الجزء الثاني من اسيرة عشقة]مغامرات فهد وساره]

اسيره عشقه الفصل الحادى عشر

اسيره عشقه
الفصل الحادى عشر
الجزء الثاني مغامرات فهد وساره
بقلم ام ريماس صلاح
..............
فهد صحى من النوم علي موعد الغداء
نزل تحت لقي ساره تحت بتحضر في السفره بتفرش في مفرش السفره وتحط ورد عليها.
فهد يقرب من ساره ويديها بوسه علي خدها برقه بتعملي ايه.
ساره: بجهز للغداء.
فهد: انتى بتجهزى بنفسك امال فين ام رقيه وطنط سعاد.
ساره: طنط مين طنط.
فهد: ايه في ايه.
ساره: بتقول للشغالين طنط شكلك ماخد عليهم خالص.
فهد: بس وطى صوتك عيب دول متربين معانا هنا من سنين هنا واحنا بنعتبرهم قرايبنا.
ساره: اوك تمام اونكل ناصر علي وصول دلوقتي.
وعمتوا كريمه مش عارفه جايه معاه ولا لا
فهد: اه اكيد عمتوا هتيجى معاه طبعا.
ساره: طب كويس.
فهد: طالع علي بره.
ساره: رايح فين.
فهد: هروح اغطس في البسين بره.
فهد: سابها وخرج بره قلع التيشيرت ولابس شورت ونزل حمام السباحه.
ساره: واقفه مستغربه.
تاتى من وراها رقيه شايله شفشق ميه هتحطه فوق السفره بتكلم ساره
فهد بيه متعود كل يوم كده ينزل البيسين كل اما يكون في البيت.
ساره: متردش عليها وتستكفي با ابتسامه صفرا بارده وتطلع وراء فهد.
ساره: واقفه علي البسين من فوق وبتتفرج عليه ساره لابسه فستان واصل لركبه وكات لونه وردى.
فهد: بيقولها تعالي انزلي بايده.
ساره: مبعرفش اعوم لا.
فهد: تعالي متخافيش.
ساره: لا مستحيل.
فهد: ينزل تحت في الميه يختفي خالص ويطلع تانى.
..........
وصلوا ناصر واخته كريمه.
العربيه نزلتهم في الجنينه بالقرب من ساره وفهد.
ساره؛ مشيت عليهم وباست كريمه وسلمت عليها وسلمت علي ناصر.
اتفاجات ان كريمه معاها بنت هاجر ومصطفي ساره شيلاها.
ساره: مدت ايدها حبيبه عمتوا وخدتها تبوسها.
فهد: اول مشافهم طلع من الميه.
ناصر: العرسان قاعدين في الجنينه ليه.
ساره: الجو حر اوى قلنا نشم هواء.
ناصر: خير ماعملتوا.
ساره: بتقول ل كريمه هاجر سايبه ساره يعنى بعيد منها غريبه اوى.
كريمه:بتقولها ان الظاهر هاجر حامل تانى وبتتوحم.
ساره:يالهوى ايه ده ساره لسه صغننه حرام عليها والله.
كريمه:هيا زعلانه متعرفش غصب عنها.
ساره:ربنا يتم لها علي خير ويقومها بالسلامه.
كريمه:يلا عقبالكم عايزين نشوف اولادكم قريب.
ساره:انشالله.
..........
...........
عند مصطفى.
بيكلم صديقه بهجت ازاى دى كارثه.
بهجت:لازم نغطى السيوله دى عايزين20مليون والا كل حاجه هتروح.
مصطفي:مفيش حل تانى.
بهجت:البنك مش هيصبر علينا لازم نتحرك.
مصطفى:انا مش معايا المبلغ ده ولا نصه حتى.
بهجت:عارف بس اختك معاها المبلغ ميه مره قده كمان.
مصطفي؛انت بتقول ايه انت اجننت.
بهجت:مانت هترجعه تانى واكتر منه لما المشروع يخلص.
مصطفي:لا مينفعش اطلب من ساره
هشوف حل تانى.
