الجزء الثاني من اسيرة عشقة]مغامرات فهد وساره]

اسيرة عشقه الفصل الاول

الفصل الاول
من اسيره عشقه
الجزء الثاني.
........
بعد شهور من وفاه اسامه وساره لسه عايشه علي ذكري اسامه ومقهوره علي طفلها اللي نزل مقهوره ان اسامه حتى مبقلوش طفل يشيل اسمه قاعده في البلكونه سرحانه ايد ترتب علي كتفها صباح الخير.
ساره: صباح النور ياادم.
ادم: اختى الحلوه سرحانه في ايه.
ساره: مفيش حبيبي صحيت بدرى بس وزهقانه
ادم: امممم زهقانه طيب فين اللي اتفقنا عليه.
ساره: ايه هو.
ادم: انتى نسيتى الشيك.
ساره: ها انا اسفه ياادم لحظه تقف وتجيب شنطتها الخاصه وتطلع منها ورقه وتدهاله.
ادم: يبوس علي راس ساره شكرا يااجمل اخت في الدنيا.
ساره: انشالله هتكون وش السعد عليك الشركه دى وتكون اكبر باش مهندس ناجح فيكى ياامصر.
ادم: يارب ياساره ادعيلى وانشالله الفلوس دى اول مااقف علي رجلي هرجعهالك تانى..
ساره: فلوس ايه متقولش كده المهم انت لاابس كده بدري ورايح فين وش الصبح.
ادم: رايح اشوف الارض اللي هاسس عليها الشركه.
ساره: طب ممكن تاخدنى معاك المقابر.
ادم: برضه ياساره انتى كل يوم من شهور علي الوضع ده.
ساره: معلش ياادم مش عايزه اسيب اسامه لوحده
ادم: لوحده ايه بس اسامه مات وشبع موت ياساره ده بقاله شهور ميت شوفي حالك بقا.
ساره: بنظره غيظ وزعل.
ادم: طب متزعليش يلا تعالى هاخدك في سكتى.
ادم: يوصل ساره المقابر وفورا يتصل بفهد يقوله ان ساره هنا وياريت يجى ياخدها ويحاول يطلعها من الحاله دى لو هو بيحبها بجد لازم يقف جمبها في الظروف دى..
فهد: قفل منه وركب عربيته وفعلا متجه لعند ساره
ادم: وصل الموقع لقي واحد مستنيه اتفق معاه ومضى العقد كان معاه واحد صاحبه ادم وهيكون شريكه.
.....
في حته تانيه ممدوح في مهمه معا زمايله بيحضروا لمداهمه.
تتصل بيه شهد ميردش عليها.
..
تتصل بساره.
ساره: سلام عليكم.
شهد: وعليكم السلام عاجبك اللي بيحصل ده.
ساره: اهدى ياينتى فيه ايه بس ايه اللي بيحصل.
شهد: البيه اخوكى طالع ماموريه دلوقتي وانا من امبارح بالليل متفقه معاه ميطلعش وغفلنى وطلع افترض حصلتله حاجه دلوقتي انا هعمل ايه.
ساره: بعد الشر انشالله مش هتحصله حاجه.
شهد: بعصبيه بصى ياساره انا شكلى هلغي كتب الكتاب اللي كتبناه انا واخوكى وهطلق منه قبل منعمل فرح ودخله اخوكى هيجننى انا مش ناقصه حرقه دم كل يومين.
ساره: اهدى بس ياشهد كلام ايه ده انشالله هيرجع بالسلامه انتى مش عارفه ممدوح ونشوفيه دماغه حبيبتى ممدوح بيحب شغله ذي عنيه واكتر من اي حد.
شهد: ايوه انتى هتقوليلى بيحبه اكتر منى كمان بصى سلام ياساره عشان انا مخنوقه منك انتى كمان علشان انتى في صف اخوكى بهزار وتقفل.
ساره: تضحك علي عصبيه شهد وخوفها علي ممدوح.
....
ايد فهد ترتب علي كتف ساره.
انتى بتضحكى اهو
ساره:فهد
فهد:اه فهد
فهد: يمد لها ايده.
ساره: تمسك ايده وتقف.
فهد: يقولها يلا ان يخرجوا من هنا.
ساره: مشيت معاه من غير متتكلم.
فهد: ساند عليها وطالعين من المقابر
ساره: بتقوله ايه جابك هنا ايه عرفك انا هنا.
فهد: مين قالك انا جاي ليكى.
ساره: امال انت جاى لمين.
فهد: كنت بدور على واحده تاهت منى قلت يمكن القيها.
ساره: واحده مين دى.
فهد: واحده حلوه اوى عنيها خضرا بس خرساء مبتتكلمش.
ساره تضحك تفتكر لان اول مره اتظاهرت انها خرسا.
فهد: يفتح لها باب العربيه تركب معاه ساره ويمشوا.....
....
: ساره وفهد فى العربيه.
فلاش باك
........
فهد: انتى مين وايه جابك هنا.
ساره: عامله خرسه.
فهد: نزلها ورجع تانى علشان صعبت عليه وكل الاحداث بتدور في دماغ فهد وساره جمبه راجعه من المقابر وهو ماخدها من عند قبر اسامه.
......
فهد: يتكلم ياااااه ياساره كل ده حصل كانه فيلم ايه اللي حصل فينا ده.
ساره: تسكت شويه مش قادره تتكلم بس نفسها تقوله ان هيا مش حساه وان هيا حاسه ان هو بعيد بعيد عنها اوى رغم ان هما جمب بعض.
اخيرا تتكلم: كل واحد بياخد نصيبه يافهد كل ده مكتوب.
فهد: فعلا كل ده مكتوب بس احنا بيكون لينا دور علي كل حاجه بنعملها.
ساره: انا مليش يد في كل ده انا كل حاجه حصلتلى وبتحصلي كانت غصب عنى.
فهد: يوقف العربيه فجاءه ويوقف ويبص في ساره يمسك ايدها غصب عنك وحبك ليا كان ايه غصب عنك برضه ولا انتى محبتنيش من اساسه
......
ساره: ملوش لازمه الكلام ده يافهد.
فهد: لا ليه لازمه نفسي اسالك سؤال واحد انتى كنتى بتمثلي عليا الحب معقول هتجنن.
ساره: تتسع عيناها وترد بصرامه انا مبعرفش امثل
[فهد: ماشي ياساره تحبي اروحك فين دلوقتي البيت ولا فين.
ساره: لا مش عاوزة اروح البيت انا.
فهد: امال عايزه تروحى فين.
ساره: اي حته.
فهد: انتى فطرتى.
ساره: لا.
فهد: طب اسمحيلي هعزمك علي فطار.
ساره: اوك
فهد: يتحرك بالعربيه وشغل الكاسيت جورج وسوف.
ساره: حد يسمع ده علي الصبح.
فهد: ده سلطان الطرب يتسمع اي وقت.
ساره: امممم طيب