الجزء الثاني من اسيرة عشقة]مغامرات فهد وساره]

اسيره عشقه الفصل الثالث عشر

الفصل الثالث عشر
اسيره عشقه الجزء الثاني
بقلم ام ريماس صلاح
..............
حوالي اخر الليل كده علي الفجر فهد قام من النوم بسبب قلق كده.
قلق صحاه من النوم لقي ساره نايمه فى حضنه ومشبته فيه فهد غرب اوى سند دماغ ساره بالراحه على المخده وقام شرب ميه وطلع البلكونه يشم هواء حاسس ان نفسه مكتوم.
يرن فونه اللي علي الكومدينو بصوت عالي فهد دخل من البلكونه جري مين بيتصل دلوقتي.
شاف رقم هاجر.
فهد: هاجر دلوقتي فتح عليها.
ساره: صحيت من الصوت.
فهد: فيه ايه اهدى مش سامع.
فهد: ايه بابا ماله بابا وطلع يجري ساره بتقوله فيه ايه شال التشيرت بتاعه في ايده ومردش عليها نزل يجري بيلبس التيشيرت هو وبيجري..
ساره: عرفت ان ابوه فيه حاجه.
بتلبس روبها ونازله جري وراه.
فهد: ياايمن يااايمن.
طلع الامن جري فيه ايه يافهد بيه.
فهد: افتح الباب.
ساره: قولي فيه اي.
فهد: مش عارف بابا تعبان.
ساره: خدنى معاك استنى البس.
فهد: مفيش وقت وطلع يجري ساق عربيته ومشي.
الشغالين صحيوا علي الصوت.
امال: فيه ايه ياهانم.
ساره'عمو ناصر تعبان شويه.
امال: يالله استر يارب  .
سعاد: انشالله هيكون كويس.
ساره: متردش عليهم وتسيبهم وتطلع.
تفتح نور الاوضه وتشيل فونها وتتصل بمصطفى اخوها.
.......
مصطفى: صحى من النوم علي رنتها وقالها ميعرفش حاجه وان هو وهاجر اتخانقوا ورجع لقاها سابت البيت.
ساره: ليه كده وليه مرحتش رجعتها.

مصطفى: انا ممشيتهاش ترجع لوحدها ذي مروحت لو حدها.
ساره: طب اقفل عشان ارن اعرف فيه ايه ولا تعاله ودينى هناك.
مصطفى: انا مش رايح هناك خلي فهد يوديكى.
ساره: هو فين فهد فهد مش شايف قدامه جري علطول انت عارف انه ملوش الا باباه.
مصطفى: ربنا يشفيه.
ساره: طب روح كمل نومك تصبح علي خير
مصطفى: وانتى من اهله سلام.
ساره؛ قفلت منه وبتتصل بفهد بيكنسل مش بيرد خالص.
..........
فهد: وصل يجري بيت عمته كريمه.
فهد: فيه ايه لقي الكل بيعيط.
فهد؛ مزهول فيه ايه.
كريمه: شد حيلك يافهد يابنى
فهد'لاااااااااااا وجري علي جوه باباه مغطاى
بعد ساعتين الدنيا تقريبا صبح الصبح وفهد عرف سبب الوفاة كان ازمه قلبيه.
عمته قالتله بعد مرجعنا من عندك كان قلبه حاسس قعد معايا كتير واتعشينا وقالي انا دلوقتي اطمنت علي فهد لو مت مش مهم بعد كده بتتكلم وتعيط.
الكل منهار ومش مصدق خالص.
...........
حوالي الساعه 8الصبح الكل عرف والعيله كلها عرفت حتى ساره.
والكل وصل بيت كريمه والعزاء شغال.
والعيله كلها هناك بياخدو العزاء الرجاله والحريم كل واحد في مكان
.......
اخر النهار الكل رجع بيته
فهد وساره رجعوا بيتهم وفهد قافل علي نفسه ومش بيكلم حد.
ساره: دخلت عنده معاها كوبايه عصير اشرب عشان خاطري.
فهد: بايده مش عايز من غير ميتكلم.
ساره: مينفعش كده يافهد انت من امبارح مكلتش ولا شربت.
فهد: الدموع في عيونه عايز افضل لوحدى.
ساره: حاضر وتسيبه براحته وتطلع.
....
..........

ماجد شاف الخبر في الجرنال ودلوقتي اللي عرف وجااي عند فهد يعزيه هو وبدر.
ساره: قابلتهم وقالت لهم انه حابس نفسه بقاله ساعات مش بيكلم حد.
ادخلوا له يمكن تطلعوه من الحاله دى.
ماجد وبدر فضلوا معاه حوالي ساعه ومشيوا.
............
فهد لتانى يوم علي حاله مش بيكلم حد
ساره نزلت تحت وطلبت من الشغالين فطار لفهد وجهزوه وطلبت ان تاخده له هيا بنفسها وخدت الاكل وطالعه..

.........
الشغالين بعد مخدت الاكل وطالعه.
سعاد::مش بقولكم بومه ملهاش يومين وجابت الراجل الارض.
امال:ايوه والله الله يكون في عونك يافهد يابنى كان متعلق بيه خالص.
رقيه:كان راجل طيب اوى ياعينى ملحقش يشوف ولاد ابنه.
سعاد:هو لحق حتى يشوف مرات ابنه دى وشها نحس علي الراجل.
عم مسعود انتوا مش بتبطلوا رغي حريم هتجبولنا الكلام كل واحده تشوف شغلها.
امال:حاضر حاضر احنا قلنا حاجه دلوقتي بنحكى اللي حصل.
..............
ساره:طلعت الاكل الاوضه لفهد وفهد مش عايزياكل
ساره:لا بقي مينفعش كده هو انا مليش اي خاطر عندك كده.
فهد:مش قادر مليش نفس.
ساره:علي فكره انا كمان مكلتش من امبارح ومش هاكل الا لما انت تاكل.
فهد:ابويا ياساره ملحقتش اشوفه في اخر لحظه في حياته لما مات مودعتوش مات بعيد منى ابويا مكانش بيشتكى من حاجه.
ساره:ادعيله يافهد هو في مكان احسن من هنا واكيد دلوقتي هو في الجنه لانه عمرو مزعل حد ادعيله.
فهد:يارب يارب ودموعه تنزل.
ساره قربت منه واخدته في حضنها فهد بيعيط في حضن ساره اللي بتطبطب عليه