مشينا شارع النيل اتمشينا شويه و مهيد اشترى تسالي قلت ليو مهيد خلي عندك زوق ادييني معاك😑اداني وحده شلتها اكلتها قلت ليو جيب تاني😑قال لي كله نفس الطعم🐸💔قلت ليو سغيل م عاوزه😒قعد يضحك وانا اتغظت منه قال لي طيب اسف هاك قلت ليو عندي كرامه😒قال لي كرامه ولاده؟! 🙊قلت ليو منحرف يلا😒ختفت كيس التسالي وبقيت اكل قال لي احكي💙حكيت ليو بالحصل ف الشركه قال لي م تزعلي وبت عمتك بس خليها لي الله م تعملو مشاكل بين الاهل😑قلت ليو لا ح اندمها✋قال لي اممم م لي صالحكم بعدين قلت ليو م همي بس ح اخد حقي... اثناء ماشين لاقيت رزان 😳رزان زاتها بشحمها ولحمها بنفس لبس الشركه الجات بيهو الليله و قاعده قصاد ولد!! بس م شايفاه لانو مديني ظهره دنقرت راسي عشان م تشوفني و مشيت سرعه سرعه لحسن الحظ كانت شايله التلفون ومنتبهه فيهو😪مهيد قال لي مالك فجأه كدة مشيتي بسرعه😹😹قلت البت جنت😹😹قلت ليو هاها ظريف شديد😑👊صراحه كان نفسي اشوف انها قاعده مع منو و نفسي اشوف الولد مشيت خطوه خطوتين و تاني وقفت مهيد قال لي يلا مالك!! قبلته ب ورا بس كان مدنقر بقيت واقفه بس منتظراه يرفع راسه 😑😑.. مهيد جراني من يدي قال لي ح تاخرينا🐸مشيت معاه وتاني اتلفت لمن بعاين ليهو قام هو رفع راسه و عينو وقعت ف عيني😳😳خمنو بس منو لالا م بصدق طوالي اتلفت قدامي وبقيت ماشه ب سرعه ولسه مهيد ماسكني من معصم يدي... اللحظه ديك بس ماسكه قلبي.. قلت لا اظني بتوهم تاني اتلفت لقيته لسه بيعاين لي😑شكلو م اتزكرني كوييس 💔قبلت و قلت ل مهيد خلينا نرجع البيت قال لي تمام قربنا للعربيه... ركبنا و بقيت سرحاننه بالشباك و مرينا بالعربيه عليهم و عاينت ليهو جووة عينه وهو لسه متابعنا بعينه الا رزان لكزته💔
♡♡♡♡♡♡♡♡♡♡
هيي حبيبي مالك😑قال ليها معاك معاك😊قالت ليهو شكلك سرحان 😑قال ليها لالا بس لفتني شي وانتي من قبيل شايله التلفون مهمشاني😑قالت لليو لا حبيبي م كدة بس شكلك مضايق و كدة قلت اخليك براحتك شويه قال ليها بس انتي راحتي💙الله لا يعدمنا منك حبيبي💙مسك يدها وقال ليها ارح نتمشى شويه... قالت ليو طيب حبيبي يلا بس بعداك نمشي نشتري ايسكريم عشان نفسي فيهو😍😋💙قال ليها كمان نمشي احلى مكان لو علي عيوني اديك ليها💙💙💙اتمشو شويه وبعداك مشو اوزون "OZone"
♡♡♡♡♡♡♡♡♡♡
اثناء م نحن ماشين مهيد قال لي الليله مالك م متعود عليك هاديه كدة😹😹قلت ليو مهيد والله م عندي نفس اهظر خليني ف حالي 😩قال لي اعزمك ف حته؟! قلت ليو لا وديني البيت ولا اقول ليك ماشه لي الاء.. قال لي طيب.. وصلنا البيت دخلت معاه سلمت ع خالتو ميساء ومشيت ل الاء ف الغرفه لقيتها بتلعب باللابتوب عاينت لي و قالت لي حموووودي الشوووق🐸قلت ليها بطلي كضب امس كنت معاك🐸قالت لي اسفه جدا😒👊قعدنا نتونس و اكيد جبت ليها سيره رزان و عمايلها قالت لي دي مالها ياخ نفسي اعرف مشكلتها شنو غيره ولا حساده ولا عندها نفسيات🐸قلت ليها هي زاتها حيوانه ياخ😟 قالت لي حتى لو هي حيوان طيب ما كان تكون حيوان اليف بدل متوحش😹😹😹قلت ليها الليله شفت حبيبها و م قادرة اصدق قالت لي اها😉اكيد جكس طبي يلا ادرعيها😹😹قلت ليها ياخي واحد حلبي ماشاءالله لونو يخلوهو ليو و جسمه رياضي وبالوواضح كدة فيهو كل المواصفات البيحلمو بيها البنات 🐸💔قالت لي ايوااا خلاص نشلبه😏قلت ليها يع لا م بحب الشلب لكن لمن شفته انخلعت حتى هو بقى مبحلق م بعرفه اتزكرني ولالا قالت لي انتي بالله بتعرفيه؟! قلت ليها اي ياخي شفته ف الجامعه لمن مشيت مع هديل 