محمد .. ألف مبروك ياحبيبتي
خديجه .. الله يبارك فيك
محمد .. يارب أسعدك في حياتك
خديجه .. وأنا كذلك اكون زوجة صالحة لك
عبدالله .. هتعمل الحفله فين
محمد .. في حديقة الفيلا بعد مجيئ عائلتي من مصر
عبدالله .. ليتمم الله عليكم في خير
محمد .. يارب
صوت رنين هاتف محمد يمسك محمد الهاتف ويرى المتصل منى
محمد .. السلام عليكم
منى .. وعليكم السلام عامل أي
محمد .. الحمدلله
منى .. أنت بخير في حاجه
محمد .. أي أنا بخير حاجة أي
منى .. صوتك غريب مش طبيعي هو أنت فين
محمد .. في الشركه كنت نايم شويه
منى ..لحد الوقتي الساعه 12 عندك صح منمتش في بيتك ليه
محمد .. أي بحاول أخلص الشغل اللي عندي في أسرع وقت علشان أنزل ومش عايز اضيع وقت خالص
منى .. طيب ربنا معاك بس بلاش تتعب نفسك كتير علشان صحتك حتى لو هنخليك أسبوع عندك تخلص شغلك براحتك
محمد .. إن شاء الله .. المهم إنتي بخير
منى .. لما سمعت صوتك بقيت بخير
محمد .. وحشتيني أوي
منى .. وانت كمان
محمد .. مش حاسس كده إني وحشتك
منى .. ليه بتقول كده
محمد .. لو فعلا كنتي بتفكري فيا زي ما انا بفكر فيكي كنتي سألتي عليا
منى .. ما انا سألت عليك أنت اللي مش بتسأل
محمد .. ما انا قولتلك إني مضغوط في الشغل ولا إنتي عايزه تهربي من كلامي
منى .. لا والله بس خلاص هقولك حاجه
محمد .. حاجة ايه
منى .. أنا بحبك اوي
محمد .. عارف إنك بتحبيني بس مش عارف إذا دي كانت مجرد كلمه أنتي بتقوليها ولا كلمه إمتلكت كل مشاعرك وتفكيرك
منى .. لا مش مجرد كلمه كلمة بحبك دي ليك وهتفضل ليك بس ...
محمد .. بس إيه تاني
منى .. خديجه
محمد .. مالها خديجه مش قولنا نقفل الموضوع دا خالص
منى .. هي بتحبك من زمان ومستعدة تعمل أي حاجه علشانك
محمد .. وأنا بحبك من زمان وعملت ومستعد أعمل أي حاجه علشانك
منى .. عارفه بس هي ...
محمد .. منى خلاص قولت نقفل الموضوع خالص وبلاش نفتحه تاني
منى .. حاضر
محمد .. إنتي هتنامي ولا هتفضلي صاحيه
منى .. لا هنام بس لو انت هتفضل صاحي هخليني صاحيه معاك
محمد .. لا لا انا هنام الحمدلله إني أطمنت عليكي عايزه حاجه
منى .. لا مع السلامه خد بالك من نفسك
محمد .. حاضر
............................................
مالك ياحبيبتي لسه منمتيش ليه .. عبدالله
خديجه .. مش عارفه أنام تعبانه أوي
عبدالله .. إنتي مش تعبانه إنتي وهمه نفسك بالتفكير الغلط دا ذنبك إنتي مش ذنب محمد
خديجه .. يعني أنا اللي غلطانه
عبدالله .. أي انتي اللي غلطانه إنتي تعرفي ليه متجوزتش بعد موت أمك
خديجه .. أكيد علشان بتحبها
عبدالله .. أي والكلام اللي هقولك عليه دا اول مره تسمعيه انا كنت بحب أمك جدا وكنت نفسي اتجوزه وكل ما اروح اتقدم جدك يرفضني علي طول مكنش عندي بيت ولا وظيفه كنت لسه طالب وجدك كان بيصرف عليا انا وأخوتي والحاله مكنتش اد كده
بس كنت بحب أمك عملت المستحيل من شغل ودراسه لحد ما بقيت زي ما انتي شايفه كده شركات وفيلا وعربيات ورحت اتقدملها علشان بحبها وكنت واثق اني هوصل ليها
محمد عمل زيي علشان كده أنا عذره وبقول الغلط عندك إنتي مش هو
خديجه .. بس يابابا
عبدالله .. مفيش بس محمد بيحب منى وهيتجوزه وانتي هتنسي محمد خالص
خديجه .. حاضر يابابا
عبدالله .. انا مش بقول كده علشان ازعلك انا بقول كده علشان تتعلمي تتحكمي في قلبك وتفكيرك مش أي حاجه هنروح ليه حتى لو روحنا ليها نكون قادرين نخرج منها من غير مشاكل
خديجه .. حاضر يابابا اللي انت شايفه
عبدالله .. كفايا سهر بقا هنام ولا هتفضلي صاحيه
خديجه .. لا هنام تصبح علي خير
عبدالله .. وإنتي من أهل الخير
أنت تقرأ
حبآ بعد رحيل (مكتمله)
Romanceتدور احداث القصه حول أعتراف شابآ لفتاة بحبه ولكن لم تقبل هذا الحب لأنها تحب غيره لنرى ماذا تخبئ لنا الأحداث ......
