قاعدين انا والاء ف الغرفه😀💜بنتونس ولانو مشتاقه ليها شديد خشمي كلو كلو م قفل😹😹💜لو م خايفه ع البيبي كان مطيت في ضهرها واتشعلقت😀اثناء بنتونس قالت لي البسي😒ح نفوتك والله انا م عوض عشن انتظرك😒قلت ليها اسمو خالللو عوض ولا عموو عوض لانو عوض دا م صحبك😒😏مشيت لبست وناديتها تمكيجني😀وهي كمان لبست وبقينا منتظرين راجلها يجي عشن يودينا العقد🌚💜ضرربت ليو وزحت بعيد واتكلمت ربع ساعه🐸💔قلت ليها ده كله كلام🐸حمرت لي قلت ليها بتترمسني معاه ي قليله الادب🐸💔قالت لي مالك ي زوله راجلي😹😹😹خمسه دقايق وراجلها جا ركبنا معاه طبعا الاء ركبت وره وخلوني اركب قدام عشن حامل وكدة🙈😅💜جنس احراج غايتو بس الحمدلله😹راجلها عسل نوع بخليك تموتي ضحك نحن السكه كلها بس عدينها ضحك وكان بيحكي لينا لمن اول مره سافر استراليا و شامي الوضع🤦♀️اول م وصلنا نزلنا وسلمت ع خالتو محاسن وبستها ف راسها وحسيتها فرحانه😀دخلنا جوةة ل انجي لقيت هديل بتمكيج فيها سلمت عليها وهي كانت شبه مبسوطه م بعرفها مالا🤦♀️💜بس قلت ليها ربنا يسعدكم💜قعدنا نونس فيها وعرفتها ب الاء اخت العريس😍💜وسلمت عليها بالاحضان وكدة🌚بعد شويه طلعت بره وطبعا العماره حوشها كبيير وساوين فيها العقد😍💜"وبمناسبه الشقق فوق اتاجرت😀😀"مشيت لقيت امي قاعدة مع خالتو محاسن عاينت ليها وعملت روحي زعلانه لسه😒💔وقعدت جمب خالتو محاسن قلت ليها الشووووق شدييييد اقسم بالله💜قالت لي وانا زاتي مشتاقه ليك ي بتي ليك فتره م جيتي💔قلت ليها بتظبط للعرس ي خالتو عشن اظهر سمحه😹😹😹💔قالت لي من يومك سمحه ي بتي السماحه م بالشكل بالاخلاق💜بستها ف راسها وقلت ليها تسلمي لي💜امي قالت لي وانا م بيبوسوني!! قلت ليها لا مش ابيتي تخليني اجي معاكم الا جيت مع الاء😒قالت لي عشن خايفه ع الطفل الجواك😒قلت ليها طيب😹😹رسلت ليها بوسات عبر الهواء وقلت ليها كسلانه اجي لحدي عندك عشن البيبي كبر😹😹🙈خالتي محاسن قالت لي ف الشهر الكم قلت ليها السادس🙈💜وطبعا كان قبل كم شهر مشيت وفحصت طلع ولد😭😭💜كميه الفرح الحاسه بيها لو علي هسي اولده واخلص الموال دا كله😅💜... بعد شويه جات خالتو ميساء بتزغرد😍😍ومهيد جا داخل ومحنن كدة والرجال كتار و ابوه م جا 😑💔المهم قعد يبشر شويه وهو فرحان😍💜كان لابس على الله سمنيه كدة🤤💜هديل والاء طلعو انجي للعريس وكانو خاتين كراسي راقيه كدة ليهم الاتنين مشو وقعدو.. والاء جات شايله علب خواتم ف يدها😍مهيد شالهم ولبس وحدة ل انجي وبرضو انجي لبسته الخاتم😍طبعا جايبين مصورين وصوروهم💜بعد شويه شغلو اغاني ماعنو كانو م عاوزين اغاني وكدة عشن المرحوم💜بس كمان ايهم الله رحمه وشاله عنده وانجي من حقها تفرح💜طبعا الحاج والحجه وهديل