الموظفين جو عملو اجتماع عرفوني عليهم و عرفو انا بت المدير احم احم😌في نص الاجتماع والمدير بيتكلم و بيتناقشو الباب ضرب🙂جات داخله رزان اتذكرتوها بت عمي😹😹😹قالت اسفه بس اتاخرت 🙂الحاج قال ليها ماف شي اسمو اتاخرتي مفروض تجي كان قبل نص سساعه كنتي وين😡😡دا شغل ما لعب تجي هنا قبل الدوام يبدا مفروض تكوني منتظمه و تجي بدري ما تجي على راحتك 😡😡😡قالت ليو اسفه و قعدت طبعا وشها بقى طماطم بس😹😹لانو الشركه فيها اولاد كسارين ياخ وهي عامله باربي و م ادراك لكن الليله برستيجها مسحو بيهو الارض😹😹الحاج ذلاها ذله الكلاب😹😹وعمي بيحمر لي ابوي ساي يعني لي يشاكل بته😏اه وين ياا والله عافيه ليك يا الحاج😹😹
🌚يجماعه احتراما لي ابوي في الشركه ح اكتب ليكم المدير ما الحاج بس افهموني🌚
طبعا طوالي اشتغلت معاهم و الحاج اقصد المدير وراني شغلي وكدة ومشت معاي السكرتيره ساره دخلتني لحدي مكتبي بقت توريني ف الشغل قالت لي بمرور الوقت ح تتاقلمي🌚يلا بالتوفيق💙قلت ليها مع السلامه نتلاقى بعدين في الكفتريا🌚قالت لي زابط ومشت🌚اتذكرت كلام المدير قال لي م تقولي زابط و الكلامات دي قلت لي نفسي اهو ساره زاتها بتقول زابط هسي العيب شنو 🐸اثناء م شغاله في الكمبيوتر جات رزان من دون م تدق الباب😏قالت لي اهلين ي بت عمي ضلمتي الشركه😏"حركات وهميه🐸"قلت ليها لا اهلين لا بطيخ كت يور فيس بيبي و المره الجايه دقي الباب😏👊عاينت لي عين استفزازيه ومشت😑👊هسي انا ناقصاها عليكم الله👊الساعه ١٠ ضربت لي الاء قلت ليها فشفاشي كيفك😍قالت لي بري متبريه من فشفاشك ي زوله👊ما تمام وينك انتي قلت ليها امس بعد قفلت الخط منك ابوي اتكلم معاي المهم بالمختصر انا هسي ف الشركه وفي مكتبي االخاص و بقيت هيبه غايتو عقبالك😎😹😹👊قالت لي شتت انتي قلتي م عاوزة تشتغلي🙄👊قلت ليها قدر الله وماشاء فعل🌚ولو عارفه بخلوني في مكتب حلو زي دا كان اشغلت زمان😌قالت لي ينفعك😏والطقه ح تفوتك 😏👊قلت ليها بجيكم نتغدا و نتعشاء ي زوله بضرب ل خالتو ميساء تغطي لي اكلي😹😹قالت لي كان م اكلته🐸👊قلت ليها تف تف💦😚يلا ل بعدين هسي عندي بسنس"والله م عارفه اكتبها ليكم كيف بسنس دي 😹😹business 😏😌قالت لي اشي ي business woman 😹😹😹👊قلت ليها اي اتمسخري لسه😏يلا باي👊قفلت منها ونزلنا الكفتريا ما لقيت ساره قلت بتجي بعد شويه مشيت طلبت اكل وقعدت بعد شويه لبعني زول ب وره لمن دايره اتشرق😳قالت لي ي كلبه م بتنتظريني قلت ليها كنت بفتش فيك م لقيتك وبعدين دي يد ولا ساطور ماشاءالله👊قالت لي عين حاره😏قلت ليها اتحشي وبعدين انا قلت ماشاءالله😏وزاتك عايزه يد زي الساطور تعملي بيها شنو الا لي جريمه قتل 😹😹😹😹قالت لي دمك بقري😑👊قعدنا ناكل وعرفتني على روحها لحدي جدها السابع🐸👊عندها اختين واخ "م محتاجين نزكر اساميهم" هي تالتتهم عمرها ٢٥...طبعا هي من النوع الزريف دااك كان قعدت معاها ساعه بس بتحسي روحك بتعرفيها من زمان ودمها خففيف🤤اثناء م بنتونس وماشين لاحظت ل رزان طالعه بره الشركه قلت ليها شوفي دي مش رزان قالت لي اي من شعرها الزي قوس قزح دا😹😹😹قلت ليها مالا طلعت بره قالت لي ايزي اصلا كل يوم بتطلع عندها حبيبها بيتونس معاها وبديها هديه و بتفطر معاه وبتجي راجعه😐☺️قلت ليها شنووو😳والمدير عارف!! قالت لي اكيد لع🐸👊قلت ليها لو عرفها بيفصلها😏بس مالنا ارح خليها ف حالا 😑قالت لي ولا ابوها م عارف😑 قلت ليها بتكون قرت وجعلنا من بين ايديهم سدا.. 😹👊قالت لي الا كدة 😹😹لينا الله نحن لكن حبيبها صاااروخ ياخ🐸قلت ليها هوي م تتراشقي وتتكسري لي ف خلق الله😒👊قالت لي دي مش بتبقى ليك قلت ليها ياااه بت عمي...... مشيت ودخلت المكتب بقيت شغاله لمن زهجت قلت اضرب لمهيد 😆😆
....
