يستطيع الانسان أن يكتب كلمات حبّ جميلة، ولكن أجمل ما في الحبّ ليست الكلمات، ولكنها المواقف💜
تاني يوم برضو فطرنا واتفسحنا ورجعنا البيت وطوالي ع السرير من الارهاق.. بنوم في اواب💜وعبدو ف الحمام🤦♀️اواب م عاوز ينوم لي ياخ شكلو عنده طاقه😒💔وانا شايفه طشاش طشاش من النعاس😴عبدو جا طالع وقال لي م صليتي العشاء😑💔قلت ليو م عاوزة😴طبعا اواب بيكورك براه وانا بحاول اسكت فيهو عشن انوم وخاتاه ف حضني😭💜عبدو قال لي اواب م بيحصل ليو شي قومي اتوضي عشن نصلي😑قلت ليو يااخ صلي براك خليني💔😒جا علي وقال لي عرست وحدة يهوديه وانا م عارف😒💔قلت ليو بليز بس م كدة امشي صلي😒😑قال لي الشيطان بيلعب ب راسك؟! قومي اتوضي يلا قدامي😒💔قلت ليو عبددووو ياخ م علي صلاه افهمني خليني امشي صلي دااايره انوووم💔قال لي طيب قولي كدة من البدايه😅💔مشى صلى وانا عامله روحي نايمه صراحه خجلت🙈😅💔بعد خلص قفل اللمبه وشغل وحده ضوها خافت💜طبعا اواب لسه بيكورك ويسكل براه😹😹وانا عامله نايمه😴قال لي عارفك م نايمه😑م رديت عليهو😴قال لي ح اشيل اواب انومه💜زح لي يدي براحه وحسيته مقررب شديد بس م فتحت🤦♀️💜شويه وحاسه بانفاسه ف وشي😰💜فتحت عيني وهو طبع بوسه ف شفايفي🙈💜م قدرت ف دفرته وقلت ليو عبدووو😠😠😠قال لي بس عاوز اقول ليك تصبحي ع خير😕💜قلت ليو م تقول😒😠قال لي طيب ح اقول ل اواب😒💔شال اواب وبقى يلعب معاه وشويه يبوسه وانا اتغظت شديد ف طوالي نمت م اشتغلت بيهم🤦♀️💔.. ⏪⏪.. مرت الاسبوعين وبكدة خلصت الممكن تقولو عليها شهر العسل🙃💔وهسي دابنا وصلنا كوريا🤦♀️عبدو عنده واحد صحبه ف كوريا برضو اتصل عليهو وجانا ف المطار🙃سلم علي وبارك ليهو عشن طبعا م حضر العرس🙃ركبنا معاه ووصلنا للشقه وكتر خيره كان مشتري اكل وخاتيه ف العربيه ناولنا ليهو وطلعنا شقتنا🙃ع الاقل صحبه ظريف💜طلعنا الشقه انا وعبدو🤦♀️طبعا اواب شايله عبدو😑فتح الباب ودخلنا واكيد شقه بسيطه😊💜قال لي اسف والله لو كنت عارف ح امشي السودان وارجع معرس كان جهزت وحده اكبر شويه😅💔ابتسمت ليو ابتسامه باهته ومعندي حيل اتكلم😑قعدت ف اقرب كنبه واصلا عباره عن صالون و غرفه وحمام ومطبخ😑نسبه انو كان عايش براه ف الشقه فهي مناسبه ليهو ولكن هسي الوضع ح يختلف😑💔دخل الغرفه وخته اواب ف السرير وكالعادة نايم💜ودخل استحمى وانا من مكاني م اتحركت بس قاعدة ف الكنبه ومرات بندم اني عرسته ياخ ماعنو تعاملنا اتصلح شويه بس م قادرة اتنفس بحس روحي مخنوقه💔😢حنست روحي وقمت شربت مويه و معندي نفس اتعشى وبقيت اهدي روحي عشن اقدر اتاقلم💔وجيت طالعه مشيت الغرفه لقيت عبدو بسرح ف شعره ولافي البشكير ف نصه و م لابس شي تاني😠😠طوالي رجعت سكتي وقعدت ف الكنبه😭😭😭قرفت وزهجت ياخ😠😭😭😭😭الدموع ف طرف عيني😢💔هو لبس وجاني بره قال لي م جايه تنومي😕💔قلت ليو انت بالاول احترم روحك وراعي لي اني ح اضطر انوم ف الغرفه معاك والبس شي زي