😁قالت لي وهو شافك قلت ليها يب يب لمن كنت ف المحاضره والتلفون دقه هو طردني😹😹😹قالت لي اششي دكتور يعني 🐸 قلت ليها اي تصدقي بسس ومعناها نفس العربيه الكانت قدام الشركه اليوم دااك دي عربيته هسي اتزكرت😑💔قالت لي انا عاوزة اشتغل عشان اشوف لي واحد كسار و اعرسه🐸🤤قلت ليها خلينا من دا انا عاوزه اخد حقي منها بس عاوزاها تندم بطريقه م تخليها تشك فيني😑قالت لي خلي لي الحاجه دي انا😏بس جمعي لي معلومات عنها يعني بتحب شنو بتكره شنو نقطه ضعفها بتخاف من شنو كدة😑قلت ليها اكيد بتحب روحها اهم شي عندها البرستيج وعامله زي حلاوه المولد كل يوم ب لون وشكل😹😹بتخاف من الحشرات و الحيوانات ماعنو هي في حد زاتها حيوان 🐸قالت لي ظابط طيب عيدميلادها بتين! قلت ليها م متاكده بشوفه ليك!! بس ليه قالت لي ح نعمل فيها الخطه في يومها المميز دا😏😏قلت ليها اي فكري فكره جهنميه كدة واهم شي يكون ياذي برستيجها قدام الناس 😹👊قالت لي تمام اديني كم يوم و بظبطها ليك😏الحاج اتصصل قال لي انتي وين ي بت قلت ليو عند خالتو ميساء قال لي ااممم صادقه معاي؟!! 😑قلت ليو م مصدقني يعني دقيقه اديك تكلم الاء ولا اقول ليك خالتو ميساء قريبه دقيقه اديك ليها🐸قمت اشوف خالتو وين قال لي لالا انتي جنيتي امك بتقتلني 😹😹على كل حال ارجعي البيت كفاك يلا باي🐸قفل والله ضحكت فيهو ما قلت ليكم الحجه دي عامله لينا رعب في البيت🐸حتى ابوي بيخاف منها😹🐸
رجعت البيت و الحاج كالعاده زلاني لكن عملت روحي زعلانه عشان شاكلني ف المكتب😏قال لي لووتس تعاالي مالك ياخ😟قبلت وشي منو و مشيت تووش دخلت الغرفه ولقيت هديل ماف شكلها ف الحمام.. الحاج دخل لقاني سرحانه قال لي اسف عشان شاكلتك ف الشركه بس انا المسؤول ومفروض اكون صارم و عارف انك م عندك ذنب بس حقك علي💙قلت ليو انت عارفني بكره عمي و بته طيب ليه بتدخلي ف زقاقات ضيقه زي دي😑قال لي بس انتي م تشتغلي بيهم و هم م يسألوك وانتي جايه عشان شغل و بسس صح!!قلت ليهو فعلا بس هي مخصوصا سوتها بالشاي عشان انت توقعها فيني💔قال لي لا م تفكري كدا خلاص حصل خير م تتعبي راسك واي شي الا زعلك وقبيل م رفضت ليك فكره تطلعي مع مهيد عشان كنت عارفك زهجانه😑قلت ليو خلاص طيب انت امش نوم تصبح على خير وانا بغير هدومي وطوالي بنوم الساعه ٩ جات وبكره ح نصحى بدري😊قال لي الله يرضى عليك💙...غيرت هدومي ورقدت جاني اتصال اثناء ما بصلي...خلصت وقلت اشوف مين الاتصل لقيت القلب بتاعتي هيام"اختي المتزوجه في السعوديه"🐸رجعت ليها بالواتس ردت لي في اول رنه🐸قلت ليها اتجلي شويه ي بت قالت لي م عاوزه اعاقه ليكم فتره م اتصلتو💔 قلت ليها وحاتك الشووف ببحر بس 💙قالت لي الاخبار😉هنااي كيف😉😉قلت ليها اتكلمي دون الغاز😏🙂قالت لي قصدي ابوي وامي😹😹😹😹قلت ليها كوويسسين م عندهم اي عوجه😹😹"هدييل جات داخله وقالت" انا ماف زول بسأل عني قلت ليها ماف واقفلي الباب معاك😹😹هيام قالت لي المهترشه جات! 😹😹😹هديل قالت ليها ف عينك 😒بقينا بنتونس كدة وهديل معانا قامت قالت لي جااده يااخ هناي كيف😏قلت ليها هناي منو بالظبط🐸قالت لي ي هطله مهيد 😏👊قلت ليهاا كوويس الحمدلله وقال لي جاي يشتغل معانا و م وريتك اشتغلت مع ابوي ف الشركه🐸💔قالت لي اصلو م بصدق عجبني ليك وهناي دا م عجبته الشركه الا لمن انتي اشتغلتي فيها😹😹قلت ليها مالو اي🐸قالت لي ان شاءالله يعرسك🐸👊
هيام حيوانه فاهمه غلط و شنو انو نحن مربطين و م مكلمنهم بس دا م في الواقع😹😹....قفلت واندمست نمت
.............
