يوم الاحد الساعه السابعه الا تلت 🌘🌟
صحيت من النوم ووشي قاالب.. الزهج بسوي اكتر من كدة واكعب شي تصحى بدري عشان تمشي الشغل هسي قعاد البيت مالو عيبوه لي🐸💔استحميت.. صليت.. لبست.. شربت الشاي مع الحاج والحجه.. وتوكلنا على الله إلي الكابوس المرعب💔وصلنا وكالعاده العربيه السودا بره بتاعت ايهم😏من صباح الرحمن خلط😹دخلت طوالي وسلمت ع سرورتي ودقينا الونسه...
♡♡♡♡♡♡♡♡♡♡
عند مهيد..... السلام عليكم مستر***... وعليكم السلام والرحمه اتفضل... انشاءالله بخير... قال ليو الحمدلله يا ولدي... قال ليهو انا عاوز اقدم استقالتي.. قال ليو خير ي مهيد في شي!! مهيد قال ليو لالا ياخ بس ظرووف كدة😑قال ليو بس انت زول كويس م بنقدر نتخلى عنك😑💔.. قال ليو اجبرتني الظروف🙃قال ليو كان متاكد و مُصِر على كدة الله يفتحها عليك ي ولدي دقيقه بس واجهز ليك استقالتك🍁🧡.... بعد مرور نصف ساعه... مهيد قال ليو تسلم😁رد ليو في امان الله✋☝
♡♡♡♡♡♡♡♡♡♡
قاعده كدةه و اصلا يوم الاحد شغله م بيكون كتييير المهم بعاين للحسابات بتاعت الشركه في الكمبيوتر وتاني زهجت بقيت بلعب في كشتينه ومندمجه 😑😑"دق دق دق🐸عارفين صوت شنو مف داعي اوضح كل مره🐸لكن م شنكله التكرار بيعلم الشطار داصوت الباب🐸👊💔"عدلت قعدتي وطلعت من ال Game وقلت اتفضل😁جا وليد داخل قال لي صبااحو💙قلت ليو صباح النور😑قال لي الاخبار ياخ يومين م اتلاقينا شوووق كميات🐸💔قلت ليو بطِل طلس لا شوق لا الله قال😹💔قال لي الزول كلو كلو م يحنك معاك💔😑قلت ليو بنات الشركه رااقدااات كميات بكل الاشكال والانواع م لقيت غيري🐸💔قال لي الوحيده البقدر اقعد في مكتبها براحتي 😌قلت ليو ليه اقسم بالله المدير يشوفنا بالكاميره كان يجيب اجلك 😏انا غايتو الحمدلله مصوونه و قاعده في مكتبي انت الجابك لي ششنو😌قالي لي هاا عليك الله م بيكون شغال بينا يقعد يعاين ل منو و يخلي منو 😹😹عندي فكره ظاابطه.. قلت ليو انجز.. قال لي ورح نمشي ناكل اسكريم😌قلت ليو كان ادردقت في الارض م بمشي معاك هوي انت عاوز الحاج يجيب اجلي ولا شنو وبعدين انت م بتختشي😴قال لي ياخي كلها خمسه دقايق المحل جمب الشركه هنا ولا بنتاخر زاتو وبعدين قالو ليك البيختشو ماتو زمان😹😹💔عملت رايحه غايتو ولا اشتغلت بيهو كأنو بينبح براه😹قال لي عامله لي راسك المدوقس دا كدة ياخ م تحرقي دمي😑💔قلت ليو خير وكان حصل لي شي بقول للمدير الزول دا كان عاوز يخطفني و الشكله تقع عليك انت🙃قال ظابط... طلعنا من المكتب و حنست ساره كان تمشي معاي حلفت و قسمت م بتمش المهم توكلت ع الله ومشينا انا ووليد و المحل قريب شديد مسافه طلبنا و وليد قال لي ناكله هنا سرعه ونمشي.. المهم قعدنا ودقينا الونس زي نص ساعه كدة😹 وراجعين ب رجلينا قربنا من مدخل الشركه ف عربيه وقفت 😑ي ربي دي عربيه منو بقيت متنحه وواقفه منتظره الزول ينزل😑وليد قال لي ادخلي ارح قلت ليو دقيقه بس اشوف
♡♡♡♡♡♡♡♡♡♡