الناس😠😠💔قال لي انا هسي لابس وكل الحكايه انو هدومي ليها فتره ف الدولاب و م عاوز البسها ف طلعت لبسه من شنطه السفر بتاعاتت السودان ديلك😊م رديت عليو ودخلت الغرفه وكنت متوقعه سراير مفصوله بس خاب ظني وكالعادة جبت اواب جمبي وحاولت انوم🙃💔وهو رقد وطوالي شخر😒💔.. صحيت الصباح متاخر نسبه لانو بليل نمت بالعافيه😭صليت الصبح وكالعادة اواب وعبدو مافيشين😑💔حركه انو يشيل ولدي معاه بقت تغيظني شديد ياخ صراحه بغير على ولدي😭😭😭💔انتظرته مساافه ولسه م جو😢💔قلقت شديد💔م عندي شريحه عشن اتصل عليهو ياخ😭😭💔فتحت الواتس لقيته م داخل طيب طيب استغفر الله نطرد الفكرات الكعبه😖💔قاعدة في احر من الجمر لحدي م الباب فتح💔جريت جري ولقيت عبدو شايل اواب ب يد وبيده التانيه شايل اكياس اظنه مشى السوبر ماركيت😒😒شلت ولدي وخليته يشيل الاكياس براه😒💔قلت ليو قادر تفهم انو ولدي لسسه م تم نص سنننه وانت بتتحاوم بيهو ياخ خاف ربك دا مفروض من السرير ما يقوم هسي كان حصل ليو شي😠😠😠😠💔قال لي اسف واخر مره اشيله😊طلع من الشقه بعد ما دخل الاكياس و م جا راجع😒عنه زاتو😒💔فجاه اواب بقى يبكي بقيت بسكت فيهو وم عاوز يسكت😭💔صراحه بقيت ابكي معاو😭شلت تلفوني واتصلت ع امي وهي ردت طوالي وبقيت ابكي واواب ييكي😭😭💔طبعا امي اتخلعت وبقت تكورك ف شنوو مالك ي بت اتكلمي انننططقي اواب كويس؟!! ي بتي الووو مالك عبدو وين؟!!! 😰😰😰قفلت الخط وهي اتصلت تاني حاولت اسكت شويه بس وامنع الدموع واواب م سكت💔رديت عليها وبسكت ف اواب💔😭قالت لي مالك💔حكيت ليها من يوم سافرنا وانا زهجانه وقرفانه😭💔طبعا بعد فهمت القصه كنت حاسه بانها ح تمد يدها بالتلفون وطاااخ تضربني كف😅💔بقت تتكلم كتير وصراحه م فهمت شي🙃الحاجه الفهمتها انو هي بتشاكل فيني وبتكورك🙃ف الاخر اختصرتها وقفلت التلفون😊مشيت فطرت وطبعا عبدو م جا😒مليت الكرش وشلت ولدي وفتحت التلفزيون😑كله كووري و مفهمت شي ف فتحت اليوتيوب ف التلفزيون وبقت احضر ف غامبول😢💔بعد ساعتين كدة الباب فتح وكان عبدو😑واكيد الباب م بيفتح براه لكن هو عنده مفتاح😹😹💔دخل وانا زاتو ولا عاينت ليو كتير😑شحن تلفونه واخد دش وجا قعد معاي ف الصاله🙃بيعاين ل غامبول باستغراب وبيعاين لي😒💔وانا م معبراه قال لي بتحضري في دا😅💔قلت ليو شايفني بعمل ف شنو😒💔ردي حار صراحه بس يستهال لانو عاوز يستهزأ بي😒💔تلفونه ضرب وطوالي قام وبيتكلم مع الزول بيقول كويسه ولالا؟!! وين هي قاعدة؟! اتاكد لي منها عليك الله😅بعد خلص جا راجع😑نفسي ف بطاطس محمره🤤بس اواب صاحي😭💔قلت ل عبدو امسك اواب ماشة المطبخ😒قال لي م بمسكه😊غاظني شديد وقلت ليو امسكه م حتموت😒😒😒💔قال لي انتي عندك انفصام؟! قبيل تقولي لي م تشيله وهسي تقولي لي شيله😒للحظه دمي فاااار خلاااص بس بلعتها وشلت اواب ختيته ف مسطبه الدولاب بتاع المطبخ🙃اعمل شنو؟! مف حل😊قطعت البطاطس وشويه بشاغل اواب عشن م يبكي لي