا يكون حصل حاجه وفجاه
وفاء ببكاء شديد سبتني لمين يا حبيبي ربنا يرحمك ويغفر لك يا رب سامحنه واجعله من اهل الجنه
ادم : بقيت يتيم و انا لسه طالع للدنيا سبتني ليه ربنا يرحمك ويغفر لك يا بابا وقعد يبكي بشده
حور واقفه مصدومه من اللي سمعاه و شايفاه و غمضت عينيها بالم وقالت: ان لله وانا اليه راجعون ، اللهم اجرنى فى مصيبتى واخلفنى خيرا منها، اللهم اجعل قبره روضه من رياض الجنه لا حفره من حفر النار ، اللهم ثبته عند السؤال ، ودخلت قاعده جمب مامتها تواسي فيها وتهديها وتصبر ادم وغيرت هدومها وقعدت في العزا ، غيث لما سمع أن ابو حور توفي ساب الشركه بسرعه و رجع البيت وبعت خديجه عشان تكون مع حور وامه عشان تكون مع وفاء وهو فضل مع الرجاله في العزاء هو وادم وكان بيصبره وبيحاول يشجعه ويهديه ، كانت حور متماسكه ونزال عليها الصبر من ربنا وفضلت تدعي له و تقرا قران وعيونها مليئه بالدموع وكانت بتبكي بصمت لدرجه ان في ناس قالوا انها مش بتحس وانها مش بتحب ابوها ، اليوم خلص وغيث طلع فوق وعرض على مدام وفاء انها تخلي خديجه مع حور عشان تواسيها بس حور رفضت وتاني يوم الصبح ، حور ما عرفتش تنام من الحزن صليت و دعيت كتير أن ربنا يرحم والدها ويغفر له وقامت عشان تشوف والدتها لقيتها بتصلي دخلت غرفه والدها بالراحه ولقيت صوره ليه مسكتها وقعدت تكلمها ، حور بدموع : والله انا بحبك قوي ومش بارده ولا ما عنديش دم زي ما قالوا امبارح بس انا بنفذ وصيتك و عيطت اكتر