بالمناسبه مهيد الحاج عرض عليهو يشتغل معانا ف الشركه لكن هو رفض والحاج قال ليهو في اي وقت نحن قاعدين بس انت كلمني والله م بتندم ومن اليوم داك مهييد رافض لكن هو شغال في فرع بتاع شركه تانيه "
....
الوووو مهيييااااد 🐸قال لي قديتي طبله اضاني👊قلت ليهو مشتاقوووون عديل🌚قال لي اولا ما بالاكتر ولانو امس كنت معاك وثانيا ضربت لي بتلفون منو🙄قلت ليهو عرفتني كيف دي انا🐸👊قال لي من صوتك🙂💔قلت ليو اهااا 😏طبعا ضاربه ليك بتلفون مكتبي القاعده فيهو😌قال لي شكلك بتهظري معاي🐸💔قلت ليو ولي شنو بهظر بس حبيت اوريك انو طلعت من طور العطاله و هسي شغاله😹😹💔قال لي مبرووك ياخ م تقولي لي شركه ابوك🌚قلت ليو اعي🌚💔قال لي خلاص بجي بشتغل معاكم😆قلت ليو لا شكرا بتضلمها لينا😹😹قال لي متاكدة من كلامك دا😏قلت ليو اكييد اصلا عامل لي وجع وش قال لي اديني اسبوع وبتلقيني معاكم😹😹هسي انا شغال يلا باي برجع ليك بعدين🌚👊طق طق قفل الخط بقيت بودي الورق يمين و شمال زهجت ياخ بعد ساعه كدي الباب فتح و دخلت توووشك🐸💔قلت ليها خير ي ساره دقي الباب 😑👊"اختكم جديدة وعامله هيبه لي روحها😹"قفلته وقعدت قالت لي الليله ابوها ولا ابوك كان شافه بيقتتتله و بيقلتها 😰😰قلت ليها ف شنو🙄قالت لي المشكله انو عبيط وانا بوقف فيو قلت ليو السكيورتي كيف دخلك وهو م شغال بي طوالي دخل ليها ف المكتب😰💔قلت ليها هوووي يااا تتكلمي عديل ولا تطلعي لي عشان انا شغاله😒👊قالت لي حبيب بت عمك ديك قلت ليها رزان اها حبيبها مالا🐸💔قالت لي دخل ليها ف المكتب و قبل كدة ابوك شاف حبيبها وعمل مشكله كبيره وهسي كان شاف دا تاني معناها الشركه بتنحرق 😰💔قلت ليها طيب مفروض الولد يكون عنده كرامه و تاني م يجي😹🐸قالت لي لا المشكله الاولى ديييك كانت مع حبيبها على حسب علمي اسمه وائل لكن دا واحد تاني م بعرف اسمه منو و ابوك م بيعرفه قبل كدة وداااك خلته م عارفه لي وهسي جابت واحد تاني 🐸💔قلت ليها واااي يلااا فلم عديل😹😹😹ان شاءالله يشوفوها م تحرقي لي دمي انتي التانيه ويلا تففضلي من غير مطرووود🐸🚪👉الليله اول يوم لي و وقفتي لي ف خلقتي🐸👊قالت لي م عندك زوق يلا هبله دي😒👊 خلصت الشغل وبالمساء مشينا انا والحاج البيت كنت تعباانه وحاسه ب راسي لافي حكيت لي هديل بالحصل و وريتها شمار رزان😈قالت لي دا يكون حبيبها الرابع🐸قلت ليها نحن لينا الله وقعاد المظله🐸💔قالت لي نفسي اشوفه🐸💔قلت ليها لع م بيعاين ل اشكالك😹😹💔بووووم تم تفجير الجبهه🐸فنتني بالمخده💔اندمست نمته واتزكرت انو الاء مفروض امشي ليها بس قمت من السرير زي حركت اندرتيكر ديييك لمن يكون راقد في الحلبه🐸 ورجل لبست بيها الشبشب ورجل جمب باب الحمام🐸استحميت بس رشيت روحي بالمويه🐸💔عاد كان اتاخرت الاء بتطهرني عدييل🤐😹😹💔دخلت لي جوة بنطلون و