وحمرته الحمدلله💔😖واواب بقى يبكي لمن حس الجو سخن😹بقيت بسكت فيهو وشلت صحن البطاطس ومعاه جبنه وشطه🤤وطلعت اكل بره😏طبعا عامله على قدري انا بس عشن عبدو يعرف خساسته😏😒 عبدو الريحه عجبته🤤دخل المطبخ م لقى بطاطس وفهم طوالي جا مارق من المطيخ عمل رايح😏😹😹💔براه البدا😑💔بقى بس شايل التلفون ومف زول اتكلم مع التاني😑اكلت وقلت لنفسي بغسل الصحن بعدين لانو مع اواب م ح اقدر💔المشكله هو شغاال يبكي وانا عارفاه انو عاوز عبدو لانو مستحيل يبكي مع عبدو😒💔بقيت بس بسكت فيهو والعب معاه وهو يبكي زيادة😑ف الاخر عبدو طلع من البيت ونومت اواب بالعافيه😑بفكر اسوي موضوع ل روحي😑انضف؟! بس البيت نضيف😑💔احضر لكن مليت😑💔اتونس مع خالتي محاسن بس اقول ليها شنو وبقيت بخجل منها لمن عرست عبدو ماعنو هي رضيانه😑💔استسلمت رقدت ف السرير وسرحانه ف السقف وبدون ما اشعر نمت😴صحيت زي الساعه ٩ونص كدة لقيت اواب صاحي💜غسلت وشي وتاوقت بره لقيت عبدو ماف😑💔بقيت بحضر وماسكه اواب لحدي ما جات ١٠ونص وعبدو ما جا😑والزمن مر ومر ومر وبشغل روحي ب اي شي لحدي ما جات١ ولسه م جا😕💔اعترف باني قلقت😰💔شلت التلفون واتذكر م بقدر اتصل لانو لسه عبدو م جاب لي شريحه😭😭💔بقيت بس ادعي انو كل شي يكون تمام وهو يرجع واشاكله كالعادة😑اثناء م قاعدة كدة الباب فتح😀ختيت اواب ف السرير وطلعت عاينت ليو كدة😒قفل الباب وشكله كدة م بطمن😕💔جا علي ولا عاين لي زاتو ووقع في السرير😑مشيت عليو وقلت ليو حضرتك متاخر😑عاين لي بس وقفل عيونه😴قلت ليو م تسفهني😒قال لي اسف😑قلت ليو غير هدومك عشن تنوم ونقفل اللمبه😑م رد ياخ غاظني شديد😑هزيت كتفه وقال لي لووتس الله يرضى عليك خليني تعبان😴💔قولت ليو اوك😒عاوزو اقفل اللمبه قال لي شغلي المكيف😖قلت ليو ومال الشغال هسي شنو ولا في مكيف تاني مخفي😕💔عاين للمكيف ولقاه شغال وهو معرق شديد😴مشيت عليو وهبشت راسه موووولللع نااار😕🤒قلت ليو انت كويس؟! 😕قال لي اممم😴طلعت المطبخ ع اساس القى مكمدات ومف للاسف😕لقيت قطعه شلتها ومعاها مويه بارده وفيها تلج❄مشيت ختيت القطعه في راسسه❄ورقدت كالعادة م بنوم بس بكون سرحانه💔بعد شويه قمت صليت ركعتين بس لي الله وعاينت ل عبدو وختيت القطعه في المويه وختيتها ليو ف راسه تاني🌚💜عاين لي وبيحرك ف خشمه كانو بيقول شي ف قربت منه وقال لي موويه💔مشيت جبت ليه مويه وشربها ورقدت نمت💜تاني يوم الحمى خفت شويه بس هو م قادر يفتح عيونه زاتو🤦♀️ختيت ولدي ف نص السرير عشن امشي المطبخ🤦♀️مشيت سويت شوربه دجاج وسلطه وجيت قلت ليو م عاوز تاكل😑هز راسه ب لا🤦♀️قلت ليو ح تمرض زيادة قوم😑😒م اشتغل بي حاولت اقومه وارفع ليهو راسه م قدرت😅😹😹قلت لي عبدووو ياخ قوووم😠قال لي بصوت واطي م قادر اكل لكن لو بتاكليني انتي م عندي مشكله🤒💔قعدت جمبه وبعاين ليوو😒وهو منتظرني ارد ف الاخر قلت ليو سمح بس قوم ارفع راسك عشن م تتشرق بالشوربه😒💔قام