احببتك من النظره الاولى⁦❤️⁩

Part 16

## flash back
حور كان عندها 12 سنه لما جدها توفي و كانت بتحبه ومتعلقه بيه اوي ، وقتها فضلت تعيط وكانت حابسه نفسها في الاوضه ومش بتاكل ولا تشرب
حمزة ( والد حور ) : حور حبيبتى ممكن ادخل
حور بصوت حزين : اتفضل يا بابا
حمزه : مالك يا حور قافله على نفسك ليه و ايه العياط دا كله
حور : جدو وحشني اوي وانا بحبه وعايزاه يرجع تاني
حمزه : يا حبيبتي جدو دلوقتي في مكان احسن من هنا بكثير وهو كمان كان بيحبك اوي اوي ، بس لو صحيح وحشك ادعي له كتير ، هو محتاج الدعاء دلوقتي اكتر من العياط لما تعيطي مش هيفيد بحاجه للميت أما دعائك ليه هو اللي هيفيده ، حور دي سنه الحياه ان ناس تموت و ناس تتولد عشان عماره الارض لحد ما ربنا يرث الارض ومن عليها فعشان كدا قومي اغسلي وشك و ادعي كتير و لما اموت متعيطيش و اتماسكي و ادعيلي دي وصيتي ليكي يا حور
حور : ما تقولش كده يا بابا انا عايزك معايا على طول
حمزه : احنا قولنا ايه ، ان دي سنه الحياه ولكل اجل كتاب
حور و هي بتحضنه : انا بحبك اوي يا بابا و هدعي لجدو كتير و هدعيلك ان ربنا يطول في عمرك
حمزه : و أنا بحبك يا روح بابا يلا قومي بقا
## Back
اجهشت حور في البكاء ودخلت وفاء عليها : اهدى يا حور وادعي له
حور ببكاء : هيوحشني اوي ، ازاي مش هشوفه تاني ، يا رب ارحمه واغفر له واجمعنى بيه فى الجنه
وفاء : امين يا رب ، قومي اغسلي وشك و صلي و ادعيله
** و مرت الايام و كانت الفتره دي صعبه على وفاء وادم وكانت حور بتواسيهم طول الوقت ، غيث وعائلته كانوا معهم على طول وكان بيصبر و يقوي ادم و يوصيه علي وفاء و حور
و بعد مرور 5 شهور -وفاء : حاضر ثواني جايه اهه وفتحت الباب
ساعي البريد : ده منزل استاذ حمزه
وفاء : ايوه ، خير في حاجه
ساعي البريد: في جواب لمدام وفاء ، هي موجوده
وفاء : ايوه انا ، بس من مين
ساعي البريد: من واحد اسمه هشام امضي لي هنا على الاستلام ، مضت وفاء و دخلت بس قلبها انقبض لما سمعت اسم هشام و فتحت الجواب و كان مكتوب فيه " السلام عليكم ورحمه الله وبركاته ، اولا كده البقاء لله في حمزه ، ثانيا حمزه كان عامل لي توكيل اني ادير كل حاجه والتوكيل ده بينص اني واصي علي حور و ادم و علي ممتلكاتهم و دا لحد جواز حور وبعد كدا يبقي جوز حور واصي علي املكها و انتي واصيه على ادم ، و طبعا دا مش هيحصل لانه حور هتتجوز ابني عمر وكده هاكون انا الواصي على كل الممتلكات فقولت اعرفك عشان تبقى عامله حسابك والشهر الجاي هنيجي نخطبها "
وفاء انصدمت من اللي مكتوب و قعدت تعيط علي مصير بنتها و هي عارفه أن هشام مش سهل و أنه بينفذ علي طول
** هشام يبقى عم حور واخو حمزه الكبير ، حمزه كان عمله توكيل عشان يدير شركاته لانه ميقدرش يسافر كل شويه .
كوثر : اهدى يا حبيبتي بس وان شاء الله هتتحل
وفاء : اهدي ازاي عايزين ياخذوا بنتي مني ، وده مفتري مش السهل
كوثر : هتتحل ان شاء الله طيب مفيش حل
وفاء : لا، دا قال هيجي يخطبها الشهر اللي جاي
كوثر : بس لو جه لقاها مخطوبه او مكتوب كتابها كده مش هيقدر يعمل حاجه
وفاء : ايوه بس ده هيحصل ازاي وكمان مين اللي هيغامر عشان حور
كوثر : خلاص سيبي الموضوع ده على واعتمدي على الله و عليا ، و باذن الله هيتحل قريب