الجزء الثاني من اسيرة عشقة]مغامرات فهد وساره]

اسيرة عشقه الفصل الرابع

الفصل الرابع
من اسيرة عشقة
الجزء الثاني! مغامرات فهد وساره
..............
اولا كل سنه وانتم طيبين وانشالله يكون عيد سعيد عليكم جميعاً يارب
واتمنى الجزء ده يعجبكم ذي الجزء الاول كده وانا سعيده اوى ومبسوطه علي تعليقاتكم علي الروايه من اول الجزء الاول وتعليقاتكم علي جميع رواياتى عامتنا.
احبكم في الله
.......

..........
ساره وفهد طلعوا بره الشركه فهد خدها بره الشركه خالص علشان تهدى..
فهد: في العربيه وساره جنبه بيكلمها انتى مش هتبطلي العصبيه دى.
ساره: سورى انا مضغوطه اوى نفسيا اتحملنى.
فهد: اكتر من كده.
ساره: بتقول حاجه.
فهد: لا انا رايح عند عمتى لازم اروح معايا حاجه كده.
ساره: موضوع مروان.
فهد: لا طبعا انتى اتجننتى عيزاها تموت فيها مينفعش تعرف وانتى متقوليش لااي حد وهاجر بالذات فاهمه.
ساره: فاهمه حاضر.
فهد: ساااااااره
ساره: طيب ماشي مش هقول والله انا هروح.
فهد: انزلى اركبي عربيتك وانا همشي وراكى لغايه ماوصلك البيت ولا تحبي اوصلك واخلي حد يودهالك.
ساره: علي اساس انى صغيره ليه بتعاملنى علي انى بيبي مثلا..
فهد: ياااااافففففاف اوووف انزلى طيب اعملي اللي يريحك.
ساره: تنزل وتمسك باب العربيه وتبص فيه فهد.
فهد: نعم.
ساره: السكرتيره الجديده دى مرتبطه.
فهد: باستغراب معرفش والله مسالتهاش ليه.
ساره: تقفل الباب من غير متتكلم وتسيبه وتمشي نحو عربيتها.
فهد: مع نفسه مجنونه.
فهد: واقف لسه متحركش بيبص عليها خدت عربيتها ومشيت من جمبه عدت بعدها اتحرك علي بيت
........
............
عند ممدوح وشهد قاعدين بيحضروا اخر تحضيرات لفرحهم اللي بعد يومين.
ممدوح: يمسك ايد شهد شايفك مش مبسوطه ليه.
شهد: بتنهيده بقول ياتري هعيش معاك لغايه امتى.
ممدوح: كلام ايه ده.
شهد: ايوه ياممدوح انا حاسه ان هيجى يوم مش هتكون معايا انت حياتك علي كف عفريت.
ممدوح: خليها علي الله انتى يزعلك انك تكونى مرات الشهيد.
شهد: تحط ايدها علي بوقه بعد الشر انا ممكن اموت مش متخيله اليوم ده يجى.
ممدوح: الله المستعان كلا مايصيبنا الا ماكتبه الله لنا.
شهد: ونعم بالله.
ممدوح: ماسك كاتلوج في ايده نرجع لموضوعنا بقا اي فيهم عجبك.
شهد: اللون ده هيكون احلي..
ممدوح: مش عندك اي تعليق تانى.
شهد: لا
تدخل ام شهد بالعصير اتفضلوا
ممدوح: ليه تعبتى نفسك ياحماتى ملوش لازمه.
ام شهد: كلام ايه ده تعب ايه بس.
يخبط الباب
تفتح ام شهد تلاقيه فهد
ام شهد: فهد اهلا يا حبيبي ادخل.
فهد: عامله ايه ياعمتى.
ام شهد: الحمدلله في نعمه والله ممدوح هنا.
فهد: بجد يدخل ويسلم علي ممدوح وشهد
.........
فهد: بعد ازنكم هاخد منكم عمتى ربع ساعه بس.
شهد: خدو راحتكم.
عمته تقوم معاه خير ياابنى تعاله يقعدوا في مكان تانى بعيد من شهد ووممدوح.
ام شهد: من اول مقلتلى في التلفون انك عايزنى وانا قلقانه يارب خير.
فهد: خير انشالله انا عايز اتكلم معاكى بخصوص بابا..
عمته: ماله بباك تعبان ولا حاجه..
فهد: لا الحمدلله كويس بس عايز اجوزه بابا مينفعش يقعد لو حده ومحتاج واحده ست تخدمه وتخلي بالها منه.
عمته: تضحك باستغراب ايه تجوزه.
فهد: انا بتكلم بالعقل ياعمتى ده اللي مفروض يحصل.
عمته: طول عمرك عاقل يا حبيبي مقلناش حاجه بس ابوك هيوافق علي الكلام ده مفتكرش.
فهد: مانا جايلك ليه عشان تقفى معايا وتخلصي معايا الموضوع
........
في المساء.
ساره لبست بجامتها الخاصه بالنوم وراحت لسريرها هتنام.
مسكت فونها واتصفحت شويه علي مواقع التواصل الاجتماعي فهد قدامها اون لاين فاتح.
ساره عايزه تبعتله رساله
ساره متردده بس بتراقبه في صمت
هو كمان عايز يبعت لها رساله بس متردد شايف ساره قدامه فاتحه الاتنين شايفين بعض اون لاين بس مفيش واحد فيهم عارف يبعت او يفتح حوار.
فهد: نزل بوست علي صفحته ساره فهمت علطول ان الصوره ا
اللي هو ناشرها والكلام اللي عليها ليها هيا ويقصدها هيا.
ساره نفس القصه نزلت صوره رومانسيه وبوست تقصد فهد لاكن الاتنين الكرامه عندهم عاليه مش عارفين يدخلوا لبعض كل واحد مستنى التانى هو اللي يدخل يكلمه.
لغايه م ساره قفلت النور وقفلت الفون ونامت.
فهد: شافها قفلت هو كمان قفل ونام.
بس فهد مش عارف ينام بيتقلب يمين شمال بيفكر في ساره اللي صورتها مش مفارقه خياله.
ساره: صحيت الساعه 3بالليل فتحت فونها وبعتت لفهد رساله علي الخاص
عامل ايه عملت ايه في اللي قلتهولك
فهد طبعا كان قافل.
.......
في الصباح