وعامل روحه تعبان😒😹😹شلت الشوربه بالمعلقه ويدي بترجف غايتو اول مره ف حياتي ااكل لي زول😹😹💔بقيت بس ااكل فيهو ويدي تترجف وشويه تنكشح ف تيشيرته وجزو في الصينيه غايتو لمن اوصل خشمه المعلقه بتكون فاضيه😹😹😹💔بعد اكلته او الاصح كشحته فيه وديت الصينيه المطبخ وجيت راجعه لقيت اواب صحى🤤💜عبدو قال لي وسختيني محتاج اغير هدومي😕💔قلت ليو في زول ماسكك امشي غير😹😹قال لي انتي عارفاني تعبان و م قادر ممكن تجيبي لي تي شيرت😔قلت ليو سمح😒عاوزة امشي الدولاب تلفوني ضرب طوالي رجعت شلت تلفوني😹😹💔لقيتها الحجه متصله لي بالواتس🌚سلمت عليها واطمنت علي وكدة وسلمت ع هديل وابوي ف الشغل طبعا🤦♀️💔والاء كانت معاهم اكيد سلمت عليها😀ف الاخر رجعو التلفون ل امي وكلمتها بانو عبدو عنده حمه وشغاله توصي فيني😭😭😹😹بكره الوصيات ياخ لكن انا الغلطانه😹😹💔شغال لي اعملي اكل صحي واللغاويس خليها واعملي ليهو مكمدات وووو الخ😹😹بعد خلصت رجعت الغرفه لقيت عبدو بيلعب مع اواب🌚قال لي شريتيني😒💔قلت ليو سوري بس امي اتصلت😹😹💔جبت ليو تيشيرت واتزكرت كلام امي🌚💔يبلع اسبرين😑😑💔ختيت التي شيرت ومشيت المطبخ وجبت مويه و الحبوب🌚💔قلت ليو يا تبلعها بنفسك يا والله ابلعها ليك بطريقه م ح تعجبك😒💔قال لي خووفته ببلعها براي😹😹💔بلعها ولقيته م غير قميصه طوالي شلته وطلعت واحد خفيف على حسب وصيه امي ومعاه بنطلون خفيف برضو😹😹وقلت ليو ادخل الحمام😒قال لي دخليني انتي🤤المشكله هو عيان ولسه حيوان و منحرف🙃مشيت خليت البانيو يتملي ب مويه دافيه شويه🐸طلعت قولت ليو عبدو ادخل الحمام وبعدين اواب صاحي محتاج زول يقعد معاه😒قال لي طيب قوميني😕💔حسيته مشلول اقسم بالله بس بلعتها😹😹قومته واصر اني ادخل الحمام😒دمي فار بس سكت ودخلته الحمام وقال لي يلا سحميني🤤الجنى دا تافه🙃طوالي عاوزة اسوي انسحاب🏃♀️قفل الباب وقال لي بليز ياخ😕💔قولت ليو عبدو م عاوزة تحرش خليني اطلع😒😹😹💔قال لي تحرش حلال لكن😹😹💔قلت ليو عبدو انا جادة اواب براه هسي بيبكي خليني😭😭😭💔قال لي طيب بس بشرط😑قلت ليو طيب اشرط بره بعد تستحم هسي خليني امشي🙃💔قال لي اوكي انتي حره الان😹😹فتح لي الباب وانا جريي طلعت😹مشيت لقيت اواب قاعد متادب م بكى لسه لكن ح يبكي قريبا😹😹💜ختيت مخدات بالطرف ومشيت المطبخ سويت عصير لي و لعبدو وجبته الغرفه🌚طبعا بعد طلع من الحمام الحمى نزلت شويه وشربته العصير بالرجاله😒قاال لي شرطي ح اقوله😀قلت ليو قول🐸قال لي ممكن تاني م تقولي كلمه ولدي؟! قولي ولدنا ولا اواب ساي يكون احسن عشن ح هو احتمال لمن يكبر شويه ويفهم حيتحسس ف خلينا ف كلمه ولدنا😑قلت ليو الجاب السيره دي شنو🐸💔قال لي بس لاحظت ليك كم مره بتقولي ولدي😑💔عاينت ليو وتاني عملت رايحه😹م عرفت ارد ليو غايتو لكن كلامه صح😑🙃قال لي ولمن نجيب اولاد برضو م عاوز اسمع الكلمه دي🌚💜قلت ليو يعني انت مخك مشى بعيد أوي😹😹قال لي كيف يعني😏قلت ليو م تنسى انت عيان🐸💔قال لي الحمام خلاني اتحسن شويه ماعنو مصدع بس يتناسى😑قلت ليو عبدالله؟؟ 