💜 يكُون الإنسَانُ غَرِيبَاً عندما يَكُون جَسَدهُ في مَكَان، ورُوحُهُ في مَكَان آخر💜
قاعدة معاه في كافيه عادي جدا وقال لي طيب ي لوتس عاوزك توريني اي شي عن رزان🙂قلت ليو لييش انت حبيبها معقوله بتعرفها اكتر مني!! 😴قال لي اكيد عارف بس عاوز اعرف اكتر🙂💔قلت ليو والله م عارفه م قاعدة احتك بيها كتير وبعدين مستحيل نتلمى مع بعض مهما كان او يكون مستحيل نتفق في شي حتى هي بت عمي بس مف شي يربطنا غير الدم🙂💜قال لي طيب السبب البخليك م تطيقيها شنو!! 🙂ضحكت ليو براحه وخجل🤦♀️ضحكه البنات ديك😹قلت ليو م كدة بس هي بتشوف روحها اكتر من الازم و انا م محتاجه ابرر ليك بس ليه الاسالة دي🙂قال لي اسف بس مجرد اساله عوز اعرف ليه م بيتطيقيها او تبعدي منها في شي فيها غلط"طبعا ابننا عاوز يعمل روحه حريف ويعرف اذ هي من زمان بت كويسه او لا🌚" بقيت ساكته مسافه وقلت وانا اعرف من وين اذ انا اصلا م بقعد معاها كتير وبس بنتلاقى في الشركه وحتى سلام الله م بنقوله ل بعض فشنو شوف بت صحبتها واساله الاساله دي لانو لا انا بعرفها كويس لا هي بتعرفني كويس😴.. ايهم قال طيب اسف😅💔قلت ليو طييب اذ انت بتحبها لييه م بتمشي وتسالها الاسالة دي وتثق فيها بدل تسالني انا🙂ابتسم لي ابتسامه باهته وقاال لي طيب م اعذبك معاي و ي بت الناس امشي بيتك بعد دا تحبي اوصلك!! قلت ليو لا شكرا بمشي براي😁... بعد طلعت ياخي اتغظت غيظ هسي جايبني من البيت عشن موضوع سخيف زي دا وبعدين انا شن عرفني ياخي🙂مشيت لي هديل قلت ليها شاطرة اهو مشيت وطلع واحد عديم موووضوع و ي ريت لو م سمعت كلامك😒... بسبب هديل الحيوانه انا مشيت ل ايهم بس هديل الدخلها شنو😴💔طيب... نرجع تلاته ايام لوره... هديل ماشة ف الجامعه وطالعه خلااص وروحها مارقه وكل ثانيه تتزكر مازن تحس بروحها مخنوقه ماعنو حاول يتصل ليها كتييير بس حظرته وحتى لمن يجيها برقم غريب كانت بتقفل في وشه وتحظره تاني ولمن يجي الجامعه م بتتكلم معاه وكمان بتهدده انه تكلم الحرس ويطردوه🙂ماشة وسرحانه لفتها صوت ايهم "دكتورهم البيرعب الجامعه كلها😹" لفتت ليهو وبقت ساكته لانها مستغربه كيف يكورك ليها وهو اصلا م بيرفع عينه عشن يعاين ل بت🙂قال ليها اسف بس عندي كلمتين😴💔قالت ليو اتفضل🙂قال ليها عندك اخت صح على ما اعتقد!! قالت ليو ايوة قصدك ياتو وحدة!! قال ليها شغاله ف شركه.. 😑قالت ليه لووتس!!!! قال ليها ايواا بس اااء عندي موضوع بس عاوز اتكلم معاها اذ تقدري تكلميها لي و م تخافي بي موضوع صغير بخصوص شي وبتجيكم بس مضطر والله😁استغرربت من طلبه وواقفه متحيره تقول ليو شنو.. قال ليها طيب عشن م اأخرك بس كلميها لي اذا وافقت اوكيه ممكن نتلاقى واذا رفضت عادي م مهم🙂"مستفز😑💔.. "هزت ليهو راسها على اساس وافقت وكدة واتحركت منه ولمن وصلت البيت بقت ماسكه رقبتي" رقبتي انا انا لوتتس لوتس انا تمام😹😹"وتنطط ومخها مشى بعيد قالت لي عاوز يعرسك وامشي ليو و م ادراك بس ف البدايه كنت رافضه ولمن هدييل قدت اضاني وافقت بس عشن اسكت الكلب البينبح دا🌚💔... that is all😁...