حلفووني قسم انو م ارقص ولو م حلفت م ح امشي ف اخير لي اقعد ب ادبي غايتو م بقدر اصوم😹😹خالتو محاسن وميساء متفهمين الحاجه دي م زي النسابه الحقارين ديك يقعدو يقولو ليك مالك م بترقصي ومالك م فرحانه لبتنا😹😹💜حب كبير ليهم و ي رب نسابه زيهم💜الناس كلهم قامو يرقصو وناس يقطعو اكيد ويعلقو ع العريس والعروس😹😹بس صراحه كانو حلوييين شديد ودعيت ليهم انو ربنا يخليهم ل بعض💜اثناء م بعاين كدة سمعت بنات بوراي وحدة قالت للتانيه البت القدامنا دي مش الراجلها مات😀البت الجمبها قالت ليها اي دي هي والولد المات دا اخو العروس ي بت كان وجيه وسمح مكسر البنات🤤قالت ليها اجي ولدهم مات ليهو كم شهر وهسي هم فاتحين اغاني وبيرقصو غااايتو😒م حبيت اسمع كلامهم ف قمت من مكان وقعدت ف كرسي تاني وطبعا لا عمي حسن لا مرته ما جو العقد🤦♀️💔زي الساعه ٦كدة الحفله خلصت والبيت بقى فاضي الا نحن الحاج قال لينا نمشي بعد دا!! قلت ليو بلييز خليني اقعد مع خالتو عشن اساعدها😑حمر لي وقال انتي حامل تساعدي شنو وبعدين ف شغاله بتشتغل😒هديل قالت ليو طيب انا ممكن اقعد 🌚بلييييز🌚💜قال ليها بس الليلة تاني يوم القاك من الفجر ف البيت😒قالت ليو ثاانكس🌚💜الحجه قالت لينا يلا🤦♀️💜مشينا انا والحجه والحاج وطبعا هديل ح تبيت😑الاء وخالتو ميساء كانو قاعدين ومنتظرين حضرة سيادت مهيد وانجي يخلصو الخلط بتاعهم عشن يطلعو😹😹
في يوم كنت قاعدة ف الغرفه براي وخاته يديني ف بطني وسراحانه ف العرش😑💜سمعت بره صوت ناس بيتكلمو وشي ضحك وونسه غايتو😑الشمار حرقني غايتو سرحت شعري وهندمت روحي شوية عشن الناس يتقبلو شكلي😹وطلعت للصاله كان ف ولد ثلاثيني كدة ف بدايه ال٣٠ قاعد ومديني ضهره😑والحاج والحجه وهديل قاعدين في السايد التاني يعني شايفه وشوهم🌚💜😹😹الحاج قال للولد دي لوتس اهندي ليها😀الولد قبل علي وجا سلم علي سلام حار كدة كانو بيعرفني🐸💔الحمدلله كنت لابسه طرحه للاحتياطات😹بعد سلم قعد ف الكرسي وانا قعدت قصاده و ع امل اعرف دا منو بقيت متنحه ف وشه🐸صراحه وشه عادي كدة باين على وشه انه هادئ ومسترخي كدة وصوته فيهو بحه🐸💜ملامحه عاديه جدا ونسبه جماله ممكن80٪ الحاجه السمحه فيهو انو عيونو نعسانه كدة وعنده شامه بالجنبه ف حنكه🙈حواجبيه غزيره🌚😴شعره كتير لكن جالقه عادي😅عنده دقن مرتبه و م كتير شديد😴💜طبعا بعاين ل ملامحه وهو قاعد بيتكلم مع الحاج لمن لاحظ لي قال لي م عرفتيني😅💔قلت ليو ملامحك شبه بعرفها بس معليش الخرف كعب تقول شنو🌚💔ضحك ع كلامي وقال لي انا ود عمك حسن🌚😀طبعا لمن قال لي كدة عاينت ليو وبكل برود كدة قلت ليو ايواا😐ابتسم لي ابتسامه باهته كدة وبقو يتونسو هو والحاج بخصوص البلد هناك كيف والوضع وكيف اتاقلم ياكل زي الكوريين😹😹طبعا لمن قال كوريين انا مطيت فوق ورجعت براحه مكاني🌚💜شت كوريين عشق حياتي ياخ🌚الحجه قالت لي مالك قلت ليها ولا شي بس الكنبه م مريحه🌚طبعا هم قاعدين على الهبشه كان قلت اي ولا وب ولا اي مصيبه بيقولو لي مالك!؟؟ عاوزة تولدي؟!! حاسه بوجع؟!! 😹😹واصلو ونستهم والحجه قامت تسوي ليو عصير وانا مشيت بوراها قلت ليو الود دا جابه شنو🐸قالت لي اجي ليو كم سنه سافر جا عشن يسلم ع عمه🐸قلت ليو دا م عبدالله البعرفه!! 🐸الود دا شيطان وجنه شكل وبتزكر لي يوم الليله لمن دقاني بحزامه فجاة بقه مسكين كدة😒قالت لي دي الغُربه🐸💔😹😹"بضم الغين لو سمحتو😒"غايتو بس سكت قلت ليها م تسوي عصير سوي ليو مويه ساده بس اصلا د شبهه🐸💔حمرت لي وانا رجعت الصاله وعاوزة امشي غرفتي طبعا م بقدر امشي الغرفه الا امر بالصاله🌚💔سمعته قال لي والله ي لوتس مشتاقين شديد بقيتي كبيره😀💜قلت ليو بعدم نفس بقيت كبيره شنو هو انا عاوزة ابقى ام بعد ده😒💔الولد انحرج والحاج زاد الطين بله وقال لي تعالي اقعدي اتونسي😀والله م عندي نفس بس قعدت وبقيت اعاين لعبدالله مره و للحاج مره🐸لمن الحجه جابت العصير.. تلفون عبدالله ضرب استأذن من الحاج عشن يرد ع التلفون🌚💔وجعع لكن🌚💔اثناء م هو بيتكلم قلت للحاج براحه عاوزة اسافر كوريا🤤💔قال لي سمح اسكتي عشن م تفضحينا😒💔سكتت براحه بعد م جبهتي طارت🌚💔كرامه ممسوحه بالارض اخير عدمها😹💔بعد شويه تاني رجعو للونسه وشويه يتكلم مع هديل بخصوص الجامعه بتاعتها وغايتو عايشين الجو وانا مستمعه غايتو🐸بعد شويه ابننا استئذن وطلع ومنها قدرت اتنفس زي الناس والحاج كمان طلع كان عنده مشوار وانا رجعت غرفتي🤦♀️لقيت الاء متصله لي دلشيون مره رجعت ليها قالت لي مالك م بتردي😒قلت ليها كان عندنا ضيف😒قالت لي سمح بس جاياك يلا باي😐يعني هسي ضربت عشن تجيني🐸غايتو بقت مؤدبه زمان بتجي وبتطردني من بيتنا😹😹جاات وقعدت تتونس وحكيت ليها بعبدو🐸"عبدالله طويل ياخ خلونا ف عبدو😹"قالت لي كنت ف المستشفى😓قلت ليها خير مالك🐸💔طلعت لي ورقه وقالت لي اقريها😍😍لمن قريتها عرفت بانها حامل😍فرحت ليها شديييد يخ وهي تشيل وتتخجل😒طبعا هي كان قبل كدة حامل بس اجهضت طبيعي🤦♀️💔ودي المره التانيه ليها تحمل😀💜قالت لي م كلمت خالتو ميساء بخجل ياخ🌚💔قلت ليها كلميها ف الواتس😹😹قالت لي زريفه😒قلت ليها سمح بكلمها ليك انا🐸💔قالت لي بالمناسبه العرس بعد اسبوعين🌚💜قلت ليها ربنا يتمه ع خير ومهيد كيف😀قالت لي كويس 24ساعه يا بره البيت يا شايل التلفون🐸💔قلت ليها يكون بيخلط😹..الاء بعد ما اتونست معاي رجعت بيتهم عشن كانو ساوين صيانه وكدة للبيت💜
...نسرع الاحداث شويه⏪⏪...