😔قال لي عيون عبدالله🌚💜حمرت ليو وتاني رجعت مسكينه😹😹قلت ليو بكره عاوزة اشتري لي حاجات واذا بكره بقيت كويس ان شاءالله خلينا نمشي😕قال لي عشن كدة دلعتي لي صوتك لكن طيب ي ستي تأمُري انتي😹💜💜طبعا هو ح يبدا الشغل بعد بكره🌚وبعد شرب العصير سويت الغدا وعبدو بالمساء بقى كويس😀لكن ف شويه صداع🌚تاني يوم مشينا المول واشتريت سرير صغنوني ل ولدي اقصد ولدنا🙈واشتريت لبسات لي اواب ولي وعزلت ل عبدو لبسات ع زوقي😹🌚🙈نسبه لانو نص هدومي منحرفه طبعا عزلتهم الاء و هديل ف كترت في ملابسي وبكدة اتغدينا بره ورجعنا البيت🙈تاني يوم عبدو نزل الشغل وانا قاعدة براي ف البيت وحاسه بكميه ملل🤦♀️كان كلمته يشتري لي شريحه وطبعا ف واي فاي ٢٤ساعه شايله التلفون من فيس لي انستا😹😹عبدو لمن جا جاب لي الشريحه😀خليت اواب نايم ومشيت عشن اسوي العشاء ليهو🙈وافقه وبحمر ف البطاطس وعامله حله تانيه بتاعت باميه عشن بيحبها😹وسلطه وعصير منقه😀"البطاطس صحن رئيسي في كل وجبه عشن انا بحبها😹😹"حسيت فجاه ب يد زول هبشني من نصي😮قبلت لقيت عبدو قلت ليو عبدو زح بالله😒قال لي جعاان ونعسان عاوز انوم🤤😴قلت ليو ياخ بسوي ف الاكل ابقى راجل نوم😒قال لي خوفته عشن كدة حانتظرك😹رجعت احمر البطاطس وعبدو بق بقى خاتي راسه ف كتفي وشبه ملصق فيني😕حاولت م اشتغل بيهو واسفهه بس بيقرب وشه اكتر لدرجه انفاسه في رقبتي😰💔لزيته وقلت ليو م عااوزة تحرُشات خليني اكمل شغلي عشن م اتشتشك بالزيت دا😒بقى بيضحك وقال لي خلاص خلاص الزول كلو كلو م يبقى رومنسي معاك😹😹"دي جمله مهيد🙃💔"حمرت ليو وواصلت شغلي وهو م قصر قعد ف المسطبه بتاعت المطبخ وبقى ياكل ف البطاطس🤦♀️💔لمن خلصت طبعا نصه اكله عبدو😹مشينا واكلنا ومنها مشينا الغرفه وعبدو اصر نفتح فلم مخيف😰💔طبعا اواب نايم عشن امس كان مساهر وابى ينوم لي🌚عبدو جا قعد جمبي او بالاصح ملصق فيني😑💔طبعا فلم محمله ف اللابتوب وبنحضر ف السرير ومقفلين الانوار وانا ماسكه قلبي ف يدي😹😹🌚حضرناه وانا كل دقيقتين امط لمن يجيبو لقطه مخيفه😹😹احساس كان ف بت وولد بتتطاردهم اشباح وشي شياطين بسم الله😹😹وطبعا هم بحبو بعض🙈😹😹م عرفت زاتو الفلم رومنسك ولا رعب😹😹المهم ف نهايه الفلم الاشباح اختفو وانا لسه مقلعه عيوني من الخوف😹😹ف الاخر الولد والبت بقو احرار وجابو لقطه كدة احم🤦♀️🙊عملت هروب طوالي قلت ليو تصبح على خير😅💔وهو شغال يضحك غايتو جنسس انحراف😹💔رقدت وكالعادة ولدي ف النص وقبلت ع الحيطه🤦♀️حسيت ب حركه كتيرة في السرير😒عاينت لقيت عبدو شال اواب وختاه بعيد شويه وخت بالطرق مخده🤦♀️وجا رقد جمبي😒قلت ليو اواب بليل ح يصحى ويبكي😒قال لي م مشكله بحس بيهو وبسكته😑رجعت قبلت ع الحيطه وقلت ليو تصبح على خير🌚💜قاال لي وانتي من اهلي💜امم وين بوسه الوداع😏قلت ليو