♡♡♡♡♡♡♡♡♡♡♡♡
في الصباح... ايهم صحى من النوم😴مشى اخد دش وقعد جمب امه قالت ليهو الليله م ماشي الجامعه ي دكتور🌚💜قال ليها بعد ساعه ومنها بمشي للمستشفى زي الساعه ٥ونص كدة😴💜قالت ليو ربنا يفتحها عليك اها امس عرس اخت صحبك كيف🌚💜قال ليها اااه كويس بس هو م صحبي شدييد بعرفه من الاساس زمان لكن بس كان لقيته بالصدفه وعزمني العرس😴قالت ليو على الاقل غيرت جو احسن من تقعد زهجان كدة كدي وريني ي ولدي مالك!! 🙂قال ليها ماف شي يمه💜البت دي الليله م ماشة الجامعه!! قالت ليو بتمشي بعد شويه عليك الله وصلها انت عارفها جامعتها بعيدة وبتقيف مكان المواصلات كتير لمن تدوخ💔قال ليها بحاول ي امي لكن سكتها م نفس سكتي ح اتاخر لكن الليله يوديها💜💜مشى عليها ف الغرفه وامه في المسافات دي مشت تسوي ليهم الشاي.. دق الباب وكالعادة لقاها فاتحه اغاني وكانت بتلف ف الطرحه وبتاعين ف المرايه😴💜ايهم قال ليها عسسل والله مف داعي تعايني كتير ارح عشن نمشي😹😹قالت ليو صباح النور😒بتين صحيت زاتو😒قال ليها قفلي الغنيه دي ياخ من الصباح طوالي اغاني طيب افتحي اغاني زي الناس ديل شنو الم عندهم عيون ديل بياكلو صراصير و قرف كدة😴💔اقرب شي المخدة طوالي امسك فنته ف وشه وقالت ليو برره ي حيوان😒"هيترز اكرهكم😒💔تحيه لكل زول ارمي.. اكسوال.. ايكونك.. بلينك.. موا.. ستاي.. ولكل محبي الكيبوب😹😹"بعد شويه شربو الشاي و ايهم وصل اخته للجامعه ومنها مشى الجامعه الشغال فيها... "
♡♡♡♡♡♡♡♡♡♡
بعد جيت من الشغل حاسه ب دووشه والجو مسخن بطريقه م عادي💔بتنفس بالرجاله وبشفط الهوا ب خشمي و نخرتي م مقصره البيشوفني بيقول سمكه بس😹💔🤦♀️والله بعد دا كله حاسه بضيق نفس رقدت ف السرير وتاني اتزكرت البخاخ قلت افتشه م عارفاه وين🤦♀️كله بسبب هيام لمن جات وشفعها القليلين الادب ديل غطسو لي بخاخي🤦♀️في درح جمب السرير فتحته وتاوقت لقيته ماف🤦♀️غمضت عيوني لانو راسي لافي خلااص💔حاولت اكورك ل هديل بس م فيني حيل💔الموضوع فاض بي بقيت بقحقح😰😰باعلى صوت على امل ادخل لي اوكسجينايه وحدة وبامل زول بره يسمعني كمان😰😰بحاول اقح واقيف شويه واخد هوا بس م نفع شي😰😰💔رجعت سرير وراسي لافي واششفط في الهوا😰😰😰💔بعد شويه اسر ود هيام جا داخل عاين لي🙃حاولت اتكلم معاه قلت ليو اااسسر نادي لي اي زول 😰😰😰💔قال لي ابيت وقففل الباب💔😰للحظه عاوزة اشوف الموت بعيوني ياخخ قمت من السرير ع امل اوصل باب الغرفه😰😰رفعت راسي ووقفت على الارض ومنها تاني م حسيت ب شي💔......... 💔