بلوزه وطرحه💔وجريي عليها لاقاني ابوي قال لي على وين قلت ليو الاء و جريت عشان م يستفسر كتير دقيت الباب فتحت لي الشغاله بتاعتهم قالت لي الليله ي همودي الاء دي سعلانه منك شديد شفت امش بس كان جاتك بس انت اجر م تأيين "تعاين" بي وراك قلت ليها سمح🐸💔"رعب😹"الساعه كانت ٦ لسه بدري ياخ🐸اثناء ماشة احس ب شي ضربني في راسي عاينت لقيته مسند قبلت يمين شمال لقيت الاء صاره وشها🐸قلت ليها ي كمبووشتي انا و حلاتي شوفي روحك عثوله كيف🤤قالت لي ف عينك تبيعيني عشان شغل😒👊قلت ليها هسي جيت ولا ارتحت زاتو ياخ تعالي اسلم عليك😘مشيت ليها اولا استقبلتني ب ام دلدوم في ضهري و مسكتني من اضاني و هااك ي القرصه وحاتكم كوركت لمن خالتو ميساء والشغاله جو.. خالتو ميساء قالت ف شنو😰مشيت ليها قلت ليها شوفي بت اختك دي ضربتني لمن حاسه نفسي كتم😰خ ميساء قالت ليها دا شنو ي الاء😑قلنا هظار زي دا م عاوزين انتي عارفه عندها ازمه اتشاكلو واتخابتو لكن براحه😑"ركزو عندي اززمه اززمه يعني حياتي مهددة بالخطر"الاء قالت ليها طيب تمام وانتي ي قلب ي حبي ي لوتس اتفضلي غرفتي😒😒طبعا بتتماسخ وانا استلمت ليكم الموقف قلت ليها لع خلينا في الصاله هنا م داخله معاك😹😹مشيت قعدت وخلفت رجل و خالتو ميساء قالت للشغاله تجيب لي عصير و تسوي غدا عشان هم م اتغدو كانو منتظرني🙈ياخ المره دي بتحبني شديد🙈بحسها زي امي ومرات احسن من امي زاتو😹😹🙈مشو يسو الغدا والاء تشيل وتحمر لي حكيت ليها بالحصل ف الشغل وحكيت ليها برزان قالت لي عاد دي م بتستخير😏خ ميساء قالت لينا الغدا خلص تعاالو .. ماشة اغسل يدي مسكني زول من عيوني وخنقني🐸💔طبعا عشت الدور وبقيت اقح اقح والاء تضحك و خالتو ميساءء بتكورك ليهو ي مهيد بطل عباطتك دي انتو بت سميه دي ناويين تقتلوها ولا شنو😑😒جات فكته و ضربته في ضهره وهو بضحك وانا لسه بقح والله استهبال ساي عشان خالتو بس تشاكله😹😹مهيد قال لي طولتي مننا ياخ افتريتي😏قلت ليهو م افتريت بس عشان حركاتكم دي قلت تاني م بجي😏خالتو قالت لي م تشتغلي بيهم ثغيلين بس😒وضربت مهيد ف بطنه هو بضحك مشينا وقعدنا ناكل مهيد قال لي الشغل كيف معاك🐸قلت ليو كان يوم زريف🐸💔قال لي م تكوني صاحبتي ليك اولاد من اول يوم😒👊"اتخيلو سألني السؤال دا قدام خالتو و اخته🐸💔اودي وشي وين دقيقه افتح جيبي واكرفس وشي و ادخله💔" قلت ليو لا🙂💔ابتسم لي.. اكلنا و سوينا الشاي بالكيك بعد شويه خالتو مشت جابت صور قديمه وبقت بتحكي لينا ايام زمان هي واختها والظروف المرو بيها و كميه الحب الببناتهم من هم وصغار لحدي اختها اتزوجت عبدالرحمن.. هنا خالتو دمعت شويه مهيد باسها قال لي لا ي خالتي خلاص قفلي الموضوع قامت ضربته ف كتفه براحه وابتسمت💙
عارفاكم م ناقشين شي تعالو انقش ليكم عاوزين حنه ولا صبغه؟! 🐸💔👊