ماف😒يا تنوم بادبك ولا هسي بقوم😒💔بس ولا اشتغل بي😕قرب شديد وباسني ف رقبتي😖💜حاولت اقوم بس ماسكني شديد🤦♀️قال لي يلا نومي وتاني ح تتعودي قبل النوم بوسه ليك وبوسه لي لكن الليله عفيتك😴😌💜قلت ليو م جهزت ملابسك بتاعت الشغل ل بكره🤦♀️💔قال لي نسيتي بكره اجازة لانو بكره زكرى يوم الاستقلال🌚قلت ليو ااه صح😅💔سكتنا كدة وهو شكلو نام😹وكالعادة م عندي نوم ياخ بقيت نادرا م انوم زي البشر😭😭💔اصلا الغرفه ضلام ف بقيت مفتحه عيوني🤦♀️بتزكر مره بنفس الطريقه دي ايهم كان راقد جمبي وانا اصلا م كنت نعسانه وراقده💔اعتقد هو حسى بي قال لي مالك م نمتي؟! 😕💔قلت ليو م بعرف م نعسانه😰💔قال لي حاولي حبيبتي نومي😕💜قلت ليو بالجد هو انا حبيبتك؟! 💔قال لي اخخ منك ي بت انا بتنفس هواك😕💜قلت ليو قصدك ثاني اكسيد الكربون😒💔م تحنكني انت بتحاول تحبي بس م بتحبني😔💔قال لي حصل يوم زعلتك؟! ومين القال اني م بحبك😔💜قلت ليو لانو انت بتحب بت تانيه😑💔"فهم اني قاصده رزان" قال لي وربي انتي اولى اهتماماتي ايوة نعم كنت بحب غيرك وهسي انت الجوةة قلبي💜قلت ليو طيب بتقدر تعيش بدوني؟! 😔💔قال لي ابدا انتي اسمح شي حصل في حياتي كلها💜💜قلت ليو اسمح زي شنو يعني😹😹قال لي اممم كتير مشيتي شارع النيل صح🌚💜هزيت ليو راسي ب اي🌚💜قال لي امم طيب اسمح شي في النيل شنو؟! 🌚💜قلت ليو اكيد شكل النهر ظابط وبي جمبه الشجر والزهور بيكون شكله خطير🤤💜قال لي بنفسك قلتيهت الزهور💜🌚وانتي تعتبري زهره حياتي💜عارفه اللوتس المصري اسمه شنو😀💜قلت ليو لا لكن بما انو اصولك مصريه ف حابه اوجه ليك السؤال😹😹💜قال لي طيب اللوتس المصري اسمه زنبقه😀💜بيقولو ليو زنبقه النيل💜عارفه المعنى دا حلو كيف💜🤤بس انتي سمحه زي الزنابق🤤💜والعجب كان مشيتي مره ف مصر الوادي كله بيكون عباره عن زنابق لدرجه بتكوني عاوزة تعيشي هناك وسط المنظر السمح دا🤤💜قلت ليو حصل شفتها؟! 😔💜قال لي ايوة لمن كنت صغير بس ويوم ح نسافر مع بعض نشوفها💜اقصد تشوفي روحك💜💜🍀قلت ليو ايهم انا بحبك😢💜قال لي وانا فوته مرحله الحب💜ممكن تنومي حبيبتي عشن بكره نصحى بددي💜قلت ليو م قادرة😭💜خش فيني حضن واحتمال كدة دابي انوم🙊💜😹....... 🍀نرجع 😔💔تاني يوم صحيت بدري وكان حلمت ب ايهم😭💔احتمال عشن كنت بتزكر فيهو قبل م نمت😭💔استغفرت ربي وصليت وجهزت الشاي واواب صحى بدري زاتو عشن امس نام بدري😹بقيت بلعب معاه شويه واتونس معاه وطبعا اكيد هو م فاهم شي لانو صغير بس عدم موضوع مني😹😹شربت الشاي وبعد ساعه عبدو صحى من النوم واضطريت اسوي شاي تاني وهو كان مع اواب بيلعب معاه😀💜بعد شرب الشاي مشيت المطبخ طلعت الكاتشب وجهزت الاسبكتي بره💃اكلتي المفضله🤤قررت اسوي بيتزا كمان للغدا لكن💃سويت عجينه بيتزا وخلصت دابي وطبعا عاينت لروحي ف المرايه معلقه في الحيطه..