هى لحظات

وجع، ألم، عذاب، وفرح مستمر

البارت الثالث....

في صباح اليوم التالى ذهبت باروين الى كليتها وتقابلت مع روحها الأخرى جورى
جورى:صباح العسل على احلى اخت في المجرة كلها.
باروين:صباح النور ياقلبي.
جورى: يالا ندخل عشان في دكتور جديد جاى ومنتأخرش عليه .
باروين: دكتور مين ده وجاى لى؟
جورى :جاى بدل دكتور احمد
باروين:تمام يالا ندخل ونشوف .
دخلت جورى وباروين قبل المحاضرة بخمس دقائق وجلستا في أماكنهم لكن بعد الخمس دقائق كانت المفاجأة من نصيب باروين وجورى
جورى:بارو اى ده مش ده جاسر ابن خالتك
باروين:ايوه هو بس اى جابه ده هو ورايا ورايا
جورى:استلمى بقي.
بدأت المحاضره وكان جاسر من بعد الحين والآخر يختلس لباروين النظرات دون أن تراه هى ،حتى هو لم يكن يعرف لما هذه النظرات ولما هذا الشعور الذى ينمو بداخله ، وبعد انتهاء المحاضره انتظر جاسر باروين في الخارج وعندما خرجت
باروين:جاسر بيه انت ورايا في كل مكان ياعم اى جابك هنا ؟ وبعدين مش انا كنت معاك امبارح مقلتش لى انك جاى؟
جاسر:اولا أنا هنا بدل دكتور احمد عشان سافر امريكا ٤شهور .ومقلتش لى بقي عشان كنت عاملهالك مفاجأه.بس فرحتى بيها صح؟!
باروين: ياعم فرحت بإى هو انا طيقاك في البيت عشان اطيقك هنا
جاسر: لو سمحتى يا آنسه أنا هنا الدكتور بتاعك ولازم تكلمينى بإحترام عن كده.
باروين:طب يالا يا دكتور عايزين شوية هوا.
جاسر: لا انتى هتيجى معايا عشان هنروح مع يارو عشان منتأخرش عليها وتنفخنا.
باروين:بس عربيتى هنا
جاسر : سيبيها وانا هبعت حد ياخدها
باروين :تمام بس هقول لجورى انى همشي معاك عشان متقلقش بس.
جاسر:طيب بس بسرعه انا مش السواق بتاع حضرتك هقف استنى كتير
باروين:والله انت اللى عايزنى يبقي استنى بقي
ذهبت باروين الى جورى واخبرتها ثم عادت لجاسر وذهبوا للمنزل.
في المنزل...
جاسر: يارو يالا ياحجه عشان نمشي مش هنستنى كتير احنا
يارو :تمام انا خلصت يالا
سعاد:ياولاد استنوا كلوا قبل ماتمشوا
باروين:لا ياخالتو لازم نمشي عشان منتأخرش.
سعاد: ماشي ياحبيبتى بس خدوا بالكوا من نفسكوا.
جاسر:حاضر ياماما متقلقيش انا معاهم وعمر جاى هو كمان.
وبعدها ذهب كل من جاسر وباروين ويارو الى الخارج لانتظار عمر الذى جاء بعد بضع دقائق للذهاب لشراء الفستان وبعدما وصلوا للمكان المراد تم اختيار الفستان بعد عدة مناقشات لكنه حصل على اعجاب جميع الموجودين.