خالتو ميساء مراة في نهايه الاربعينات... جسمها محتفظ ماشاءالله🙈الله م كتب ليها انها تتزوج او بالاصح انها بايره لي هسي لكن م برضى فيها 😒👊💔اختهاا اميمه اتوفت إلي هي ام الاء و مهيد💔زوجها عبدالرحمن عصبي وجهه حاد دائما ف حاله غضب+عنيف.... اميمه بعد جابت الاء ظهر ليها مرض خبيث💔"اللوكيميا"بس دا م السبب الخلاها تموت💔هي ماتت بجلطه بسبب زوجها... في يوم بليل مهيد وهو مراهق بعمر ١٤ طلع مع صحبانه من الصباح وجا راجع البيت الساعه ٢ بليل لانو كان بلعب كوره مع صحبانه واتسكعو شويه والوقت جرا لمن دخل البيت لقى ابوه هايج ومعصب بسب انو جا متاخر وكان عاوز يضربه بس اميمه كانت بدافع لولدها م عشان تدلعه بس عشان هو لسع في عمر خطر يمكن يدمر مستقبله اذا ابوه تعامل معاه بعنف.. اثناء ابوه بيحاول يضرب مهيد وامه بتدافع عنه و الاء واقفه ورا الباب بتبكي قام ابوه رمى اميمه و بقى يضرب مهيد بصوره عنيفه لمن رعف و جسمه تورم.. اميمه حست بالم في قلبها وتنفسها بقى صعب بس اتجاهلته وابوه طلع الغرفه بعد اتفشى في ولده💔مهيد اسند امه ودخلها غرفته والاء جرت لي مهيد ونامو في نفس الغرفه الاء صحت الصباح بتصحي في امها بس م كانت بترد وكلمت مهيد و م حصل شي ومنها فهم مهيد انه امهم فارقتهم ومن هنا بدأت الحياه التعيسه💔مهيد وقف حياته حتى المدرسه بطلها واخته دخلت في حاله نفسيه لا بتاكل لا بتشرب حتى م بتتكلم مع زول بس بتبكي ماعنو كانت صغير عمرها ١٠ بس كانت فاقده امها💔كانت نفس عمر لوتس.. حتى لوتس انصدمت لمن عرفت لانو كانت بتحب خالتو اميمه شدديد كل يوم بتمشي ليهم في البيت وتلعب مع الاء بس الضرر الاكبر كان في مهيد و الاء... 💔... حتى عبدالرحمن م خطر في باله شديد بس شال الفاتحه مع الرجال وبعد اسبوعين اتزوج مراه قريبه ليهو ف السن عايشه في U. S. A فهو استفاد منها و سافر معاها وعايش حياته وجدع الاولاد لي خالتهم.. 💔.. خالتهم ربتهم وعاشت معاهم لحدي م كبرو حسستهم بانها امهم و ما رفضت ليهم اي طلب كانت شغاله في البنك و مرتبها بيعشهم و حتى ابوهم م حاول يسال منهم و لا يرسل ليهم المصاريف.. 💔نكتفي لحدي هنا💔
....back....💔
مهند قال ليهم لو عاوزين تعملو بيت بكا انا ماشي😊بقينا نفتح مواضيع تانيه لحدي الساعه ٩ الحاج اتصل قال لي تعالي بعدا استاذنت منهم و مهيد قدمني لحدي الباب ضربني ف راسي باصابعه قال لي تعالي لينا طوالي و م تفتري😒💔قلت ليو ظابط الله يحينا🐸قال لي يلا ي حب تصبحي على خير💙قلت ليو حبه تخنقك وتجيب اجلك🐸👊دخلت واعتزرت لي الحاج وطوالي جري على السرير نمت...💙
دائماً نعتَقد أن حياة الأخرين هيَ أفضَل منّ حَياتنا، والآخرينّ يَعتقِدون أَنّ حَياتنا أفضَل، كل ذلك؛ لأنّ نفوسنا تفتقد القناعة.💔
