Waterfall and Green Forest ,I'll Be Always Here -(Z&U)

Story Part -5

Memorise

​ရှောင်ကျန့် ပါးပါးအနားမှာ အ​​ဖော်ပြု ပြုစု​​ပေး​နေခဲ့တာ ၁ပတ်တိတိရှိပြီဖြစ်သည်။ ပါးပါအတွက် ​ဆေးညွှန်ကအတိုင်း ​ဆေး​တွေတိုက်ရ။ ပါးပါးနဲ့ တည့်တဲ့ ပါးပါးစားချင်တဲ့ အပြင်စာ​တွေ ဝယ်​ကျွေးရ။ ပါးပါးကြိုက်တဲ့ ​​​ဘောလုံးပွဲ​တွေ အတူတူထိုင်ကြည့်​​ပေးပြီး မနက်ခင်းနှင့် ​နေ့လည်ခင်းမှာဆို ပါးပါးကို ဝှီးချဲ​လေး​​​ပေါ်တင်​​ဆောင်, ပါးပါးရဲ့ ဝှီးချဲ​လေးကို ညင်ညင်သာသာ​လေး တွန်းကာဖြင့် ပန်းခြံထဲ လမ်း​လျှောက် ထွက်ကြသည်။

ပါးပါးရဲ့ အ​ပျော်​တွေ ​ရှောင်ကျန့်ခံစားမိသည်။
ပြုံး​​နေ​သော နှုတ်ခမ်းပါး။ သ​ဘောကျနှစ်သက်​သော မျက်ဝန်းရိပ်​တွေ။ တခါတ​လေ သူ့လက်​တွေကို ဆုပ်ကိုင်လာတဲ့အခါတိုင်း ပါးက သူ့ကို အရမ်းပင် ​ကျေးဇူးတင်​နေပုံ သက်​ရောက်လို့....

"ပါးပါး ဒါ​တွေအားလုံး ကျ​နော် လုပ်သင့်တဲ့အရာ​တွေပါ။ အားနာမ​နေပဲ ကျ​နော့်ရဲ့ ဂရုစိုက်မှု​တွေကို လက်ခံ​ပေးပါ ​နော် ။

ကျ​နော် အနားမှာရှိရင် ပါးပါး ပျော်တယ်မလား"

​ခေါင်း​လေးကို အကြိမ်ကြိမ်ငြိမ့်ကာ​​​ဖြေ​နေ​သော ​ရှောင်းကျန့် ပါးပါး။

"ဘာမှ ​တွေးမ​နေနဲ့​တော့ ​နော် ပါးပါး ။
ပါးပါး​ပျော်ဖို့သာ အဓိကပဲမို့"

ဝမ်းနည်းခြင်းရိပ် ကြည်နူးခြင်းတို့ ​ရောယှက်လာ​​သော မျက်ဝန်းတို့က အရည်ကြည်​တွေ​​ဝေ့သက်ကာ မျက်ရည်​တွေ ဒလ​ဟော စီးကျလာသည်။

ပါးကမကျန်းမမာနဲ့ လူပို တစ်​ယောက်ပါပဲ။ ​ရှောင်းကို ပါးပါး တစ်ကိုယ်​ကောင်းဆန်စွာ ဆွဲထားမိပြီးထင်တယ်။

စာရွက်က​လေး​ပေါ် ချ​ရေးလာ​သော စကားလုံးတို့ကို ဖတ်ပြီ ​ရှောင်းကျန့် ပါးပါးကို ​ပွေ့ဖက်ထားလိုက်မိသည်။

"မဟုတ်ဘူး အဲ့လိုမ​တွေးရဘူး​လေ ပါးပါး ။
ပါးပါးက ကျန်းမာသည်ဖြစ်​စေ။ မကျန်းမာသည်ဖြစ်​စေ။ ပါးပါးက အမြဲတမ်း ​ရှောင်း ပါးပါးပဲ "