قاعدة وبتمكيج وزعلانه شديد من الحجه عشن م خلتني امشي مع هديل والاء الكوفير😒بحكم اني حامل وخايفه علي😒مرات بحس الجواي دي م طفل دا قنبله ذريه وامي خايفه انها تنفجر😒💔😹😹اتسرحت واتمكيجت بعد تعب واصلا لبست .. عشن ح نمشي العرس😍💜طبعا لابسه توب ع الاقل ساترني شويه عشن بطني🤭🙈💜بعد خلصت مشيت ل الحجه لقيتها بتلبس ف دهبها🌚💔قلت ليها انا الحامل خلصت انتي لسه🌚💔قالت لي بفِنك بالفُرشه "التشكيل رااعو للتتشكيل بالله🐸🤦♀️💔" قلت ليها كضاابه م بتقدري كان فلقتيني الجواي ح يروح😏دخلت ولبستها السلسل وطلعنا مع الحاج😀والسكه كلها وصيات اياك ترقصي😐اوعه تقومي😑كان حسيتي بوجع اتكلمي طوالي😐حنقعد بعيد من مكان السماعات عشن الاصوات الشديدة بتاثر عليك😐💔طبعا انا جسديا معاهم لكن عقليا وفكريا قاعدة ف عالم اخر😹وصلنا الصاله طبعا فاضيه لسه🐸💔سلمت ع خالتو محاسن لقيتها قاعدة ومعاها بنات من اهلها وسلمت عليهم🌚💜جيت قعدت مع الحجه والحاج قلت ليها ناس هديل اتاخرو🐸قالت لي بيجو مع العروس والعريس😑والناس بدو يجو شويه شويه وحبه زغاريد واحس ب زول يجي يسلم ع الحاج وسلم ع الحجه وجا يسلم علي🌚💔الجابه شنو الولد دا تجيه الكشه ووجع الكرشه😹🌚💔الحاج قال ليو منورر لكن🌚"طلس🐸💔"عبدو م صدق وقال ليو بنورك🌚💜الصاله اتملت وبعد شويه فتحو الاغاني والعريس والعروس جو وطبعا رقصو اسلو وشفت هديل والاء من بعيد بيصورو😒طبعا عدت بزكرياتي مع ايهم يوم العرس بتاعنا🤦♀️💔ولمن كنا برقص ف اسلو شويه وكنت ح اقع الا مسكني💔وطبعا الناس الهبل قعدو يصفرو وانا للحظه م كنت عارفه اودي وشي بوين🙈💜😭الفستان كان طويل وكبير شديد لدرجه بفقد توازني😹💔بس كنت متمسكه ف يده شديد💔ولمن مشينا نقطع التورته طبعا يدي بس شغاله رجافي😹ولخبط ليو وشه وبدل ما يمسحه بالمنديل براه اداني ليو وقالي لي امسحيو لي🌚💔والخلق كلهم بيعاينو لينا وانا ي الله ي الله مسحته ليو ووشه جاط وشكله بيضحك بس الحمدلله😅💔طبعا واانا بتزكر لقيت مهيد وانجي خلصو الاسلو والناس بقت تبارك😹😹الحجه كانت ماشة تبارك قلت ليه بليييز امشي معاك عشن ابارك ليهم قالت لي لا م شايفه الزحمه دي ح تقعي وتجيبي اجلك😒طبعا كلهم مشو وباركو وبعد شويه اشتغل الرقيص والحاج والحجه م خلو شي لدرجه حسيت دا عرسهم هم م عرس مهيد وانجي😹😹وخالتو محاسن كلوكلو م قعدت والاء و هديل مسخننها شديد😀💜وعبدو زاتو برقص م بعرف جا العرس ع اساس صفته منو!!😹😹💔الحجه كل مره تعاين لي عشن تشوفني قاعدة ولا وقفت ارقص😒كل مره تعاين لي انا بهزز ليها اكتافي واعمل روحي برقص عشن احرق دمها وتفتكر اني ح اقوم ارقص😹😹😹💔ف عز وانا مندمجه في العرس وبعاين ل الناس البيرقصو جا عمك قعد جمبي🌚💔قال لي الحفله ظابطه ياخ😀💜ابتسمت ليو بس🐸💔"تجيله ي بت امي🐸"قال لي م ناويه تقومي ترقصي!!