♡♡♡♡♡♡♡♡♡♡
في جانب تاني واقفين الاتنين بيتشاكلو زي كل مره وماعنو الموضوع ليو شهر وشويه بس الحمدلله🤦♀️... قال ليها اسسممعي هووووي ي مره دي بتك وبسببك حصل ليها دا كله وكان زول عرف سمعتنا بتنتهي وانتي عااارفه كلام الناس والله انتي وبتك حريين تتصرفو بس البت دي تتصرفي تحيبي ليها عريس يعرسها وننتهي من الفوضى دي😡قالت ليو اسممع دي م بتي براي بتك وبتي والغلط دا بسببك انت مدلعهااا.. سكتها قال ليها ي مرره انتي م شايفه شغلك في البيت بتك دي وعييها م تجي تجدعي اللوم علي دي مشكلتك اانتي و دي من الاساس مهمتك انك تقعدي وتشوفي بتك م مهمتي مهمتي انا اشتغل في الشاارع و م تنقي لي في راسي شوفي للبت دي عريس ولمن تلقي كلميني والمازون طوالي😡😡😡قالت ليو بتي وبعرس ليها البيستاهلها م ممكن نعرس ليها اي واحد من الشارع😡😡🤨قال ليها واالله من الشارع ولا من سقط لقط ولا تتطلعي من ساابع ارض م شي يخصني عندك مييه صحبه بتمشي ليهم كل يوم و التاني غالبك تشوفي ليك ولد من صحباتك ديل وتعرسي لي البت دي وولمره الالف م عندي شغله كان بتك انفضحت والله متبري منكم كلمتي وحده وقلتها😡✋طلع من الغرفه وقفل الباب شديد وزهجان... بقت وااققه وماسكه رااسها في الورطه دي وبعدين هي السبب كمان لانو نص كلامه صح م كلله صح🙃اي نعم هي عليها التربيه و تقعد مع بتها وتفهمها لكن دا م يعني انو الغلط فيهاا بس الغلط فيهم الاتنين لانو اكيد م ح يكون الراجل دا قاعد في الشغل ٢٤ ساعه لدرجه ما يتفرع لبته ولو ثانيه عشن يقعد معاها🙃دقيقه بس انتو قايلين التربيه دي بس يعني تجيب بتك توريها الصح من الغلط وعلى الدنيا السلام🙃💔لا ي حبيب هه قصه انك انت الراجل دا م يعني انك ما تقعد مع بتك او ولدك وتتونس معاها وتخليها تفضفض ليك او ولدك يحكي ليك بيومه.. بالعكس كدة بتقوي العلاقات بينكم.. بس مفهوم الناس انو الراجل هو البيقيف في الشارع ويتعب عشن يجيب حق العيش وبكدة انجز مهمته وتاني يوم برضو على الشغل طيب بس وفر ليك ٥ دقايق واقعد مع بتك ولا ولدك حاول تفهم في مخه شنو لانهم اكيد بيكونو محتاجين ليك زي ما محتاجين لي امهم🙃✋......