جاسر: وانتى ياباروين مش هتشترى فستانك.
باروين : لا ياجاسر ماما مسافرة بكره باريس وهتجيبه معاها
جاسر: تمام يالا بينا نروح ناكل بقي عشان انا جعان جدا.
يارو: ايوه وانا كمان يالا بسرعه
باروين:يامامى هتاكلينا يابنتى ،خاف على نفسك ياعمر بعد كده
عمر:وربنا يابنتى انا خايف من دلوقتى.
يارو:طب يالا ياخفيف انت وهى
عمر:اتفرجى يابنتى في واحده محترمه تقول لخطيبها ياخفيف.
يارو :ايوه انا ويالا عشان جعانه يابشر
جاسر:يالا خلاص سكتوها هتفضحنا.
وذهبوا إلى تناول الطعام وكان يوم جميل مابين الضحك والتجول والطعام ثم عادوا إلى بيوتهم حيث قام جاسر بتوصيل عمر ويارو الى المنزل ثم بعدها قام بتوصيل باروين وفي الطريق
جاسر:باروين ممكن اسأل سؤال؟
باروين:اتفضل طبعا ياجاسر
جاسر:هو انتى مبسوطه مع خالتو ، اقصد يعنى عارفه تتعايشي مع الوضع ده.
باروين:بقالى 13سنه وتقولى عارفه تتعايشي مع الوضع، بص مش هكدب عليك انا بمثل أنى متعايشه معاه لكن أنا تعبانه جدا من الوضع ده بس متأكده أن ربنا ليه حكمه في كده وان كل ده هينتهى ووقتها هيكون فرحتى كبيره جدا بعوض ربنا.
فهنالك اشياء تجبرنا على الصمود ونحن في أعز الإنكسار وهذه الأشياء هى مصدر قوتنا فلولاها لما قدرنا على الصمود أبداً وهنالك أشياء توجد بحياتنا كم نتمنى أن تُمحى منها لكن هو القدر وحده من يجبرنا على بقائها ولن يوجد شئ لنفعله سوى أن نستسلم ونتقبلها بكل حزن وألم..
بعد هذه الإجابة شعر جاسر بشئ ما انكسر بقلبه حزناً عليها لكن كالعاده لا يعرف سبب هذا الشعور ...
جاسر:اكيد خير يابارو وبعدين اجمدى كده انا اختى عمرها ماكانت ضعيفه أبداً ولا هتكون.
باروين بابتسامه:اكيد ياجاسر.
لكن شئ ما احزنها لكلمته "اختى"فهو لا يعتبرها سوى اخته تراجعت باروين عما يدور بخلدها فهى لا تريد كسراً لقلبها اكثر من ذلك..
اوصل جاسر باروين الى المنزل وذهب بعدها لكن طوال الطريق كان منشغلا بما قالته باروين احس انه مقيد الأيدى وهو يرى حزنها هذا، حزنها الذى تسعى لإخفائه عن الجميع.
في اليوم التالى ذهبت باروين إلى الجامعه وكانت المفاجأة التى تنتظرها والتى ستغير مجرى حياتها...
جورى: اهلا بارو العميد عايزنا علفكره.
باروين: عايزنا لى؟ عملتى اى يامصيبة.
جورى:والله ماعملت يابنتى ، دايما بتثقي فيا كده مش عارفه اقولك اى والله.
باروين: قدامى ياختى نشوف في اى.