😀قلت ليو لا😒😑ابتسم وقال لي مالك زعلانه😀💔قلت ليو هو انت قاعد جمبي كيفن م ازعل😒"الجبهه ف مطار الخرطوم امشو ودعوها بالله😹"قال ليها سويت ليك شنو😅💔قلت ليو هو انت الما سويته شنو😒💔"ايزي ابردي شويه😹💔" قال لي لوتس بالله المشاكل البينكم دي م تدخلوني فيها وانا م عندي علاقه ب رزان ولا امي ولا ابوي😑قلت ليو هو ديل اهلك لكن ولا عاجبك الحصل لاختك🐸💔قال لي هي حلاوة عشن تعجبني ولالا بس انا متحير م اكتر وبعدين هي تستاهل تنسجن لانو دي عقوبتها ولانها انانيه وقتلت راجلك وانا عرفت كل القصه والمشاكل دي م تددخليني فيها😊م رديت عليو وعملت روحي مركزة ف الحفله🐸قال لي لسه زعلانه😑قلت ليو ي ابني عاوز مني شنو انا اصلا من يومي بكرهك ياخ امشي مني😒😤قال لي يعني من زمان بتكرهيني🐸معاك حق ياخ بس هسي اتغيرت ومعليش زمان كنت طايش شويه خلينا نفتح صفحه جديدة😀💜قلت ليو الكراس اتملى😒الولد اظنه ح تجيو جلطه مني..براحه قام ومشى يتفشى يرقص بعيد وصراحه م عندي ليو مزاج وبعدين الحِمل بعكنن مزاج الحامل وانا عايشه ع هذا المبدا يعني مفروض يستحملوني🐸💔😹بعد شويه جات خالتو ميساء😍😍قعدت معاي شويه وقامت تهجج💜💜...نهايه الحفله بعد ما سوو الجرتق والناس مشت كلمت الحجه قلت ليها ماشة مع خالتو محاسن مسكينه بتكون قاعدة ف البيت براها ومهيد وانجي مسافرين طوالي😓💜سكتت مسافه وفكرت وانا يحنس فيها وقالت لي حتقعدي كم يوم بس عشن انتي حامل مفروض تخلي بالك من نفسك وتجي بدري😑فرحت وقلت ليها حاضر😀طبعا كلنا طالعين والعروس والعريس مشو طوالي للمطار😭💜والحجه والاء وهديل وخ ميساء ركبو مع ابوي😀وطبعا مف مساحه ف عربيه ابوي تاني وح نضطر نركب ترحال انا و خالتو محاسن😐💔عبدالله كان طالع وقال لينا ح اوصلكم انا😀قلت ليو ح نضرب لترحال😒قال لي خالتو محاسن خليني اوصلكم ي خالتي😊💜خالتي قبلت وقالت لي انتي حامل وترحال احتمال يتاخر ف خلينا نمشي مع زول مضمون يلا ي بتي😊💔بعد كلامها م بقدر اقول لا بس مشينا وركبنا خالتي ركبت وره😓💔وانا قدام اكيد عشن حامل😹😹والله المره الاسمها محاسن دي انا بحبها موت ياخ بتعاملني زي بتها😓💜ركبنا وقال لينا م عارف الوصف😅💔خالتي محاسن قالت ليو في *** قال ليها والله جمبنا😀😀💜سكتنا واحدة كان كدة💜😀طبعا م ردينا ليو بس صمت عجيب🐸💔هو كسر حاجز الصمت وقاال ل خالتي ي خاله لو يوم احتجتي ل شي اتصلي علي بما انو نحن جمب بعض😅💔خالتي قالت ليو تسلم كفايه الضُقنا من اختك وامك وابوك م عاوزين نضُوق منك شي وهسي والله لو م لوتس هي حامل وم صح تقيف كتير كان ركبنا ترحال😊طبعا عجبني ردها ليو تاني عشن يتخافف😏قال لي لا ي خالتي م.