♡♡♡♡♡♡♡♡♡♡
صحيت او شبه صاحيه وحاسه ب زول بيضرب في وشي براحه بس شايفه طشاش💔على ما اعتقد امي او اقصد الحجه😅وكانت خاته لي البخاخ ف خشمي💔حاسه ب حركه كدة امي قالت لي بعد شويه بنوصل المستشفى اصبري💔بالله وانا اقول جسمي مالو بتخجى!! 😅هزيت راسي والبخاخ ما ساوي لي اي شي احتمال عشن العربيه مقفلين الشبابيك💔🙃قلت ل امي براحه كدة الشبابيك.. 💔طوالي فتحو الشبابيك والحاج قال لي خلاص وصلنا💔طلعت من العربيه وماسك في يد الحاج وبجرجر في رجليني والحجه ماسكاني من يدي التانيه وهديل ماشة ب ورانا🌚💔هيام حارسه البيت ومستحيل تخلي شفعها ولا تجيبهم المستشفى😹💔مشيت وادوني اكسجين ويااع بقرف من الجهاز دا سوو مضطره بقيت قاعدة وخاته راسي في كتف الحاج ماسكه روحي بالعافيه💔بعد خلصت كدة والاجراءات خلصت المهم طالعين حاسة ب راسي لافي قلت للحاج خلينا نقعد في الكراسي هنا حبى😰طوالي قعدنا وقعدت جمبه وراسي ف كتفه كالعادة والحجه وهديل برضو قعدو🐸💔مستحملني😹😹💔قاعدة ومره اغمض ومره افتح والحاج يقول لي نمشي!!وانا اهز راسي يعني لا😹😹والله م دلع لكن م فيني حيل🙃💔قاعدة كدددة وبعد شويه اشوف شي ضخخم ماري ب جمبي دخل ليو غرفه وجا تاني طالع وعيني وقعت في عينه🌚💔وانا عاوزة اعمل روحي رايحه غايتو غمضت عين وفتحت عيني التانيه براحه😹 م بعرف منظري شكلو اهبل قام ابتسم مراحه ونوع عاوز يضحك لكن كتمها😹😹😹😹صراحه عارفه روحي هبله😹😹ابوي لاحظ لينا لكن سكت ساي عشن عيانه وكدة😹هديل مصدومه فيهو اجي ي ود امي من بتين بتتبسم لا دقيقه ايهم بحد زاته بيعرف يضحك مع البنات!!🐸✋الحجه م جايبه خبر شايله السبحه ومنزله راسها😹😹بعد شويه الحاج حمر لي وقال لي نمشي البيت😒قلت ليو ايوة يلا🌚💙طلعنا العربيه وعلى البيت😹دخلت الغرفه ونمت طوالي🤤🌚💙
تاني يوم الجمعه صحيت والحاج قال لي بقيتي كيف الليله💜قلت ليو بخير الحمدلله💜🌚شربنا الشاي واكيد اول اتنين يصحو ف البيت انا والحاج😹😹قال لي امس الولد السمح داك ابتسم ليك مالو وبتعرفي من وين🌚😑قلت ليو اااء تتزكر لمن مشيت مع هديل الجامعه بس عرفته من هناك وماشاءالله عليو زول كوويس ودمه خفيف وظريف حلاته🌚💜"جنس كذب ي ربي اغفر لي😹✋ظريفه انا😹😹" قال لي ايواا😑...
بعد يومين... هديل راقده في السرير وشايلة التلفون قلت ليها هدووول!! 😴قالت لي امم! م تبشتني لي اسمي قولي ساي😹😹قلت ليها بكره ماشة معاك الجامعه😴💔قالت لي انتي هبله انا لو علي بكره م امشي عندنا ٣ محاضرات😒قلت ليها اصلا م ح ادخل معاك محاضراتك بس بصيع في الجامعه😒😹😹قالت لي اممم والشركه م ماشة!! قلت ليها نااه عاملين صيانه فيها سوو م حابه اقعد في البيت مع اولاد هيام ديل😹😹😹💔ح يطرشقو لي راسي من الازعاج وبعدين زهجانه نفسي اصيع😴المهم اتفقنا بكره ح نمشي الجامعه وطلعت لي لبسه