حبآ بعد رحيل (مكتمله)

بداية حزينه

قبل كتب الكتاب بيوم

ربنا يتمم بخير ياحبيبتي واشوفك سعيد علي طول .. زينات
منى .. يارب ياماما 
زينات .. انا هقوم اخلص شغل  البيت علشان بكره يوم طويل
منى .. ماشي ياماما وانا هخلص كلام مع محمد وهاجي أساعدك
زينات .. ماشي ياحبيبتي براحتك

..................

منى بكره إنتي هتكوني مراتي .. محمد
منى .. إن شاء الله
محمد .. احنا لسه في أول الموضوع إنتي موافقه أكون جوزك
منى .. محمد انا موافقه وبحبك والله ونفسي اعوضك عن كل حاجه انت عملتها معايا وانا مش حاسه بيك أو مش مهتمه
محمد .. إن شاء نقدر نفرح بعض على طول
منى .. إن شاء الله
محمد .. روحي بقا ساعدي ماما علشان متتعبش
منى .. حاضر سلام
...................

انتي مبسوطه انك هتتجوزي محمد أنا هخليكوا تعيشوا اسواء أيام حياتكم هخليكم عايشين في نكد طول العمر افرحي بس الأيام اللي جاي كلها سواد عليكي وعليه بدايه حزينه عليكم مفيش يوم هتعرفي تفرحي فيه خالص كل ما تحاولي تفرحي هطلع اعمل مشكله هخلي فرحتكم كلها حزن  ..
هذه هي الرسالة التي وصلت منى

ترد منى عليها .. مين حضرتك وليه بتعمل كده
صاحب الرسالة المجهوله .. انا سواد أيامكم اللي جايه انا اللي هسلب الفرحه منكم
منى .. انا عملت حاجه أو محمد عمل حاجه
صاحب الرساله المجهولة .. عملتوا حجات كتير وبكره  نشوف وانتوا بتبكوا دم بدل الدموع وبتترجوني اني أرحمكم بس لا لازم أشوفكم في حزن دائما
منى .. ليه حرام عليك
صاحب الرساله المجهوله .. مع السلامه وفرحة بدايتها حزن ومليئه بالمفاجآت الغير سعيده
لتتفاجأه منى بحظر مين صاحب الرقم وتدخل في بكاء تام ينتهي بنومها دون شعور

...............    ..................................

يوم الفرحه المنتظرة للجميع وبالأخص محمد..........

منى انتي بتعيطي ليه .. إسراء
منى .. مفيش
إسراء .. مفيش ايه عنيكي حمره من العياط انتي مش عايزه تتجوزي محمد
منى .. أي مش عايزه اتجوزه
إسراء .. انتي بتهزري جايه الوقتي بعد ما العائله كلها اتجمعت وجايه  وتقولي مش عايزه اتجوزه ليه حرام عليكي
منى .. مفيش هو كده
إسراء .. طيب هو قال حاجه زعلتك
منى .. لا مقلش حاجه
إسراء .. ياحبيبتي انا اختك الكبيره لو محمد قالك حاجه أو زعلك عرفيني وانا هحلها بس كده مينفعش
منى .. بقولك مقلش حاجه بس مش هينفع اتجوزه
إسراء .. يووووووه انا هنادي لماما علشان كده كتير
ماما ماما تعالي بسرعه .. إسراء
زينات .. خير ياحبيبتي في ايه
إسراء .. شوفي بنتك ياماما
زينات .. بنتي اللي ضحكت عليا امبارح وسبيتني انضف الشقه لوحدي ونامت
إسراء .. مش وقته ياماما منى مش عايزه تتجوز محمد
زينات .. بتقولي ايه بتهزري صح
إسراء .. لا والله هي اللي بتقول
زينات .. قولي انك بتهزري يا منى
منى .. لا ياماما بس مش هينفع اتجوز محمد
زينات .. ليه اللي حصل بينكم انا سايبكم بتتكلموا كويس
منى .. محصلش حاجه بينا بس مش هينفع اتجوزه
زينات .. منى كمان شويه محمد وعائلته كلهم هيكونوا موجدين مينفعش اللي انتي بتقوليه
منى .. ماما انا كنت موافقه بس حصل حاجه خليتني موفقش فخلاص كفايا كده
زينات .. منى انا دلعتك بزيادة بس كده معتش ينفع خالص
منى .. مش حكاية دلع والله ياماما بس لو اتجوزت محمد هيحصل ليا وله مشاكل
زينات .. مشاكل أي
منى .. معرفش بس هيحصل مشاكل
زينات .. يابنتي طمنيني في ايه
منى .. اتصلي بمحمد وقوليله ميجيش
زينات .. لالالا استحالة انا اتصل اقوله متجيش لا انتي اكيد اتهبلتي
منى .. خلاص لما يجي خليه يكلمني ضروري
انا برن عليه بس هو مش بيرد عليا
زينات .. ممكن يكون مشغول البسي الفستان لحد لما يجي هو والشيخ وعائلته
منى .. تاني ياماما مش قولت مش هينفع اتجوزه
زينات .. لا انتي كده كبرتي الموضوع اوي انا زهقت من العيشه دي
إسراء .. خلاص ياماما اهدي شويه خير ان شاء الله
زينات .. خير أي بس
إسراء .. وانتي بتعيطي  ليه يا منى مش قولتلك كفايا عياط
منى .. طب اعمل ايه يعني مشاكل كتير في وشي ملهاش حل
إسراء .. خير ياحبيبتي متقلقيش والله ربنا كبير وهو اعلم بعباده