من جانب رزان وايهم....
منتصف الليل الساعه ٢:٣٠ الوقت دا ناس نايمين😴😴 و ناس بيتحشو واقفين جمب التلاجه😹😹وناس بيقيمو الليل 😇😇الا ناس كدة فاضيين وعدييمين الموضوع مربطين و بيتونسو مع بعض زي جوز اللوز ديل😹😹الله يدينا ويديكم بالحلال لكن😹😹👊"اميين كبييره🐸"
أيهم:حببيبي انا عاوز اجي اهلك باسرع وقت💙رزان قالت ليو لا اصبر شويه و كل شي بتظبط حبيبي و م تخاف اصلا ح نكون ل بعض💙قال ليها اممم بتين طيب اجي انا جاهز💔رزان قالت ليهو "بتوتر"اا اجل الموضوع شوييه😰قال ليها تمام بحبك نومي بعد دا عشان بكره بتصحي بدري💙💙قالت ليو تمام تصبح على خير💙قال ليها وانتي من اهلي يلا💙
.............
تاني يوم صحيت بدري و مشينا انا والحاج الشركه بس كنت قالبه وشي عشان الحاج يصالحني😹😹اتفقنا انو يجيب لي شكلاتات ونوتيلا عشان الزعله ترووح🙈ابو السروور عاد😹😹كالعاده نزلت وكلمت ساره ب انو انا و الاء ح نعمل خطه لي رزان وهي حنستني عشان نفسها تشوف الاء الكل مره بقعد اتكلم عنها دي😹😹اثناء م فاتحه الكمبيوتر جا زول دقه الباب..قلت ليو اتفضل😌😌جا وليد دخل و ناولني ورق قال لي راجعيهم ووقعيهم😊قلت ليو تمام..ختيته على جنب و رجعت للكمبيوتر وهو قعد ف الكرسي..قلت ليهو عاوز الورق جاهز هسي!!🙄قال لي لا يعني طردتيني عديل م اقعد😹😹وضحك ضحكه خفيفه كدة و الوجنات ظهرت بسم الله ماشاءالله🙈قلت اتجل شويه عشان م انبرش شديد غضيت بصري و قلت ليو حبابك عشره😊قال لي اعزميني شاي🐸قلت ليو ظابط بعدين بعد نفطر والحساب عليك😹😹قال لي كدة عزمتك يعني م عزمتيني🐸💔قلت ليو اشتغلت جديد ولسه في مرحله الفلس و ح اخد الراتب بعد شهر😌لو حابي انتظر الشهر الجاي وبعزمك😹😹قال لي لالا الليله و نتعرف ع بعض😌قلت ليو حاسي ب شنو اصلا انا شاماك يعني كدة بالواضح م بهضمك 🐸قال لي ليه بس!! قلت ليو عشان حضرت سيادتك المره الفاتت كنت لئيم🙂قال لي اسف بس كنت زهجان وكدة اليوم داك كان قافل معاي😑💔قلت ليو تمام المره الجايه كان اتلائمت معاي بس اقطع وشك مني🐸👊قال لي تمام😹استأذنك نتلاقى بعدين😊قلت ليو ظابط🐸قال لي م تقولي ظابط دي بتاعت اولاد م جايه معاك😅"وطلع" ..احيي خجلني عدييل لو هو عارف بيقولو لي حمودي كان جاته جلطه😹😹🙊
♡♡♡♡♡♡♡♡♡♡
رزان: الو رونق.... ردت.. رزان الحب وينك ياخ💙قالت ليها ماا تمام ياخ😰رونق قالت ليها ليه خير!! رزان قالت ليها اتخيلي ايهم قال جاي يطلبني من اهلي😑💔رونق قالت ليها مبررووووك ياخ ود حلال اقسم بالله امك دااعيه ليييك ي زوله💙قالت ليها لا ي هبله طيب نفتكر وافقت اها الفي بطني اوديو وين🐸💔قالت ليها دا حق وائل ولا شنو🙊💔قلت ليها اي فحصت الاسبوع الفات طلعت حامل وفي الشهر التاني اها والحل!!💔رونق قالت ليها البيبي القبله نزلتيه عند منو!؟