عباره عن بنطلون م ضيق ولا واسع لونه رمادي غامق م شديد لكن😹😹يعني رصاصي😑😹وتي شيرت كمه تلت اربع لونه كبدي🤤والجزمه بيضاء بيااض ناصع😴وفيو اشكال والطرحه رمادي سوو وكدة جهزت😹وشايله شنطه بنفس درجه الطرحه🌚💙... تاني يوم مشينا الجامعه ركبنا امجاد🌚كرهنا شي اسمه ترحال ياخ وبمناسبه مازن حكايته خلصت مع هديل لانو هديل قفلتها معاهو للاخر وكنسلته من مخها خلاص وبقت م بتثق فيو من ما عرفته ع حقيقته وممكن كان تصبر معاه وتخليه يرجع ل ربه بس هي م بتعرف نياته "بكسر النون لو سمحتو وضم التاء😹"وصلنا الجامعه وطوالي لاقت الشله سلمنا عليهم ومنها دخلو المحاضرة قبل ٥ دقايق عشن مسافه السكه الزمن بيكون خلص😹😹هديل حنستني عشن ادخل بس م عندي نفس😑💔الجامعه شبه فاضيه او الناس حبه وطوالي اتجهت ع الكفتريا اشتريت سندوتش ومنها مشيت اكشف للجامعه😑💔اخخ يحليل الاء هسي كان صعنا مع بعض😭لقيت لي سلالم كدة والشمار حرقني ياخ🌚بقيت طالعه و طالعه م بعرف قريب لي ٤ طوابق ولسه ماشة😹😭حصلت الخامس لقيت لي قاعات مهجورة كدة وشكلها بيش🐸تاوقت يمين شمال مفيش شي ونزلت تاني الطابق الرابع برضو م فيو ناس😑اعوذ بالله فوق مهجور ولا شنو😹سمعت صوت باب فتح قبلت لقيته ايهم🌚💔اقصد دكتوور ايهم🌚✋عاينت ليو وشكلو انهجم لمن شافني😹قال لي السلام عليكم🌚رديت ليو السلام💜😑قال لي منورة ياخ😅قلت ليو بنورك🐸💔عاينت للباب الطلع منه🐸😑قال لي الطلعك فوق شنو خليك تحت لانو الليله نص الناس اوف وهنا في لابات بس🤦♀️قلت ليو ايواا بس كنت عاوزة اكشف للمكان🌚💔طبعا بيعاين ليو وبيحاول يستجمع ويتمعن في كلمه " اكشف!!" وتت لغه الاولاد دي هو م بيستعملها😹💔🤦♀️قال لي ايواا طيب انزلي لانو مف زول هنا🌚نزل وانا نازله بوراه والسلالم حسيتها طويله ياخ😭😹😭😹اثناء م نازلين قال لي بالمناسبه مش انتي شغاله ف شركه!! قلت ليو ايوون🌚قال لي مشغاله الليله ولا شنو😹😹قلت ليو نااه في صيانه في الشركه وشكلو ح اقعد يومين في البيت🐸💔قال لي كويس اااء ممكن سؤال!! قلت ليو اسعل🐸ضحك براحه وقال لي ااء رزان م شغاله معاكم!! قلت ليو لا م بعرف طلعت ليها فتره💔عندك فكره ليه هي طلعت!! 🐸💔قال لي ااء م عارف م كلمتني😑قلت ليها لكن انت حبيبها مفروض تكون عارف😏ابتسم لي ابتسامه باهته🙃قلت ليو العرس بتين!! 🐸قال لي اااء والله قررنا ننفصل😁"ننفصل!! بالله انتو معرسين يعني😹😹حسيت بالاهميه في كلمه ننفصل دي🐸🤦♀️💔" طبعا وحاتكم ولا استغربت زاتو متوقعه اصلا😹😹رزان الليله مع دا وبكره مع دا غايتو ملامح وشي كلو كلو م اتغيرت وهو زاتو عاين لي باستغراب لانو مف ولا عضلة من عضلات وشي اتحركت🐸😹😹💔قال لي هي كلمتك ولا شنو😏قلت ليو لا اصلا م قاعدين نتكلم خليهو تجيب لي سيرتك😏😏قال لي طيب يلا انا داخل المكتب😁قلت ليو اوكيه😴ماشة بامان