طلع من المدير ومشى ودع زملائه و فِرده كدة وماشاءالله م قصرو😹اكتر شي عاجبه انو ف بنات بكو ليه عديل ياخ وفِرده بيقولو لي سويت للبنات ديل شنو عشان يتكبو فيك كدة😹قال ليهم اصلي محبوب انا كدة من الله خلقني شوفو شغلكم انتو😏😹😹بعد ربع ساعه كدة طلع منهم ودور العربيه و المسافه بعيده من الشركه الشغال فيها لي شركه عمه عوض😴💔لمن قرب شاف وشها مع ولد😑ماعنو هو محزرها بس اصلها عنيده😑حسى روحه عاوز اقوم يكفتهم الاتنين بس قال اهدى شويه.. نزل من العربيه و أمنها و سلم عليهم سلام بارد كدة ومشى على مكتب العم عوض 👣🚶🏼 بس عشان اول مره يجي للشركه اظنه راح جواها😹لاقته بت كدة حلاتها🤤قال ليها لو سمحتي وين مكتب العم عوض😑البت ودته لحدي باب المكتب وقالت ليهو اتفضل🤤شكرها ودخل واتكلم معاه شويه وبكره ببدا اجراءات التسجيل😑
♡♡♡♡♡♡♡♡♡♡
عندي.. مهيد جا وسلم علينا بس حسيته م على بعضه كدة و استاذن مننا وطوالي دخل😑صراحه شمييته شدييد😑وليد قاال لي ادخلي ارح بعد دا😹دخلت ووليد اصر الا يقعد ف مكتبي "شنو التيخ دا🐸👊" قعد يونس فيني قلت ليو ي ود امي انت م عندك كرامه بعد دا امشي من محل ما جيت 👊قال لي لالا عندي سمايه😹👊قلت ليو عبيط يلا😴و ع فكره و انت بتضحك بتكون عامل زي الارقوز😹😹👊.. الولد دا فكه ضحكه كدة لا اله الا الله صوته بيجيب الرايح بس و المشكله شكله بيضحك 😹😹بقيت بضحك فيهو وهو ماشاءالله بس ماسوره واتحلجت😹😭
بعد شويه الباب فتح..
♡♡♡♡♡♡♡♡♡♡
نتكلم بلسان مهيد: كنت بشوف ف شركه الحاج عوض اللي هي اول مره اشوفها بس بيسمع بيها 😑لاقتني البت القبيل شايله تلفونها وبتتبسم🤤ح ادردق اقسم بالله🤤عملت صوت احم احم😅💔قالت لي اهلين😅اسفه م لاحظت ليك قلت ليها ولا يهمك..قالت لي شكلك جديد ورايح 😹قلت ليها الله يفتحها عليك اصلا دا الحاصل😹اا معاكم بت اسمها لوتس هنا مكتبها ب وين! 😅عاينت لي مسافه كدة😑 وقالت لي طيب تعال اوصلك😅وصلتني و قالت لي ادخل😏ولا كضبت دخلت تووش 😹لاقاني الولد القبيل وماشاءالله اخر انبساط و هي م قصرت م فضل الا خشمها ينشرط😒
♡♡♡♡♡♡♡♡♡♡
عندي... قلت لي مهيد اتفضل و نوووورت الشركه عديييل😍😍😍قال لي اصلا بي نورها 😑"وعاين لوليد" قلت ليو اخبارك ياخ وعقبال تكون معانا هنا وتونسني شويه😹قال لي بخير واصلا م محتاجاني اونسك لانو عندك البيونسك😏"بيقول كلامه وبعاين لوليد😑للحظه شميته ياخ👊عديم الهارت دا👊" قلت ليو اقعد😅قال لي فرصه تانيه ومشى.. م الغاظني الا زفت الطين الواقفه بوره الباب ياخخخي المشكله بتاعين للزول نظرات مستفزه😑اي ياااها رزان في غيرها 👊قلت جواي بتصرف معاك ي مهيد😒👊... بعد طلع من المكتب بخطوات قلت يا رزان اقفلي الباب😏عاينت لي و م اشتغلت بالموضوع كتير و اتحركت بوره مهيد😑لا البت دي قصدها شنو!!.. وليد قال لي امم دا منو!! ققلت ليها اخوي الما جابتو امي🐸💔قال لي بجد! قلت ليو ود جيرانا واخوي من زمان صحبان😁قال لي ايوا شكلو الموضوع ضايقه اصلو هو عصبي كدة😏قلت ليو م بعرف😑قال لي طيب استاذن...