كدة والله م عندي دخل ف الموضوع دا ولو انا كنت شايل منك ولا من لوتس اصلا م حيكون ف شي بيربطني بيكم بس مشكلتكم مع رزان وامي وابوي حلوها معاهم مف داعي اكون ف نص الموضوع😊💔وانا اعتقد كنت بره البلد و م عارف الا لمن جيت وعمي عوض حكى لي😊كالعادة مف زول قاال شي لحدي م وصلنا وخالتي قالت ليو تسلم😊وانا نزلت طوالي لا احم لا دستور ودخلنا البيت طبعا عندي غيارات فوق م شلت هدومي لانو دا بيتي التاني💜طلعت براحه وخالتي مشت معاي عشن كان وقعت وكدة😅💔الناس ديل اكيد م طبيعين ياخ كان جات جمبي نمله سااي بيزوحها مني🐸💔والله لو كنت مرت ترامب م كانو سو لي كدة😹😹💔طبعا فوق ف ٣ غرف😀نمنا ف وحدة فيهم واخيرا قدرت استرخ وارخي عضلاتي😴...مرت كم يوم وانا قاعدة مع خالتي محاسن وعبدو كل مره بيجي يدق الباب ويقول لي خالتي محتاجه شي😀وخالتي بتقول ليو لا شكرا😴😊وهو طوالي بيمشي🐸جنس محن غايتو وخالتي تجي تقول لي ود عمك اللايوق دا😒طبعا بتضحكني وبعدين دمها خفيف😹💜تاني قالت لي لكن سمح ووجيه🐸قعدت تضحك وانا ضحكت ومسكت بطني😹😹😹😹😹 قلت ليها م شفتيه زمان تقولي جايبنو من الخور بس🐸💔قالت لي الغربه سمحته لكن🐸..ونحن بهذا الحال كل يوم بنقطع ف عبدو ومرات خالتي بتقول لي كفايه ذنوب😹😹ولحدي م تميت اسبوعين وامي وابوي جو سلمو علينا وقالو لي م ناويه ترجعي🐸💔قلت ليهم بلييز اخر اسبوع وبعدين ناس مهيد ح يجو الاسبوع الجاي😅💜خالتي جات من المطبخ وقالت لي م تتقيدي بي عادي بقعد براي م عندي مشكله ي بتي بس صحتك اهم شي عشن الجوة بطنك😀💜طبعا انا اول شي بعد م اولد الطفل دا ح ابوسه واجضمه لانو ب سببه بحس بكميه الاحترام والتقدير م عاديه ياخ😹😹قلت ليها لا ي خالتو وبعدين م تنسي دا بيتي اقعد بكيفي ولا م كدة😀😔قالت لي اكييد بس هسي دي حاله خاصه😀قلت لي امي مااا ماشة بجيكم بعد اسبوع ودي كلمتي😒💔ابوي قال لي خلاص طيب براحتك ي بتي😊💜اكيد حكيت ل ابوي بعبدو وقال لي بالمناسبه انا الكلمته يغشيكم وهو زول كويس واتصلح شديد ف البدايه هو الكلمني انو يجي ويساعدكم اذ احتجتو شي وانا ف البدايه كنت م حابي اورطه ف حتات زي دي لكن لمن اصر علي خليته واديته الاذن وبعدين انتي بت وخالتك مره كبيره ف اكيد بتكونو محتاجين حاجات البيت ييجبها ليكم زول بس اوعه يكون اذعجكم🌚💔م بقدر احرج ابوي قدام خالتو محاسن😹😹ف قلت ليو لالا ابدا😑🙃وخالتي بتحترم ابوي ف عشن كدة م اتكلمت ف الموضوع كتير 😑 طبعا هديل م جات ف الجامعه🤦♀️والاء بقت قاعدة مع خالتو ميساء😀قالت ل راجلها ح تقعد ف السودان لحدي م تولد عشن كان سافرت مف طريقه تقدر ترجع قريب😴💔....طبعا بعد خلص اسبوع ويومين رجعت بيتنا واخييرا🌚💜
