البارت الثالث
في اليوم التالي ذهبت سارة إلى مدرستها فهى فى عامها الثالث الثانوى وبعدما وصلت مدرستها تلاقت مع آية ...
آية ببرود: ازيك ياسارة .
سارة: ازيك ياآية وبلاش تعاملينى كده انتى عارفه انى عايزه مصلحتك مش اكتر وانا اسفه ياستى خلاص بقي.
آية في نفسها : عايزه مصلحتى شوفي نفسك الاول قال وعملالى فيها الشيخه اللى مش بتغلط ابدا .
سارة: آيه ، آيه انا بكلمك .
آية بعدما أفاقت من شرودها: خلاص ياسارة مفيش حاجه حصلت ، سامحتك خلاص.
ومن هنا عادت حياة سارة وآية كصديقتان ثانية.
اما بالنسبة لاحمد فاستمرت محادثاته مع سارة كثيرا وبالساعات وفي كل مرة كانت تحس سارة بتأنيب الضمير لكن شيطانها كان يخدعها ويقول لها أن ماتفعله هو الصواب وبعد أيام ستكون ملكا له وأمام الجميع واستمرت الايام على هذا النحو حتى جاء يوم .....
.... : ايوه يا احمد ازيك ياحبيبي وحشتنى جداً.
احمد: اهلا ياحبيبتى وحشتينى اكتر ياقلبي .
..... : احمد انا عايزه اشوفك ضرورى عشان غيرت حاجه في الخطه .
احمد : طيب ماتقولى هنا .
.... : الأحسن نتقابل ونقعد مع بعض شويه واهو اشوفك بالمره ياقلبي .
احمد : تمام ي حبيبتى هنتقابل فين؟
..... : هنتقابل في ....
احمد: تمام ساعه وهبقي عندك.
..... : تمام ياحبيبي سلام.
احمد : سلام
بعد ساعه من المكالمه ...
احمد : اهلا بالكبيرة ازيك يا آية.
آية: الحمد لله ياقلبي واحشنى جدا .
احمد: وانتى والله امتى بقي نخلص من المسلسل ده وافضالك .
آية: قريب اوى بس فتح دماغك كده عشان انا جايه بفكرة هتكسبنا كتير اوى.
احمد: قولى يامعلم.
آيه : الاول اى علاقتك بسارة دلوقتى؟
أحمد: فل اوى هى بدأت تسلم ع الآخر وكل ماتقول حرام او حاجه زى دى اطمنها واقولها أن احنا بس بنتعرف على بعض وهاجى اخطبك قريب.
آية : كده تمام تعالى على المهم بقي انا عايزاك تجبلها صور .
احمد : صور ازاى يعنى مش فاهم وبعدين ما اكيد معاكى صور ليها هى مش صاحبتك.
آيه : لا مش صور من معايا انا عايزاها تبعتلك انت صور او مثلا تخرجوا مع بعض وتتصوروا كتير وتحاول تقرب منها في الصور دى بحيث اللى يشوفها يقول انكوا متعودين على بعض ومش اول مرة تخرجوا سوا.
احمد : انتى بتفكرى في اى بالضبط؟
آية : الصور مقابل مليون جنيه.
احمد: تقصدى انك هتفبركى الصور قصاد الفلوس؟!
آية:بالضبط كده.
احمد: يخربيت دماغك ياشيخه انا كده هخاف منك دى صحبتك اللى معاكى من زمان وعملتى فيها كده امال غيرها بقي هتعملى فيه اى؟
آية: طول مالشخص كويس معايا هعامله حلو بس مبحبش حد يجى عليا وده جزاء لاى حد يفكر أنه يشوف نفسه عليا . ها قلت اى ع الفكرة؟
احمد : فكرة ، ده انتى معلمه ، ده الشيطان يخاف منك يابنتى ، اكيد موافق طبعا بس النص بالنص.
آية: بس دى فكرتى انا 75%وانت25%.
احمد: لا ياحلوه ماهو لو مش انا الفكرة ملهاش لازمه.
آية : تمام بس خلص في اسرع وقت .
احمد: اشطا شكل اللعب هيحلو اوى .
في هذا الوقت كانت هناك عيون تراقب في صمت وعلمت بمخططاتهم القذرة فهل سيكون لها دور في انقاذ سارة ام ماذا؟!
ذاهبة لبيتها بعد يوم شاق في المدرسه لتجد احدا ما ينادى عليها
..... : سارة ، ياسارة استنى.
سارة : ........
ياترى من هذا الذي نادى على سارة وهل سيكون له دور في تغيير محور قصتها ام سيكون شخصا عابرا في أحداث القصة؟!
أنت تقرأ
هى لحظات
Fiksi Umumإلى كل من ظلمته الحياة ، إلى كل من ذاق العذاب جرعات منها، إلى كل من عانى من إحدى مشكلات الحياة المؤذية التى لا حل لها، إلى من حاول التصدى لها لكنه فشل ، إلى كل من يحاول إيجاد بصيص نور لارشاد المجتمع وتوضيح آثار المشكلات تلك عليهم ، إليكم -اقرانى- ه...
