حبآ بعد رحيل (مكتمله)

بكاء الحب

وما زال حب محمد لمنى من طرف واحد ...

وحب منى لطارق أيضا من طرف واحد....

........................................................

فريده .. محمد هيجي الخطوبه
مالك .. لا مش هيجي بيقول مشغول
فريده .. محمد مش مشغول محمد تعبان فيه حاجه أنا مش مطمنه عليه
مالك .. حاجة ايه إنتي عارفه محمد إبنك بيحب يشتغل ومش بيضيع وقت
فريده ببكاء علشان هو إبني بقولك محمد في حاجه
مالك وقد وضع يده علي كتفها ليشعرها ببعض الأمان والراحه ليقول لها....
محمد كبر وعارف مصلحة نفسه كويس عارف الصح فين والغلط فين وأكيد يعني مش هيعمل حاجه تضره وربنا يوفقه في اللي بيعمله
فريده .. ياارب

..........................................................

بابا البدلة حلوه عليا .. محمود
إسلام .. جميله يابني ربنا يحفظك
محمود .. ربنا يخليك ياأحلي أب في الدنيا
إسلام .. أنت خلصت روح شوف عمك خلص ولا لا علشان نمشي سوا
محمود .. العريس هو اللي يروح يابابا أبعت أحمد
إسلام .. أي العريس هو اللي يروح وأحمد مين هتلاقي أحمد بيظبط نفسه علشان يشقط بنتين تلاته من هناك
ليضحك إسلام ومحمود سويآ
محمود .. اخويا ويعملها أنا عارفه كويس
إسلام .. خلص روح لعمك وشوف محمد جه ولا لا
محمود .. هو محمد مش هنا
إسلام .. عمك كان بيقول أنه مشغول مش هيعرف يجي
محمود .. مش هيعرف يجي دا هو سبب الفرحه اللي أنا فيها الوقتي دا لازم يجي
إسلام .. يارب يكون جه يابني
محمود .. أنا همشي علشان متأخرش
إسلام .. طيب سلام

.............................................................

أيه يابنتي كل دا لسه مخلصتيش .. زينات
إسراء .. قربت أخالص ياماما
زينات .. طب بسرعه الناس زمنهم جايين
إسراء .. حاضر ياماما
زينات .. فين أختك
إسراء .. كانت هنا مش عارفه راحت فين يمكن دخلت أوضتها
زينات .. طب يلا خلصي بسرعه
منى منى إنتي فين
منى .. أنا هنا ياماما في الأوضه
زينات .. بسم الله ماشاء الله إيه الحلاوة دي
منى .. بلاش الكلام الحلو دا بتحرج ياماما
زينات .. شكلك إنتي اللي هتتجوزي مش أختك
منى .. لا ياماما سيبي البنت تفرح بيومها وبعدين كده كده الدور هيجي عليا
زينات .. وأنا عندي العريس ومستنيكي
منى وقد ظهر علي وجهها علامة من الغضب من دا ياماما
إسراء .. ماما ماما تعالي بسرعه
تذهب زينات مسرعة علي صوت إبنتها إسراء
منى بصوتآ عالي ماما مين العريس دا
لم تلتفت إليها زينات وتذهب إلي غرفة إبنتها

.............................................................

السلام عليكم .. محمود
مالك .. وعليكم السلام
محمود .. خلصتم ياعمو ولا لسه
مالك .. أي خلصنا ومستنينكم
محمود .. طب شكلكم كده زعلنين في حاجه
مالك .. لا يابني إحنا مبسوطين ليك أوي
محمود .. ربنا يخليك ياعمو
فين محمد عايز أتكلم معاه شويه
مالك .. محمد مش هنا
محمود بإبتسامه أكيد سابقني عند العروسه
مالك .. لا محمد منزلش البلد أساسا
محمود .. ليه في حاجه
مالك .. بيقول أنه مشغول
محمود .. طيب أنا هكلمه أطمن عليه
مالك .. ماشي يابني