غيث دخل على مامته : السلام عليكم ورحمه الله ، مين دي يا امي اللي لو اتخطبت مش هيحصلها حاجه
كوثر : دي حور جارتنا يا بني
غيث باهتمام : حور مالها و مين اللي هيعملها حاجه
قصت له كوثر كل شئ
كوثر : عرفت بقا يا بني ، و انا عايزه اساعدها دي بنت كويسه و أنا بحبها زي خديجه بالضبط
غيث : بس هتساعديها ازاي يا امي
كوثر : انت اللي في ايدك الحل
غيث: انا ، طب ازاي
كوثر : انك تخطبها وتكتبوا كتابكوا خلال الشهر دا
غيث بصدمه : انتي بتقولي ايه يا ماما
كوثر : يا حبيبي دي بنت كويسه وغلبانه وازي خديجه اختك ، وانت تقدر تساعدها ليه لا ، ساعدها يا بني عشان ربنا يوقف ولاد الحلال لأختك
غيث : بس يا امي لو موافقتش
كوثر : لا مامتك هتقول لها على كل حاجه وما تقلقش من كدا
غيث : خلاص ربنا يقدم اللي فيه الخير وان شاء الله نروح نزورهم قريب
كوثر بسعاده : ربنا يحفظك يا ابني ويسعدك وان شاء الله تكون زوجه صالحه ليك
** وفاء حكت كل حاجه لحور و بعد اسبوع في بيت حور ، غيث و والدته راحوا يخطبوها ، كانت لبسه دريس ازرق جميل و فيه فصوص فضيه و نقابها لونه فضي و دخلت الأوضه
غيث : ازيك يا انسه حور
حور : الحمد لله بخير وحضرتك
غيث : في نعمه الحمد لله ، تحبي تتكلمي انتي ولا اتكلم أنا
حور : اتفضل اتكلم أنا سامعه حضرتك
و اتعرفوا علي بعض و
غيث : اكيد حضرتك عارفه الظروف اللي بسببها هنتجوز وده عشان تحفظي حقك انت و مدام وفاء وادم وبعد ما ارجع لك الحق ده ان شاء الله لكي حريه الاختيار لو عايزه تكملي او تطلقي ، و مش هفرض عليكي حاجه
حور حاسه ان قلبها انكسر بسبب كلامه : ماشي أنا موافقه نتجوز عشان اقدر انقذ حق امي و اخويا ، بس مش عايزه فرح هيبقي كتب كتاب في المحكمه بس
غيث : تمام ، انهارده خطوبه و ننزل نجيب الشبكه اخر الاسبوع و كتب الكتاب الاسبوع اللي جاي
حور : ماشي ، عن اذنك و سابتوا و دخلت اوضتها و قعدت تعيط : يا رب ، لما يكون جي يتجوزني يبقي عشان ينقذني بس مش عشان بيحبني 😭😭 ، يا رب دلني علي الطريق الصح و اختارلي الخير دايما 🤲
**و نزلوا جابوا الشبكه ، حور مكنتش عايزه دهب كتير و جابت دبله و خاتم و اسوره صغيره بس ، و جه يوم كتب الكتاب و كان في المحكمه خلصوا و
غيث : اركبي يا حور ، يلا عشان نروح
حور : أنا هروح مع ماما و ادم
غيث : ازاي عايزه تروحي معاهم و احنا المفروض اتجوزنا
حور : ما احنا في الشقه اللي قدامهم يعني نفس العماره ، همشي معاهم
غيث : حور اسمعي الكلام و اركبي ، لان احنا رايحين بيتنا ، الشقه دي كانت فتره مؤقته بس ، و احنا دلوقتي رجعين البيت بتاعنا
** غيث عنده بيت بجنينه شبه الفيلا بس اصغر شويه و كان بيوضبوا و بيغير الاثاث و الديكور و اخد الشقه اللي عند حور علي ما البيت يخلص
ودعت حور مامتها و ادم و روحت مع غيث و عمها جه و عرف انها اتجوزت و اتوعد لها أنه مش هيسبها و فات علي جواز حور و غيث شهرين و كل واحد في حاله ، حور ليها اوضه لوحدها و فيها كتبها و حاجاتها ، و غيث ليه اوضه ، كانت حور بتعمل اللي تقدر عليه عشان يكون ربنا راضي عنها و كانت بتحضر لغيث هدومه و مهتمه بكل شئ ليه و مع ذلك كان غيث بيتجانبها علي قد ما يقدر خايف تضيع من ايده ، خايف أنه يصارحها و يكون مفروض عليها و انها مش بتحبه و بتعمل كدا لأن دا واجبها بس مش اكتر
و في يوم هبه راحت تزور غيث هي و مامتها
أنت تقرأ
احببتك من النظره الاولى❤️
Romanceو احيانا نحب و نعشق من اول نظره تقابلنا المشكلات و تمنعنا الظروف و لكن يجمعنا القدر