رزان ردت ليها عند مره كدة كنت طوالي بمشي ليها بس هي سافرت غايتو جمعت القروش بالشغل دا و سافرت الله فتحها عليها بعد الشغل النجس البتسويهو دا🐸وانا كل مره الدنيا تقفل لي ابوابها💔و م بعرف سمعت انها مااتت م بعرف انتحرت ولا شي بالشكل دا😰رونق قالت ليها طيب بشوف ليك مره تنزلو ليك وبعدين المره ديك ماتت وحده سممتها م انتحرت للمعلوميه😹😹"ح نعرف القصه ف بارت تاني"قالت ليها اي باسرع وقت لازم انزل الجنين قبل م يشك فيني بموت كان انكشفت ماعنو م بحبه وبس ضياع زمن معاه😭💔"في الاثناء دي الباب فتح و رزان ارتبكت قالت لي رونق اسمعي برجع ليك بعدين😰"
♡♡♡♡♡♡♡♡♡♡
بعد خلصت الورق الاداني ليهو وليد مشيت ليو ف الممكتب قلت ليهو هاك اديي الورق للمدير🐸قال لي ما تمشي ليهو انتي هو زاتو ابوك😹😹قلت ليو لالا متشاكله معاه و عامله زعلانه لحدي بعدين كدة الزعله بتفك😹😹😹قال لي الله يعين ابوك😹😹طيب اديهو لي رزان لانو والله انا هسي شغال😑💔قلت ليو امم ظابط😑طلعت لي رزان دايره ادخل بس سامعاها ببتتكلم مع زول..هي عاوزه تنزل شي بس هو شنو ي ربي بقيت بتصنت فيها الشمار حارقني ياخ😹😹قالو ليكم الشمار قتل الحمار جمب سوق الخدار🐸💔تاني سمعتها قالت عاوزه تنزل الجنين باسرع وقت قبل م يشك فيها!! كيف يعني...بقى مخي جايط قلت معقوله تكون حامل😲هوي والله ولا انخلعت😹😹 اصلا دي رزان متوقعه انو تسويها😹😹تاني قلت معقوله عاوزه تغش ايهم ولا اصلا الجنين دا من ايهم و ما عاوزه توريه انها حامل😳💔المخ جاط قلت اكيد البت دي م ناويه ل شي تمام..فتحت الباب عشان اشوفها بتتكلم مع منو لقيتها ماسكه التلفون و قفلت من البت الاسمها رونق😑😑معناها صحبتها ف الفساد اسمها رونق احتمال يكونو الاتنين حاملين غايتو رزان دي متوقعه منها اكعب من كدة كمان😹😹😹
هي انخلعت لمن شافتني وقفلت الخط طوالي جيت جمبها عملت روحي م سمعتها قالت شنو؟!! وكنت بارده معاها و ختيت ليها الاوراق ف الدرج بتاعها قالت لي في شي اسمو باب و بدقوهو😡قلت ليها بدقوهو بصوت عنج ولا بالشبشب🐸💔وبعدين تتزكري لمن جيتيني اول يوم ودخلتي تووشك يلا كان الزمن داك في حاجه اسمها باب م اظن اي زول بيعرف يتعامل معاه بسبب الجهل و زي م قالو ليك الجهل مصيبه ف انتي هسي بحد زاتك مصيبه و انا عارفه انو صعب تتعاملي مع الحاجات دي ف شنو ي بيبي كبري عقلك و الورق دا توصليهو للمدير هسي يلا تشاو😊😹😹راسها بقى بطلع بوووخ الله يستر عليها 😹😹غايتو بقيت زي الصاروخ طلعت من مكتبها عشان م تفك القنابل الصوتيه في راسي😹😹مشيت المكتب بقيت بتزكر في كلامها يعني هي بكل الطرق كدة حامل وثبت كمان🐸بس معقوله يكون من ايهم 🐸اي هم مربطين بس شكله م بيوحي انه منحرف طيب نخت احتمال تاني البيبي دا من زول تاني بس ايهم ي ربي عارف😑لو عارف امكن يقطع علاقته معاها😏تاني زحيت الافكار من راسي قلت احتمال م شفتها ف وضع كعب بس الله شافها و م عندي دليل عشان اثبت بانها حامل واذا الله عاوز يسترها بيسترها ف انا غايتو بره الموضوع دا 😴بقيت بطرد الشيطان من راسي لانو جاتني افكار خبيثه 😹😹