قاعدة ف الغرفه كدة وفكر في الهدوم بتاعت طفلي لسه م اشتريتها ولا حتى البزه وحاجات كتيره😑😑طلعت بره قلت ل ابوي عاوزة اشتري حاجات ل طفلي وبما اني في نص الشهر السابع ف خلينا نشتريها من بدري🤦♀️💔قال لي م عندي مشكله بس انتي يوم داك لمن قلتي عاوزة تشتري قمصان كان تكلمي امك طوالي تشتري ليك حاجات البيبي😅💔قلت ليو يووخ نسيت🤦♀️💔قال لي ف وحدة بتنسى ولدها والحاله لسه هو م طلع للدنيا يعني لمن يطلع ح تنسي اسمه زاتو🐸💔قلت ليو م متاقلمه معاه لسه بس بحاول😅😹😹💔قال لي طيب وكالعادة م حتمشي انتي خلي امك وهديل يمشو هم🌚💔بعد شويه هديل جات من الجامعه وسوينا الغدة وابوي فتح الموضوع ل امي😀امي وافقت وهديل قالت لي ربنا يعينا عليك وعلى طفلك😑🐸💔احتمال م قصدها شي وكالعادة لازم تقصف جبهتي بس للحظه فكرت وقلت اذ ايهم كان حي كان ح يتكفل بالموضوع ودا و م كنت ح اتعب امي واختي😔💔بس م بيدي شي ف اهلي مضطرين يستحملوني🙃م رديت ليها وبقيت اكل بعدم نفس💔دخلت الغرفه بعد م اكلت وصراحه م قدرت احبس دموعي ف بكيت براحه بدون صوت💔بعد شويه قشقشت دموعي وجيت طالعه ابوي كان ماسك ضهره ولابس الجلابيه💔قلت ليو مالك😢😓قال لي الغضروف تاني💔قلت ليو طيب م تمشي خلاص خليهو مره تانيه🤦♀️قال لي لالا بسوق امك لي السوق وهديل ح تقعد معاك😊قلت ليو جد اي شي ولا صحتك خلاص مره تانيه بعد ضهرك يبقى كويس وبعدين احتمال امي تتاخر ف السوق ف م ح تستحمل تقعد ف الكرسي كتير وم بتقدر تتحرك خليك هنا ف البيت💜قعد ف الكرسي براحه وسكت مسافه اظنه بيفكر😑قال ل هديل قومي البسي عشن ح تمشي مع امك😊هديل قالت ليو ولوتس تقعد براها!! قال ليها لا بقعد انا😊قالت ليو بس بابا م ح نلقى ركشات ولا امجاد كتيرة و كان ضربنا ل ترحال بيوقفنا بعيد😑💔حسيت ب هديل عوزة تتهرب من موضوع المشي💔معقوله انا عارض للدرجه دي🙃💔كنت عاوزة ارد ليها عشن الغي القصه ويمشو يوم تاني لانو ابوي ح يتضرر وهدييل برضو م عاوزة تمشي وامي ح تتعب💔بس ابوي سبقني وقال ل هديل قلت ليك امشي البسي بتصرف انا ف موضوع العربيه😊هديل مشت وانا مشيت بوراها وقلت ليها لو م عاوزة تمشي م مشكله امي بتمشي براها😊💔قالت لي انتي متخلفه ولا معاقه اكيد قبل م نمشي لازم نفكر عشن م نتجهجه وبسال ف ابوي عشن افهم ف مخه شنو هسي مالك بتتزعلي لي😒قلت ليها احتمال وجودي ووجود طفلي ف المستقبل ح يتقّلكم وتتعبو بوجودنا🙃💔قالت لي الكلام معاك عقيك وبعدين انا م قادره اصصدق ح ابقى خاله وولدك لمن تولديه استغني عنه ح يكون ف يدي طوالي😍وانتي كان م عاجبك الموضوع امشي اقعدي مع خالتو محاسن وخلي لي الطفل🤤😍💜قلت ليها قذره🌚😒.. بعد لبسو ابوي اتصل ع عبدو عشن اذا ف طريقه يسوق ناس امي وسمع صوت عمي كان بيتكلم معاه💔وجاهو احساس انو عبدو م حيجي وابوه ح يكون حرشه ولانو علاقه ابوي ب عمي بقت مكهربه و متوتره💔بعد شويه نسمع صوت الجرس😀وعبدو جا داخل وسلم ع ناس البيت الا انا لانو م حبيت اطلع واسلم عليو🐸💔والله الولد دا شاماه طبيعي ياخ من زمان حتى لو طريقه تصرفه اتغيرت وبقى عاقل وواعي واحسن من زمان بكتير بس م قادرة ادخل المعلومه دي ف راسي عشن اتعامل معاه عادي زي باقي البشر🌚💔امي سوت ليو شاي ومنها طلعو السوق😀...........