الله وفكرت امشي بي ورة عشان عاملين نجييله ظابطه كدة واقعد فيها والجو بارد🤤وقفني صوته وقال لي ااء اسمك منو معليش نسيته!! قبلت ليو وقلت لوتس😁قال لي طيب ي لوتس عندي شي عاوز اسويه ممكن عشره دقايق واجي اقعد معاك😴قلت ليو ظابط انا بورة مكان النجيله السمحه ديك🐸💔ضحكه وهز راسه ودخل... مشيت وباقي الساندوتش م كملته المهم طلعته وبقيت اقرم شويه شويه واتصلت لي الاء😴يحليلها ياخ عرست وخانتني😭💙اتكلمت معااها ظاابط وطبعا شغاله اكاوي فيها حنك انو انا م عرست وصايعه وهي معرسه محبوسه😹😹طبعا هي لسه في شهر العسل🌚💔طبعا فاجئتني لمن قالت لي ح امشي اشتغل في استراليا هناك ي بيبي واشوف الناس السمحين اخير من اقعد ف السودان وتقيفي ف خلقتي😹😹قلت ليها سممح اول شي امشي اتعلمي ليك انجليزي زي الناس عشن تتغاهمي معاهم😹😹💔قالت لي لوتس بالمناسبه بتصل لي مهيد م برجع لي عارفه ماله!! قلت ليها لا بس بلقاهو في الشغل بعد بكره ان شاءالله🤦♀️قالت لي اخر مره مشيتي بيتنا بتين😢💔قلت ليها قبل كم يوم ولقيت خالتو ميساء بس مهيد كان ماف😑💔قالت لي طيب برجع ليك بعد شويه.. قفلت منها وساره بت اللذينه م عارفه رقم جوالها زاتو من ما سافرت😑😭برسل بالواتس بترد لي مراات مرات😒💔قاعدة كدة وايهم جا قعد قصادي وعاين لي مسافه حتى قال لي ممكن نلعب لعبه!! 😑💙استفربت قلت في سري دا م عاش طفولته!! 🐸💔طبعا طوالي فكرت سك سك ولا غميضه ولا فتحي ي وردة😹😹😹💔اللهم قالي نلعب لعبه صراحه بسالك وتجاوبيني وبعدينا انتي تساليني وبجاوبك ومن دون كذب لاني م بحب الكذب ح ابدا انا تجاوبيني بستعد اجاوبك في سؤالك م ح تجاوبي انا م ح اجاوب🌚دي القواعد🌚💔هزيت ليو راسي بمعنى طيب😑قال لي ح ابدا انا اول😑💔عاوز اعرف الخلاف البينك وبين رزان شنو!!😑سكت مساافه وقلت ليو طييب هو مافي خلاف لكن م بنطيق بعض😑قال لي دا م جواب🙃قلت ليو طييب هي يعنني مثلا بتحب روحها شديد وشايفه روحها و يدنيا م فيك الا انا وقايله الحياة قروش ودايما وبتحب تتفاخر وانا صراحه م بحب النوعيه دي اوكيه دا كل الموضوع وهي عكسي تماما بتحب الناس البتتفخشر والدرجات العاليه وبتعامل الناس على حسب مستواهم الاقتصادي🙃💔كان بيعاين لي وساكت ساي كانو بيتمعن في كلامي😑قلت ليو دوري😏ابتسم لي..قلت ليو ليه انت مفتري او م بعرف مرات متعصب وشايف روحك😑قال لي الوراك المعلومه دي غلطان😏بس دي شخصيتي في الجامعه لكن بره الجامعه شخصيه تاني😏قلت ليو المره الفاتت لمن كنا ف الكافيه برضو كنت رسمي😑قال لي ديل سؤالين😏قال طيب عندك علاقه مع زول!!