حور : ههههه ، افتح دماغك ايه بس و بعدين في ايه في القرآن بتقول " و جادلهم بالتي هي أحسن " صدق الله العظيم . يعني لما تكوني علي حق حولي تفهمي اللي قدامك مش تزعقي و تقلبي الدنيا و صوتك يعلا ، بالهدوء تقدري تعملي كل حاجه و تكسبي الشخص القدامك و دي متوقفه عليكي انتي في ناس تقدر تتحكم في نفسها و ناس لا
جوري : مش عارفه اقولك ايه ، ربنا يخليكي ليا يا قلبي و اكون عاقله زيك كدا
حور : يااااختي ، بقا بعد دا كله تدعي عليا يا جوري دي اخرتها 🤦 ، مش انا قولتلك قبل كدا أن ربنا يخليكي دي معناها بتدعي عليا لان التخليه معناها الترك و التخلي و معني كدا انتي بتقولي أن ربنا يسبني وينساني و ميفتكرنيش
جوري : اه صح معلش نسيت
حور : ماشي يا ستي انسي انتي و انا يدعي عليا و اروح في داهيه بسبب الدعاوي دي وبعدين استني هنا انتي عايزه تبقي عاقله زي هههههه ، طيب ابقي قولي كدا قدام ماما دي كانت قالتلك ما تدعيش علي نفسك يا بنتي ، دا انا مجنونه اخر حاجه 😂
جوري: ههههه ، دا انتي ملكيش حل يلا وصلنا
و خلصوا الدرس و رجعوا و طول الطريق كلام هما الاتنين و طبعا مخلاش من ضحك جوري و خفه دم حور
💮في بيت حور
ادم : مااامااا ..... ماما الحقيني حور هتموتني
وفاء : في ايه يا ولاد ، ايه اللي حصل يا حور ماسكه ادم كدا ليه ( حور كانت ماسكه ادم من رأسه و بتضرب فيه )
حور : تعالي يا امي شوفي ابنك و شوفي التربيه
وفاء : ايه اللي حصل فهميني بس هو عملك ايه 🤔
حور : الباشا المحترم المتربي ابن الاصول و الحسب و النسب
وفاء : هو انتي راحه تخطبيله ما تخلصي عمل ايه
حور : ابنك سرق قلمي 😁
وفاء : نعمممممم 😳
حور : شوفتي بقا عمل ايه
ادم : يا ماما دا قلمي أنا هي اللي اخدته مني امبارح عشان قلمها خلص
حور : يبقي بقا قلمي أنا ، وانت حرمي و جي تسرق من عندي
وفاء : يا بنتي انتي الكبيره في فرق ٣ سنين بينكوا و انتي العاقله الراسيه و اكبر منه و تعقلي عنه
حور : ايهههه 😲 ، سيبنا من القلم و خلينا في المصيبه الاكبر
وفاء : مصيبه ايه كفا الله الشر
حور : انتي بتقولي عليا عاقله و راسيه ، حسبت عليكي كدبه يا مامتي 😁😄
وفاء : ههههه و الله عندك حق في دي ، معلش يا ادم يا حبيبي ربنا يهديك خد هاتلك قلم و سبهولها
ادم : حاضر يا ماما ، و مش هسيبك يا حور😏
حور : و لا تقدر تعمل حاجه 😝
أنت تقرأ
احببتك من النظره الاولى❤️
Romansaو احيانا نحب و نعشق من اول نظره تقابلنا المشكلات و تمنعنا الظروف و لكن يجمعنا القدر