♡♡♡♡♡♡♡♡♡♡♡♡♡♡♡
مغمضه عيوني و م قادرة افتحها من الوجع💔اخر شي متزكراه صوت صراخ💔ي ربي اكون مت😑💔لالا طيب سامعه صوت ناس جمبي💔ولدي حي ولا مشى ل ابوه😓💔م قادرة افتح وسامعه صوت امي وتاااني معاها خالتو ميساء وصوت راجل اكيد ابوي💔تاني كان ف صوت مره اكيد عرفتها من صوتها الحنون امي التانيه محاسن💜حسيت ب يد زول ف يدي💔عوزة افتح عيوني بس البنج😑فتحتها بالعافيه ولقيت دا ابوي😀💜كان مبسوط قلت ليو ولدي وين😓قال لي ف الحضانه بعد شوية بيجيبوه😀كيف انتي حاسة بشي!! 💜قلت ليو كويسه بس عاوزة ولدي💜عاينت بشمالي لقيت امي بتبكي وجات باركت لي وخالتو ميساء ومحاسن برضو وبتها انجي💜قلت ليهم وين هديل!! قالو لي مشت الحضانه مع الدكتورة عشن تقعد مع طفلك💜بعد شويه جا مهيد شايل بوكيه ورد بالبنفسجي🤤💜وجات هديل بوراه ومعاها دكتوره شايله ولدي😭💜شلته وختيته ف حضني شكله كيووت وصغنوني ومقفل عيونه💜م قدرت احبس دموعي ف بكيت شويه😭💜هديل قالت لي هبله دي الببكي شنو😹😹قلت ليها فرحانه😭😒نهرتها ورجعت ل بكيتي😭😭😹مهيد قال لي الورود م حلوة!! قلت ليو حلوة بس ولدي احلى🤤💜ف زول قال حمدلله ع السلامه😀💜رفعت راسي وكالعادة عبدو😒دخل كيف دا والباب قافل😑احتمال كان مع هديل ومهيد وانا م ركزت🐸.. بعد شوية ابوي و عبدو ومهيد طلعو وبقينا بس نحن النسوان🙈قمت اذنت ل ولدي في اذنه اليمين ولاقامه في الشمال🙈امي قالت لي ولدك قتلتيه بالجوع😒💔قلت ليها طيب طيب🙈💜بعد مسافه دق دق دق الباب دقه🐸امي لفت فيني توب وجو داخلين عمي ومرته😑م ناقصين مصايب😒سلمو ع امي وخالاتي وطبعا امي سلمت عليهم سلام ناشف😹مرته قالت لي حمدلله ع السلامه🌚قلت لي تسلمي😑🌚قالت معليش بس والله م عارفين انك ولدتي الا ضرب لي ولدي عبدالله كلمني😀💙قلت ليها م كان تتعبوا😒🐸💔عمي قالي عارفك ي بتي شايلة مننا بس اعفي لينا والله الغلط انو نحن م ربينا رزان على الصبر بس اي شي تقول عاوزاه وبتلقا قدامها ولمن انتي عرستي ايهم الله يرحمه هي حقدت عليك بس ربنا حياخد حقك ي بتي اعفي لينا😊💔"شكلو فهم القصه وانو رزان كانت بتحب ايهم.. اكيد عبدو بيكون حكى لو وكلمه وقدر يقنعه وخلاه يجي يعتزر🚶♀️🤦♀️💔" ي سوووبهان الله انا قاعدة لي كم شهر ف البيت م حصل جو اعتزروا لي م يجو الا الليله😒💔ابتسمت ليهم بس يعني مثلا ح اقول ليهم شنو وكان قلت اي شي مف شي ح يتغير لانو ايهم مات و حيظل ميت ورزان مصيرها ف السجن وربنا بينتقم😊...
لمن عاوزين نطلع قلت ل امي حنمشي بيت خالتو محاسن💔قالت لي بيتنا مالو😒قلت ليها بليز ياخ ايهم مف عشن يبسطها ف خليني امشي انا وتقعد مع ود ولدها شويه😔💔قالت لي بعد تتمي40 يوم بوديك ليها😒قلت ليها م تنسي هي كانت بتهتم بي شديد وانا حامل وانا عاوزة ارد ليها الجميل لا اكثر😢💜قالت لي طيب🤦♀️طلعنا ع بيت خالتي محاسن كلنا😀عبدو ساق هديل وانجي للبيت عشن يجيبو لي غياراتي وحاجات طفلي🤦♀️احساس خالتو محاسن كانت مبسوووطه شديد عشن ح قعدت معاها😀💜امي وخالاتي بقو يفكرو ف اسم😑وانا عاجبني اسم اواب🤤💜بس قلت م ح اقرر الا استشير خالتي محاسن اول😀لمن كلمتها قالت لي الاسم عليك انتي لانو ح اكون انانيه لو اخترت الاسم وبعدين انتي حملتي وتعبتي وولددتيهو والولاده م هينه ي بتي و الاسم البتختاريه اما معاك💜يخ خالتي دي كل مره بتكبر ف نظري😔💜....قلت لي خالتو ميساء الاء وين؟!😓😢💔قالت لي مع نسابتها الليله ي بتي لكن بكلمها تجي💜
بعد كم يوم كدة طبعا ابوي كل يومين بيجيني لمن يكون راجع من الشغل😀وهديل مرات مرات بتجي بتقول تعبانه من الجامعه😑الاء اكيد بتجيني مع خالتو ميساء😀وامي بايته معاي عند ناس خالتي محاسن😀💜وانجي ومهيد ساكنين ف العماره فوق😀
#يتبع
#خليك_في_البيت