هاجر شايله بنتها وبتلف بيها مش عايزه تسكت
هاجر: مصطفي يامصطفي اصحى بقا شيلها معايا شويه.
مصطفى: يقوم يقعد بنعاس فيه ايه علي الصبح.
هاجر: بنتك بتعيط الليل كله مش عايزه تسكت وانا مش عارفه اعمل ايه.
مصطفي: يشير علي الباب خديها واطلعى بره ياهاجر اتصرفي معاها انتى عارفه انى جيت البيت من ساعتين ملحقتش انام.
هاجر: اوف يعنى مش هتقوم تشيلها معايا.
مصطفي: يشير علي الباب خديها واطلعي مش عايز دوشه انا تعبان ويشد عليه المخده وينام.
.......
هاجر: بس بقا لبنتها اعملك ايه تانى تطلع الصاله وتتصل بامها وبتعيط وبنتها بتعيط.
ام هاجر: فيه ايه يابنتى اهدى بس.
هاجر: البنت ياماما منيمتنيش من امبارح ومش عاوزه تسكت انا تعبت ومش عارفه اعمل لها ايه.
ام هاجر: مصطفي فين طيب.
هاجر: مصطفي نايم مصطفي اساسا رجع البيت بعد الفجر.
ام هاجر: طيب انا مسافه السكه وجيالك عرفاكى خيبه.
هاجر: بسرعه والنبي ياماما انا مش عارفه اعمل ايه والجرح تاعبنى اوى.
ام هاجر: مسافه السكه وهكون عندك سلام.
هاجر'باي.
ام هاجر بتصحى بنتها شهد.
شهد: نعم ياماما فيه ايه.
ام هاجر: انا رايحه عند اختك ومش عارفه هرجع امتى لو اخوكى مروان رجع حضريله الغداء.
شهد: بنعاس عند اختى دلوقتي ليه فيه ايه.
ام شهد: اتصلت دلوقتي البنت تعباها والجرح بتاع الولاده تاعبها.
شهد: دى بتدلع عشان تروحيلها
ام شهد: ياجايبه البنات ياشايله الهم للممات.
انا ماشيه خلي بالك من نفسك ومن البيت.
شهد: طيب عدى علي علي كمان في ييته بالمره مش مراته حامل وتعبانه.
ام شهد: بتتريقي يااختى مفيش حد فيكم مريحنى غير علي ربنا يسعده طول عمره مش حاسه بيه انتم التلاته بس اللي تاعبنى.
شهد: انا هنام سلميلى عليها.
ام شهد: طيب يااختى نامى.
......
ساره: صحيت كمان الساعه 10الصبح بصت في الرساله بتاعتها لسه فهد مفتحش ولا استلمها بتقول مع نفسها شكله لسه نايم.
...
ام هاجر وصلت عند بيت هاجر
هاجر: فتحت لها الباب وادتها البنت علطول خدى الحقينى انا تعبت اوى..
ام هاجر: يابنتى طيب خلينى ادخل اخد نفسي تمسك ساره الصغيره وتحضنها وتبوسها بكل حنان مهي ساكته اهى حبيبه جدتو امال ظلماها ليه.
هاجر'يووووه وربنا دى غلبتنى دلوقتي سكتت انا هدخل انام ياماما انا مصدعه منمتش من امبارح والرضعه بتاعتها اهى وهدومها كلها هنا في دولابها.
ام هاجر: روحى نامى سيبينى مع العسل ده احنا هنتفاهم سواء .
هاجر: طيب ربنا يخليكي ليا ياماما.
تسيب امها مع بنتها في اوضه البنت وتروح تنام.
مصطفي: حس بيها دخلت تنام فتح عين واحده ساره نامت.
هاجر: اتصلت بامى ياخويا جبتهالها.
مصطفي: جبتى امك جدعه يااختى مش عارفه تسكتيها.
هاجر: بصت الناحيه التانيه ونامت منه.
.....
ام هاجر: نيمت البنت وراحت علي المطبخ طلعت لحمه وخضروات هتعمل الغداء يتقول مع نفسها عارفه هاجر دى خيبه انا مش عارفه جوزتها ازاى دى
..........
عند مروان موجود في مكان ما
في احدى الفنادق الكبري بيتفق علي صفقه خاصه بشغل خاص بيه.
اتصلت بيه حبيبه الحقنى يامروان انا بولد.
مروان ايه دلوقتي.
حبيبه: ايوه دلوقتي الحقنى.