مشينا نفطر انا وساره وطبعا ادردقت لي في مهيد احيي ي وجع قلبي انا👊اتونسنا ومف موضوع جديد اصلا...
♡♡♡♡♡♡♡♡♡♡
شهووود الامتحان كيف معاك😀قالت لي هديل ظابط الحمدلله..بعد طلعو البنات كلهم من الامتحان واتلمو قعدو يتونسو سماح قالت ل شهد اها ي حفارتنا الامتحان دا بتجيبي كم😹😹قالت ليها الله يهون وبعدين منو القال حفاره😹😹هند قالت ليها سماح القالت😹👊هبه قالت ليهم بكره قاب وتجوني عشان نقرا😀شهد قالت ليهم خير ونرجع مع ماذن😉"غمزت ل هديل" هند قالت لالا نفضي ليهم المساحه احتمال عاوزين يخلطو نحن كمان نكون راقيين و م نحرمهم من بعض😹😹هديل حمرت ليهم وشالت تلفونها..سماح قالت ليهم خلو المخلوق لخالقه😹...اي زول فرتق ل بيته و هديل رجعت بالمواصلات...
♡♡♡♡♡♡♡♡♡♡♡
قالت ليهاادخلي لي الغرفه دييك مسافه اجيك😊ساقت معاها رونق و غيرت هدومها عشان تنزل الجنين😀اصلا هي م خايفه لانو دي م اول مره تنزله😊جهزت كدة والمره جات........
بعد مرور ساعتين ونصف..💙
المره قالت لي رزان حاسه بي شي!!قالت ليها لا😁المره سوت ليهم شاي وشربوه و بعد شويه جا راجل كدة شكله سكران🐸💔قال لي رزان ي حلات العسل دا🤤"جاي عليها وبترتح😹"تعالي ياخ مشتاق ليك🤤"بالله انت بتعرفها!🐸"..م اشتغلت بيه شديد لمن وصلها قعد جمبها وبلعب ب شعرها🐸غمزت ليو و قامت🙊🐸لبست عبايه"اي عبايه مالكم😹" والطرحه ف الرقبه وقالت ل رونق انا ماشة انتي جايه!!قالت لالا برجع بعدين هسي م فاضيه🤤"بت الكلب😑👊"رزان وهي طالعه الراجل ماشي ب وراها الا جات المره الستينيه مسكته عشان م يجيب الهوا😹😹
♡♡♡♡♡♡♡♡♡♡
الليله رجعنا البيت بدري قلت للحاج بمشي ل ناس الاء اتغدو انتو انا بجي قبل العشاء😁قالي لي لا نص ساعه وتجي😡قلت ليو خير ومشيت.. دقيت الباب لانو الجرس بايظ😹💔يدي لمن وجعتني.. جا فتح الباب مهيد و سلمت عليه.. اوو مهيد يا😀قال لي اهلين 😊قلت ليو اسمع م تقعد تتماسخ معاي وحات الله بكفتك😒👊قال لي اتفضلي😊"سغييييل" دخلت و سلمت ع الاء.. وخالتو كانت نايمه... مهيد جا قعد معانا وبيحمر لي قلت ليو خير😒قال لي دا منو الكنتي ماشه معاه قلت ليو صحبي😒قالل لي كمان بقوه عين! 