الجزء الثاني من اسيرة عشقة]مغامرات فهد وساره]

اسيرة عشقة الفصل السادس عشر

الفصل السادس عشر
اسيره عشقه الجزء الثاني
بقلم ام ريماس صلاح
..............
فهد: اتصدم من رد فعل ساره.
بس فهد بيحب ساره مقدرش يقاومها وحط ايده على شعرها المفرود.
ساره: متشبكه برقبه فهد وبتقوله انا اسفه علي عملته معاك متزعلش منى انا بحبك وبتحضنه جامد.
فهد: حضن ساره اوى وانا بحبك..
ساره: قول انك سامحتنى ومش زعلان.
فهد: عمري مزعلت منك..
فهد وساره كان فرحهم النهارده وكأنهم اتجووزو الليله دى كانت ليله عمرهم دى وساره عوضت فهد عن الايام اللي عدت بحبها وحنانها.
فهد: النهارده اسعد واحد في الدنيا أخيرا في حضن حبيببته واخيرا ساره بقيت ليه ومعاه بكل حاجه.
.......
بعد وقت طويل قضوه مع بعض  ساره جات تقوم.
فهد: شد ايدها تانى.
ساره: فيه ايه.
فهد: رايحه فين.
ساره: هاخد شاور عشان انام.
فهد: خليكى مشبعتش منك.
سهروا للصبح سواء
...........
في الصباح نايمين محدش من الشغالين قادر يتجرا ويخبط الاوضه وسابوهم براحتهم
.........
رقيه: انا هروح اصحيهم مش عوايدهم يتااخرو كده الفطار مرتين نشيله.
امال: اوعى اوعى تروحى ملكيش دعوه.
رقيه: مليش دعوه ايه ياماما ده الضهر هيادن ليكون جرالهم حاجه ولا ماتوا جوه.
سعاد: بعد الشر ايه الفال الوحش ده ممكن يكونوا سهرانين امبارح.
امال: ايوه دول عرسان.
رقيه: فيه صوت حد جاي.
تدخل عليهم ساره لابسه روب احمر طويل قفلاه وكعب ابيض مع شعرها الاسود الحريري شكلها يجنن.
ساره: حضروا الفطاروالنسكافيه بتاعي والقهوه بتاعه فهد  وطلعوه فوق بسرعه  من غير كلام ولا قالت لهم صباح الخير ولا اي حاجه.
امال: حاضر ياهانم.
وتبص فيهم وتمشي.
..........
سعاد: جميله جدا سبحان الله بس بومه وتنكه.
رقيه: ليها حق تتغر شايفه عنيها كفايه واسعه وزرقا.
سعاد: انتى من زمان بتحبي العيون الملونه.
رقيه: اه اوى
امال:خدى ياختى بسرعه اعملى لها النسكافيه عبال مانا اعمل الفطار وانتى ياسعاد اعملى القهوه اتحركوا مش عايزين كلام
رقيه وسعاد:حاضر
........
......
ساره: قعدت علي السرير جمب فهد اللي في سابع نومه بتلمس علي وشه فهد فهد.
فهد: امممممممممم
ساره: قوم بقا
فهد: فتح عيونه صباح الخير هيا الساعه كام.
ساره: قصدك مسا الخير قوم الساعه 12الضهر.
فهد: ياااااه انا نمت كل ده.
ساره: عمتك اتصلت وبتقول ان هاجر ومصطفى اتصالحوا ورجعوا بيتهم.
فهد: طب كويس خبر حلو.
ساره: وبتقول روان مرات علي ولدت جابت توام مشالله ولد وبنت.
فهد: اه مشالله مش دكتور اطفال لازم يجيب توام عقبالنا ياروحى لما تجبيلي توام.
ساره: توام يالهوى لا واحد كفايه.
ساره: وخبر احلي من دول حبيبه عندهم في البيت ومصطفى اعترف بابنه.
فهد: اه عارف ومتابع من زمان.
ساره: بجد كده وليه خبيت عليا.
فهد: مجاتش مناسبه بس.
ساره: ماشى قوم بقا..
فهد: قام خد شاور وفطروا سواء وفهد راح شركته
...........
........
شويه والشركه بتاعه ساره بتاعه جوزها اسامه اتصلوا وعايزينها ضرورى لازم تروح قالولها فيه مشكله جامده.
ساره: قالت لهم هتلبس وهتيجى دلوقتي حالا
........
بعد نص ساعه ساره جهزت ونزلت جري وخدت عربيتها وعلي شركتها.
استنوها الموظفين متلمين حوالين واحد غريب كده ومعاه اوراق وبيقول ان هو ليه حق في الشركه لان فيه اسهم اتحولت ليه وهو كان شريك وايصالات وبلاوى زرقا بسبب ان الشركه اهملت بعد موت اسامه ومحدش بقا يديرها دلوقتي وهتقع من ايد ساره للراجل ده.
ساره: بتوتر طب اهدى كده سعادتك فهمنى بالراحه.
مهند: حاضر افهمك.
مهند ورها اوراق وحكالها كل حاجه.
وسط زهول ساره