بهجت:مفيش حل تانى يامصطفي قدامك اسبوع لازم تسلم المبلغ ده لو عايز توقف علي رجليك تانى
.............
.......
مصطفي: راح البيت.
بيكلم هاجر اللي راقده وماسكه الريموت في الصاله مساء الخير.
هاجر: قامت اتعدلت اهلا.
مصطفي: قلع جاكت البدله وقعد بتعب ليه بتقوليها كده من غير نفس.
هاجر: انت كنت فين.
مصطفي: كنت فين يعنى ايه كنت في الشغل هكون فين يعنى.
هاجر: شغل اه شغل.
مصطفي: بقولك ايه انا مش ناقصك
هاجر: انت كمان بتزعق ليا.
مصطفي: لا انتى النهارده مش هتجيبيها لبر اسكتى بقا.
هاجر: بزعيق فيه ايه انت بتيجى من بره تطلعه عليا.
مصطفي:لا دى مبقتش عيشه انا طالع وسيبهالك قام لبس جزمته وجاكته ومشى وقفل الباب جامد.
هاجر:قعدت تعيط
............
في المساء عند ساره وفهد
ابو فهد مشي تانى هو واخته كريمه.
.......
ساره: قاعده علي كرسي في الاوضه ولابسه روب مفتوح حرير لونه بينك وبتحط كريم بتدهن رجليها..
فهد: ممد علي السرير متكا ساند ضهره علي السرير وممد رجليه وماسك الاب توب حاطه علي حجره ومشغول معاه ومتجاهل ساره خالص.
ساره:مضايقه ان فهد متجاهلها.
رنت علي فهد جرمين..
فهد:الو ايوه ياجرمين.
ساره:سابت اللي في ايدها ومركزه مع فهد.
فهد:اوك تمام انا هبعت واحد ياخده منك الصبح.
فهد:خلاص تمام متشكر اوى تعبتك
مع السلامه وقفل الخط وحط فونه جمبه علي الكومدينو ورجع يبص في الالاب توب تانى.
ساره:عايزه ايه دى وبتتصل بيك دلوقتي ليه.
فهد:بااصص في الالاب وبيتكلم شغل.
ساره:شغل ولا وحشتها الهانم مش قادره تخلص شهر العسل وتروح لها.
فهد:قفل الالاب وبص فيها انتى عارفه ان انا اهم حاجه عندى شغلي وبعدين هو فين العسل ده.
ساره:تقصد ايه.
فهد:مقصدش حاجه هنام ويطفي النور وينام.
ساره:انت كمان هتسيبنى وتنام.
فهد:مش حابب اتكلم وبعدين انا ورايا شغل بكره بدرى في الشركه.
ساره:قربت منه وشدت المخده من فوق دماغه شغل ايه ده وانت بقالك يوم واحد متجوز الناس يقولوا عليا ايه سيبتنى ورحت الشغل.
فهد:مش بيحب الكلام الكتير والرغي واسلوب ساره ازعجه قام قعد ولع النور تانى لا اله الاالله انتى مش قلتى سيبنى براحتى انا سايبك انتى دلوقتى مضايقه ليه.
ساره:ده اللي مزعلك قعدت جمبه بضايق وقلعت قميص الروب الفوقانى اتفضل ادينى قدامك.
فهد:اتغاظ اكتر واكتر بص فيها بغيظ مش عايز حاجه ولو مضايقك وجودى هنا هروح انام في اوضه تانيه وممكن بقا تسيبينى انام.
ساره:قعدت تعيط وتتكلم اما انت مش بتحبنى اتجوزتنى ليه.
فهد:انا اللي المفروض اسالك السوال ده.
ساره:بس انا بحبك.
فهد:ضعف شويه من دموعها واسلوبها وكلمه بحبك رق شويه.
فهد:اه واضح انك بتحبينى وواضح انك عايشه علي ذكري اسامه بيه مش قادره تنسيه.
ساره:تتسع عينها وتبص فيه مصدومه انت بتقول ايه.