♡♡♡♡♡♡♡♡♡♡
هديل:بما انو الليله الخميس والاحد الامتحانات ح تبدو المخطط من بكره يعني ولا كيف...شهد قالت ليها اي من بكره ح تجوني في بيتي فاهمين الساعه ٧ تكونو معااي😑تلفوناتكم بختها ف خزنه حبوبه عشان مف وحدة حرااميه تممشي تشيل تلفونها تحت تحت😹😹😹سماح قالت ليها لا النبي زحينا من الحبوبات ديل بعييد😹😹هبه قالت ليهم ي جماعه الا التلفونات بليز😑💔هند لا بليز لا ابليس ي زوله انا مع شهد واي وحده تفتح خشمها في موضوع بره عن القرايه ام دلدوم ف ضهرها بس تموتي ولا تجيك جلطه م عندنا شغله😒هديل قالت ليهم كان بقى فيها قتل من بيتي م بطلع😹😹😹شهد قالت ليهم ي جماعه سيريسلي كدة انتو فااشلات و ام الفشله زاتو و الفشل اتبرى منكم🐸👊سماح قالت طيب خليكم جادين وبطلو عباطه بكره الجمعه في بيت شهد وباقي الايام الله كريم بنحددها وفي الموعد بلاي م تقولو لينا حنككم القديم داك😒هبه قالت ليهم تماام غايتو بعد دا كله ان شاءالله نشتغل كويس😹شهد قالت ليها اذا كنتي جاده بتشتغلي كويس😒....
♡♡♡♡♡♡♡♡♡♡
الساعه ١٠ ونص مشت للطقه لاقيت ساره وقعدنا قلت ليها وليد جاي بعد شويه😹😹قالت لي كذاابه واي بتعرفي من وين انتي اسبوع م كملتيهو معانا🐸😃قلت ليها سر المهنه ي بيبي😎"وليد جا من بعيد واشرت ليو و جا قعد قصادنا انا وساره " قلت ليو يا مرحبا يا مرحبا نورك طغى عالكهربا🐸👊قاال لي شكرا عارف🐸👊"سغيل كيف🐸👊" قلت ليو اها ح تعزمنا الشاي؟!🐸قال لي اصبري خلي الاكل ينهضم😹😹ساره قالت لي شفقانه دي🐸👊ابتسمت ليها ابتسامه عديم وششك🐸👊الناس ديل مالم معاي👊قلت ل وليد طبيعي انا بشمك م تخليني اشمك زياده😒👊قال لي ليه انتي بتشميني؟!💔 قلت ليو عشان انت بتتشم🐸👊"وتم قصف الجببهه😹😹" قال لي عشان حركااتك دي مف شاي قلت ليو تقول شاي الجنه خلاص و ميته عليهو😒👊قال لي انتي رباطابيه الكلام ف طرف خشمك؟! 😹😹"بدون عنصريه كدة الرباطابين احلى ناس💙" قلت ليو يربط خشمك ويعوجو ليك😒وليد قال لي ساره عليك الله لمي البت دي لانو يا كتلتني يا كتلتها👊قالت ليو بري لي كم يوم معاها جابت لي فشل كلوي🐸💔....بعد قصف الجبهات المتبادل زولكم قام جاب الشاي والمشكله مستخسرو فينا💔🐸بعداك استاذن واي زول مشى لي شغله و م كلمت ساره بالكلام السمعتو بتاع رزان عشان الموضوع م ينتشر في الشركه وتبقى سمعه...
#الوان_مزيفه
#يتبع
#خليك_في_البيت