م ضروري هسي يعني في يوم من الايام كدة😑ضحكت وقلت ليو ده سؤال شخصي😏قال لي اذا م عاوزة تردي م مشكله ممكن نوقف اللعبه😏قلت ليو بتين بدينا زاتو😏والله م عندي علاقه مع زول لا هسي لا زمان ولا حيكون ف يوم من الايام😑طوالي سألته قولت ليو ليه دايما بتسالني عن رزان في حين انك قاعد معاها 24 ساعه ليه م بتقدر تمشي وتسالها بنفسها ودايما بتلتجئ لي😑💔قال لي والله م عارف م بعرف اذ عندها صحبات او لا غير وحدة بس بعرفها اسمها رونق ولمن عرفت انك بتبقي ليها قلت اسالك عنها😑وليه اني م بقدر امشي اسالها عشن انا عارف مرات هي بتكذب علي وانا م عاوز اخسرها في البدايه بس شكلو الحكايه م ماشة😑بعاين ليو كدة وهو عيونه محمره كدة بسم الله😹😹قال لي بما انك قبل شويه قلتي لي م عندك علاقه ب واحد طيب لاحظت ليك يوم التخريج جيتي هنا وكان في واحد واقف معاك ومركز معاك شديد😑طبعا انا مخي اتمسح😹😹بقيت بتزكر اخخ دا منو وجاني مهيد طوالي😑قلت ليو اولا دا مهيد اخوي لكن م من بطن امي هو ود جيرانا من زمان واخوان وناس الحله كلهم عارفين الشي دا وبعدين م كنا واقفين برانا كانت اخته واقفه معانا ووحدة صحبتنا"ساره" وبعدين عادي كان ركز معاي فهو اخوي😏🌚💙بعد جاوبت قلت ليو طيييب مفروض اسالك😑قلت ليو ليه يوم لقيتك في المستشفى عاينت لي وقعدت تضحك😒ضحك بصوت حلو كدة🤤يساتر استر🙈💙اكتشفت انو رزان عزاله لكن لقطت ايهم دا من وين🙈💙وهو بيضحك قال لي والله م عارف بس شكلك وانتي فاتحه عين وقافله عين مضحك بس حاولت اكتمها لكن م قدرت😹😹😹قال لي مالك كنتي في المسشفى شكلك م كويسه🙃قلت ليو بس الازمه قامت علي🌚💔قال لي حمدلله ع السلامه💙قلت ليهو طيب انا ح اسالك😑ليه انت ورزان انفصلتو😑💔سكت مسسافه وقال لي موضوع كبير والله م بقدر اسف😁قلت ليو مفروض تجاوبني😑قالي امم طيب بجاوب ليك بشكل سؤال🙃حددت ليهو عيوني ع اساس م فهمت😑قال لي طيب اذا انتي في يوم بتحبي زوول شديد وغالي عليك وفي يوم خذلك باي طريقه ح تعملي شنو!!😑قلت ليو على حسب طريقه الخذلان احتمال شي م بيستاهل😑قال لي انا م ح اقدر اوريك كيف لكن اذا انخذلتي والشي دا وجعك شديد وخلاك تكرهي الزول😑قلت ليو بستخير وربي بيساعدني في اني اكمل معاه ولا اكسر حنكه😊قال لي بسسس كدة انا استخرت وشايف دا الاحسن لي والاحسن ليها😊قلت ليو طيب كيف خذلتك لدرجه تكرهها كدة😑قال لي دا كدة سؤالين😏عاين للساعه بتاعته وقاال لي على كل حال عندي محاضره مضطر امشي وعلى فكره ماعنو م اتعرفت عليك كويس بس حبيت القعدة معاك يلا مع السلامه😁💙قلت ليو باي🌚💙مشى وانا طلعت التلفون وفضل نص ساعه وهديل تطلع من المحاضره🤦♀️💔انتظرت النص ساععه وهديل طلعت وماسكه بطنها من الجوع😹😹حنيت عليها مشيت اشتريت ليها وقعدنا مع شلتها كدة شويه ودخلت محاضرتها التانيه🤦♀️زهجت زهج رسلت ليها مسج ف الواتس قلت ليها ماشة انا لانو زهجت وبالجد طلعت ومشيت ناس خالتو ميساء اتونست معاها وقالت مهيد نايم😊🤦♀️م حبيت اصحيه ومنها رجعت البيت...
#يتبع
#خليك_في_البيت