في مكتب المعيد...
باروين: ازى حضرتك جورى قالت إن حضرتك طلبتنا.
المعيد: ايوه وعايز اقولكوا على خبر حلو.
جورى :اتفضل قول اى هو الخبر ده.
العميد :تم اختيارك انت وباروين لتكملة باقي 3سنين اللى باقية ليكوا في امريكا تقديراً لاجتهادكم وتفوقكم وهيبقي معاكوا 3 كمان.
نزلت المفاجأة عليهن كطوق النجاة لتكملة مابدأتا فيه للوصول لذلك الهدف.
باروين:حضرتك بتتكلم جد يافندم.
العميد: اكيد ياباروين.
جورى: بجد شكراً لحضرتك احنا مش عارفين نشكر حضرتك ازاى.
العميد: لا شكر على واجب ياجورى ،يالا روحوا عشان تبلغوا اهلكم علشان مفيش وقت قدامكم اسبوعين عشان تسافروا.
باروين: تمام يافندم شكرا لحضرتك السلام عليكم.
العميد: وعليكم السلام ورحمه الله وبركاته.
ذهبت باروين وجورى كأنهما حصلتا على جائزة نوبل فكان ذلك حلمهما منذ أن كانتا في الثانوية .ذهبت باروين إلى منزلها لتبلغ امها بهذا الإنجاز العظيم بالنسبة لها لكن هل ستكمل سعادتها ام سيكون لامها رأى آخر.
باروين: ماما كويس إن حضرتك موجودة كنت عايزه أبلغ حضرتك خبر هتفرحى بيه جدا.
آيات:اتفضلى يابارو في اى ي حبيبتى.
باروين: ماما الكلية بلغتنا انهارده أنا وجورى و٣ من زمايلنا أن تم اختيارنا لتكملة الدراسة في امريكا.
آيات :وانتى عايزه تسافرى لى ماهنا الكلية كويسه وانتى داخلة افضل جامعه في مصر.
باروين:بس ياماما ده حلمى من زمان وحضرتك عارفة.
آيات :بس انا مش موافقة.
باروين:لا ياماما مش بعد ماقربت احقق حلمى تقولى لا حضرتك في شغلك وبتحققي كل حاجه عايزاها ونا مش بعترض على حاجه أبداً.
آيات:بس انا مش هسيبك تمشي لوحدك وكمان مش هقدر أفضل لوحدى.
باروين:اسفه ياماما طول عمرك سايبانى لوحدى محدش بيهتم إذا كنت لوحدى أو لا من زمان مش لما اجى اوصل تقوليلى لا وبعدين حضرتك طول عمرك برة البيت اصلا مش بتيجى غير على النوم متجيش تقوليلى هتسبينى لوحدى لأنك مش بتقعدى معايا اصلا.
آيات بغضب:انتى هبلة ياباروين انتى عارفه اللى انتى بتقوليه ده.
باروين: أيوة ياماما ومش هرجع في قرارى ابدا ده مستقبلى أنا وانا اللى هختار والا حضرتك بقي مش عايزانى اسافر عشان بابا موجود هناك؟
آيات :أيوة ياباروين مش هتروحى ليه برجلك مش هسيبك تروحى ليه ابدا.
باروين باستنكار: قولى كده بقي يعنى لو سافرت اى مكان تانى مكنش هيفرق معاكى اصلا لان اللى قولتيه مش صحيح لانى مش فارقه معاكى حتى لو فضلت لوحدى أو لا.
آيات: بطلى بقي التفكير بتاعك ده انا بعمل كل ده عشانك انتى انا بشتغل ليل نهار عشانك انتى عشان المستوى اللى كنتى مع باباكى فيه تفضلى فيه.
باروين بغضب:وانا مش عايزه حاجه، مش عايزه حاجه كل اللى انا عايزاه انكوا تسيبونى في حالى بقي كفاية اللى حصل من 13سنه واللى لسه بستحمله بسببكوا.
ودخلت باروين في بكاء مرير ثم صعدت سريعا الى غرفتها واغلقتها عليها وأخذت تناجى ربها ليسهل لها كل شئ.
ما فائدة الأموال والأملاك وأنت في حاجة الدفء والحنان، الأموال ليست كل شئ وليس كل شئ في الحياة هو الترفيه والمستوى المرتفع في المعيشه وليس كل شئ يمكن شراءه بالمال فيمكن أن تشترى الأسرة وليس الحب ، الدم وليس الحياة، العمل وليس المهارة ، الملابس وليس الحياء ، القوة وليس الاحترام ، اى شئ في الجسد وليس الجسد نفسه.

هل ستوافق والدة باروين على سفرها ؟! وهل ستستكين باروين وتوافق على قرار أمها ام ستقف بوجها هذه المره؟! وماهو رأى أهل جورى في سفرها؟! هذا ماسنعرفه في البارت القادم...