Waterfall and Green Forest ,I'll Be Always Here -(Z&U)

Story Part -7

Return back to White wolf

​

မော်ဒယ်​တွေ အားလုံးကို မိုက်ကယ် က ဖုန်းဆက်​လှမ်း ခေါ်သည်။ အရင်​ရောက်လာသူများကို အရင်​ရိုက် ပေးပြီး တဖြည်းဖြည်းနဲ့ စတူဒီယိုမှာ ရှုပ်ယှက်ခတ်လို့လာသည်။ ဆက်တင်ကလူ​တွေ ​​နောက်ပြီး မီးအလင်းအ​မှောင်ချိန်သူ​တွေ​၊ Make up Artist​​ ၊ ဒီဇိုင်နာ​တွေအားလုံးက ပျာယာခတ်စွာအလုပ်ရှုပ်​နေကြသည်။ ​ရှောင်ကျန့်ကလည်းကင်မရာကို ကိုင်မကာ တဖျပ်ဖျပ်နဲ့ ရိုက်သည်။

အိုက်တင်ပိုင်း သင်ပေးသူကလည်း တက်သစ်စ​တွေကို ​သေချာ​သင်​ပေး​တော့ ​ရှောင်ကျန့်မှာ ရိုက်ရတာ ပိုမြန်ပြီး ရိုက်ချက်ပိုင်းကိုလည်း သိပ်အာရုံစရာမလို​။
ရှုတင်ပြီးချိန်မှာ​တော့ အားလုံးခြေကုန်လက်ပန်းကျရ​​တော့သည်။ ​

ရှောင်ကျန့်က အားလုံးအတွက် ညစာ ကိုဆိုင်တစ်ဆိုင်တွင် ဘိုကင်မှာ​ပေးကာ နှုတ်ဆက် စားပွဲ​လေးတစ်ခုလုပ်​ပေးဖြစ်ခဲ့သည်။ အားလုံးက​​​​ကျေနပ်အားရကာ ​ကျေးဇူးတင်​ကြောင်းဆိုပြီး သူ့အား နှုတ်ဆက်ကြ​လေသည်။ လမ်းခရီး အဆင်​ပြေပါ​စေ​ပေါ့။ ​

ရှောင်ကျန့် ခရီးသွားမည့် အကြောင်းကို မိုက်ကယ်က အားလုံးကို ​ပြောပြထားပြီးပြီဖြစ်လို့ ​ထွေ​ထွေထူးထူး​​ပြောဖို့မလိုအပ်။ ​​ရှောင်ကျန့်က စတူဒီယိုမှာ စကားအနည်းဆုံး။

အားလုံးနှင့်လိုက်​လျောညီ​​ထွေ​နေတတ်​ပေမယ့် စကားအ​ပြောအဆိုနှင့်​​ဖော်​ရွေမှု အား နည်းတာ​ကြောင့် အားလုံးက ​သ​ဘောကျ လေးစားကြ​ပေမယ့် ရှိန်ကြတာ​တော့အမှန်။ အလုပ်အတူ တွဲလုပ်ကြတာ ကာလတစ်ခုအထိ ကြာ​ပေမယ့်လို့ ​အေးစက်စက် ဆံဆက်​ရေး​တွေ​ကြောင့်မို့ထင် နှုတ်ဆက်ထွက်ခွာခြင်းက ​ကြေကွဲဝမ်းနည်းမှု အလျင်းကင်း​နေကြသည်။ မိုက်ကယ်က လွဲရင်​ပေါ့။

​တောင်​ပေါ်မြို့ရွာက​လေးကို ​ရှောင်ကျန့်​​နောက်ထပ်တစ်​ခေါက်​ထပ်၍ရောက်​​တော့ အ​​တော်​လေး​ပြောင်းလဲလာတာ​တွေ့ရသည်။ ​ခေတ်မှီ လာ​သော ပတ်ဝန်းကျင် အ​နေအထား အ​ငွေ့အသက်က ​ပြောင်းလဲလို့လာသည်။ မီးတိုင်ရှည်များ နှင့် Wind Framကြီးများ ကုန်းမြင့်​​များထက်​ နေရာယူပြီး​နေကြပြီ။ ​တောအုပ်​​လေးကို Green Forestအမည်ဆိုင်းဘုတ်နှင့်တကွ ဝင်​ကြေး ဂိတ်က​လေးပါ ​တွေ့လိုက်ရသည်။ ​တောအုပ်​လေးက အခုဆို အပန်း​​ဖြေ ဥယျာဥ်က​လေး ဖြစ်လို့​နေပါပြီ။