مهند: شاب وسيم عنده 40سنه صاحب اكبر شركات لكن العوبان وتحت السواهى دواهيه وميه من تحت تبن وبتاع ستات مشهور ومعروف انه بتاع ستات.
واول مشاف ساره عجبته
مهند: قعد يتكلم مع ساره كلام عن الشغل هيا اساسا مش فهماه ساعتين يجيلها من هنا ومن هنا في الاخر مشي خد رقمها واداها رقمه..
.......
ساره: ركبت عربيتها ومروحه بتفكر بعدين في الكارثه دى ومين مهند ده كمان اللي ممكن ياخد منى كل حاجه بسهوله انا غبيه اوى مكانش لازم اطنش كده ومهتمش بشغلى انا عايشه حياتى وناسيه الشركه وناسيه فلوسي اللي في كل حته دى..
ساره: رجعت البيت قبل فهد طبعا وقررت انها هتهتم بشركتها عشان شركتها متوقعش وتعلن افلاسها.
...............
الشغالين
رقيه: شايفه ياختى طلعت بعده ورجعت قبله راحت فين انا مش مرتحالها الست دى.
سعاد: ايوه عندك حق ياعينى عليك يافهد يابنى.
رقيه:هيا عشان حلوه يعنى هتخون الراجل وتقرطسه طب مهو كمان حلو وصغير وخساره في امها 
تاتى من وراهم امال امشوا على شغلكم كلام ايه الفارغ ده حرام عليكم وانتى يارقيه هسمعك تقولى كده تانى هقول لابوكى يتصرف معاكى.
..............
عند مهند بيكلم صاحبه قاعد معاه
صاحبه:انت طول عمرك حوت كده وعايز تكوش علي كل حاجه ياعم..
مهند:حقي هو انا باخد حق حد.
صاحبه:رد فعلها كان ايه مراته لما عرفت انك ممكن تاخد منها كل حاجه كده.
مهند:اسكت ياض دى طلعت صاروخ انا فكرت ان اسامه متجوز واحده قد امى طلعت فرسه وصغيره اوى كانت متجوزاه ازاى دى.
صاحبه:مش هتعدى من تحت ايدك طبعا
مهند:يمسك كاس العصير ويضغط عليه بخباثه طبعا دى عليها عيون تفوق السكران يابنى لسه انا هشوفها كتير
صاحبه:هااااا خدنى معاك
......
بعتزر ان الحلقه صغيره عشان بطاريه الفون هتفصل اتمنى تتركوا تعليق
ياريت ياجماعه تنورونى في جروبي علي الفيس اسمه روايات رومانسيه للكاتبه ام ريماس صلاح عشان تشجعونى وتدعمونى