شكلي استغفرالله بس🤦♀️دايره امشي الحمام اغسل وشي.. عبدو شافني ب منظري وبقى يضحك ع منظري😭💔قلت ليو ممكن تفتح لي الباب يدي فيها دقيق و م عاوزة اغسلها ف المطبخ😕💔قال لي طيب 😹😹خت اواب ف سريره المتحرك دااك🐸جا و قفل الحمام بالمفتاح🙃قال لي خليك كدة حلوة😹😹😹😹😹غياااااظ ياخ قلت ليو عبدددوو عليييك الله افتحه ياخ😭😭قال لي امم بشروط😌قلت ليو م بحب شروطك دي😒💔قال لي خلاص اقعدي كدة😌💜شايل المفتاح وبيلعب بيه😭😭💔قلت ليو طيب طيب😭😒💔قال لي بوستين و اديك المفتاح😌💜قلت ليو منحرف حيوان قليل الادب😭😒😒😒😒💔قال لي نعم قلتي شنو؟! 😏قلت ليو و لا شي طيب افتحه😒فتح الباب ودخلت اغسل وشي وهو خل معاي وبقى يدعك ف وشي😹😹بقيت بغسل يديني وهو بغسل لي ف وشي😹😹قلت ليو شععري ياخ براحه😢💔قال لي طيب اسف😅💔بعد خلصت طلعت من الحمام وعبدو كمان🚶♀️قال لي ي شيخه بوساتي😕💔قلت ليو ف عينك😒💔جا مسكني من يدي وقربني شديد وقال لي عيني ياتها😏قلت ليو ولا شي خليني ف حالي😰💔قال لي كل مره تتاخري البوسات ح تزيد هسي عاوز تلاته😏ضربته ف بطنك وزحيت منه😒مشيت المطبخ وكملت شغلي واصلا م عندي شغله بيهو😒💔شلت ولدي اواب ومشيت الغرفه قفلت الباب علي ورضعته😅💔وقت الفطور جا وطلعت سويته وقعدنا ناكل وعبدو كلو كلو م بينزل عينه😒اثناء م بغسل ف العدة جا وقال لي ١٠بوسات🤤قلت ليو تحلم😒💔شرب مويه وقعد يحضر🙃.. زي الساعه٩ بليل كدة نومت اواب عشن كان ساهر ح يعذبني😭💔قاعدة بحضر مع عبدو بعد م نومت اواب😢🚶♀️عبدو قال لي ١٠٠٠بوسه🤤قلت ليو النبي اقطع ليك شلاليفي بعد دا😒💔قعد يضحك وقال لي مشكلتك🤤😌بنحضر ف فلم وهمي كدة قال لي لو جبنا بت ح تسميها منو🤤قلت ليو كان😒💔قال لي جد نفسك تسمي منو😹😹قلت ليو سكينه و فهيمه😒💔قعد يضحك بصووت عالي وانا بضحك ع ضحكته😹😹💔قال لي حلو🤤😉استغفرت ربي وبقيت اعاين للتلفزيون😴قام قفله وقال لي النوم😴قلت ليو من بتين بتنوم بدري😒قال لي ما قصدي النوم قصدي بوساتي😉😹😹غايتو اتصمغت ف مكاني وابيت اقوم وهو بقى يحنس فيني عشن ننوم او الاصح اديه البوسات😒💔كميه انحراف فيهو م عاديه😒قال لي م عاوزة تقومي؟! 😏م اشتغلت بيهو😴جا وشالني ووداني الغرفه😒حاولت اتملص منه بس هو جبل ماشاءالله😅💔عملت روحي عاوزة انوم وهو جا قال لي لو م عاوزة تديني البوسات بديك ليها انا🤤💜قرب شديد وباسني دشلميه بوسه ف وشي😹😹💔قلت ليو خلصت😒قال لي لا لسه🤤قال خلينا نحيب بيبي بليز🤤قلت ليو عبدو زح مني😒💔قال لي اخخ بليييز ع الاقل اواب يكون عنده اخوان😕🤤💜بلز فيهو ب يدي وهو مصر شديد صراحه عارفه روحي م ح اقدر الز الشي دا😰💔قلت ليو طيب طيب دقيقه😰💔قال لي شنو؟! 💔😴قلت ليو بعد شويه😰💔عاين لي مسافه وقال لي طيب تصبحي على خير🙃😊💔بس ف مخي كان قصدي اني امشي اسحتم وكدة😅💔بس هو فهم غلط😒رجعت ختيت راسي وبقيت افكر.. عبدو زيو وزي اي راجل نفسه يكون عنده اولاد😰وانا م ممكن اكون انانيه ودا حق من حقوقه😕😓💔بس كمان م ممكن اكون عايشه مع عبدو جسديا وزكرياتي كلها مع ايهم😓💔بس هو مات والله يرحمه يعني مفروض انا اعيش حياتي😓💔لو كان عايش كان حيخليني اعيش حياتي؟! 