🤨قلت ليو اي مالك ياخ لو ما ماشين في شارع الله ياخي م تكبر الموضوع 😒قال لي و كمان قاعد ف مكتبك و صوت الضحك بيقد طبله الاضان😒قلت ليو يعني يصُر لي وشه وانا اصُر ليو وشي انت بس م عندك موضوع وبتعمل من الحبه قُبه👊قال لي كويس دام انا م عندي موضوع👣مشى مننا م بعرفه طار وين .. الاء قالت لي ف شنو قلت ليو اخوك دا بيتهيأ ليهو حاجات براه ياخي وانا جني جن زول يتحكم فيني ما تسوي دا و سوي دا.. قالت لي الموضوع م جديد و من زمان بيقول ليك سوي و م تسوي هسي الجديد شنو🐸قلت ليها م بعرف بس بكرهه الحركه دي✋😒.... اذان المغررب اذن ودعت الاء و جيت طالعه فتحت باب الشارع و شايفه بتاع الدكان صحبي😆مفحط برجليه قلت ليو وين ياخ براحه كتحتنا بالتراب😹😹قال لي ماشي الحق اصلي المغرب مع الجماعه😹😹قلت ليو م اتعرفنا على الايمان لكن😹😹"
كنت متلفته ب شمالي وبتكلم معاه لمن اتلفت باليمين لقيت مهيد قاعد وبيحمر لي" قال لي لا خليتي اولاد الشركه لا بتاعين الدكاكين 🤨😒قلت ليو "ببرود" وانت مالك معصب!! 🐸قال لي بيتكم قصادك اهندا امشي بسرعه قبل م يجي ولد تاني و تكوركي ليهو ف نص الشارع😒"ابو الزفت" قلت ليو ابيت شفت قاعده ف المسطبه هنا😒قعدت وخلفت رجل على رجل.. هو قام بكل بساطه ودخل بيتهم🐸👊قلت ل روحي عديم الهارت دا م عندي فيهو شغله ولا هو عنده فيني شغله😒👊
💜لا تسمح لحد أن يعاملك بمزاجه المتقلب إما ان يعاملك بما يليق بك أو دعه لمن يليق به☺️👌🏼💜
رجعت بيتنا وسلمت علي الحجه وهديل وسالتها من الامتحان قالت ظابط😀غيرت هدومي وصليت وبعدها اتغديت😋مشيت ارتحت شويه كدة... اذان العشاء كدة لقيت هديل ف السرير التاني بتقرا.. طلعت اشرب لي مويه.. الحاج كان بيقرا ليو ف جريده وبشرب ف شاي🐸شربت وانا راجعه ناداني😟خيير ي رب.. قعدت جمبه وقاال لي قبيل كنتي وين!! قلت ليو بتين.. قال لي في الشركه قبيل مشيتي وين😑"فكرت كدة قلت احسن اكون واضحه و ما اكذب لانو حبل الكذب قصير💔"قلت ليو بالواضح الصريح كدة مشيت مع وليد ل محل بتاع ايسكريم 😟قال لي امم واستأذنتي!! 🤨قلت ليو لا عشان المحل قريب و م ح نتاخر💔.. قالي ماشاءالله عليك الحاله انا وصيتك😠قلت ليو دااد اسفه☹️قال لي لا بتطلعي كمان مع اولاد م بتعرفيهم هسي العرفك شنو الولد دا كويس ولا ولا ومعناها دي م اول مره تطلعي مع اولاد شكلك متعوده معقوله دي انتي بتي البفتخر الانا بيها!!😠😠قلت ليو اسسفه تاني م ح اكررها☹️💔جدع الجريده ف الكنبه ومشى ع غرفته☹️احترت عديل...مشيت رقدت ف السرير وفتحت التلفون و عدم الموضوع مشكله غايتو🐸عاينت ل هديل لقيتها متكله على الحيطه و شكلها نايمه ومُريله🤤😹😹😹احلام جميله ي بيبي مشيت ختيت راسها ف المخده عشان ترقد كويس😌الاخوات نعمه😌☝قفلت اللمبه ونمت👋
#يتبع
#خليك_في_البيت