😢كلام م منطقي لو كان عايش اصلا م كنت عرست عبدو😢💔😓واكيد عبدو مظلوم ف الحكايه دي😓💔عاينت ليو ولقيته عامل روحه نايم🤦♀️💔الساعه دابها ٩ ونص😓ف قررت ولو مره ارضي عبدو😊مشيت استحميت وهاك ي الريحه والخُمره صراحه طلعت نجفه😅💔طلعت من الحمام بشكلي داك😅🙈💜وااا اوريكم؟! 🌚لا عيب🌚💔😹😹العاوز يعرف يتصل هنا ٩٩٩ 😹😹😹
♡♡♡♡♡♡♡♡♡♡
بعد مرور سنتين💜
اواب حبيبي اقعد العب مع جواد عشن م يبكي😕💔قال لي بس ي ماما هو بيعضني😭😭قلت ليو هو بيلعب معاك انا بسوي في بطاطس يلا العب معاه عشان تاكل😭😭💜اواب مشى يلعب مع جواد وانا واقفه ف المطبخ بحمر ف البطاطس لانو اواب بيحب البطاطس زي امه😌💜عبدو جا داخل من الشغل بدري وجايب معاه بطيخ عشن بتوحم بيه🙈💜قال لي حبيبي💜قلت ليو جيت بدري😀💜💜قال لي عشن اشتقت ل عيونك السمحات ديل🙈💜حمرت ليو لانو عارفاه كضاب😒💔قال لي وين جوود حبيبه البابا🙈💜قلت ليو بلعتها😒قال لي بتغيري من اولادك؟! 😹😹قلت ليو لا بس سؤالك عبيط ح تكون وين يعني!! 😒مشى طوالي وقعد يلعب مع جوود في الغرفه😭💜بعد خلصت من البطاطس قعدنا ناكل انا واواب وماسكه جواد بيدي التانيه😭معذبني عذااااب😭عبدو كان ف الغرفه مع جود وجابها لي بتبكي وقال لي ماشي استحم😅💔صراحه فاض بي ختيت جواد ف الارض وبقيت ببكي زاتي معا جوود😭😭😭اواب بيمسح لي ف عيوني وبيقول لي ماما مالك💛😢💔شويه واواب زاتو يبكي وبعد شويه البيت كله يبكي انا واواب و جواد وجود😹😹😹عبدو شغال بيضحك بس وجاب الكاميرا والاهبل بقى يصور فينا فيديو😭😭يعني م ممكن معاه انا شايله جواد بأكل فيهو هو واواب و حامل ونفسي مكتوم يجيب لي جود بتبكي 😭😭😭😭💔طبعا هو ميت ضحك بس وبعد كملت البكيه قمت دقيته وبقيت بتفشى فيه😠بعد تعبت رجعت كرسيني وسكت جود و جواد وقلت لي اواب انت ولد كبير عيب م تكبي حبيبي😢💔قال لي بس انتي بتبكي😢💔قلت ليو معليش بس عضتني نمله😅💔اواب صدق وبقى يكمل اكله😹😹😹سكتت جود وجواد بالعافيه وعبدو مشى يستحمى وجا بقا ياكل معانا وبعد ٣ شهوور ح نرجع السودان😭💜💜💜طبعا ح يبقى عندي ٤🙈قلت تاني م ح ازيد عشن بعد دا ح افتح روضه😹😹اواب و التؤام جود وجواد😍😍والبيبي الرابع ف السكه وحاولده ف السودان ونستقر هناك😍😍😍💜💜💜.. بليل انا وعبدو راقدين عشن ننوم وبدون سبب قال لي امنيه حياتك شنو💜قلت ليو امشي مصر😭قال لي ليه مصر؟! 😅قلت ليو عاوزو اشوف الزنابق😭💔قال لي م ضروري مصر بس😹😹قلت ليو لا عاوزة مصر😒قال لي طيب بوديك بس خلي الفي بنطنك دا ينزل واوريك احلى زنابق😌💜سكتنا شويه كدة وقال لي م حصل شوفتي زنابق!! قلت ليو للا😢💔قال لي معقوله كل يوم بتقيفي ف المرايه وبتاعيني ل نفسك ومحصل شوفتي زنبقه💜قلت ليو م فهمت😅💔قال لي انتي بحد زاتك زنبقه نادره كمان💜💜انتي عارفه انا بحبك بس لمن كنت صغير كنت شيطان حبه😅بس وربي ماف اطيب من قلبك ربنا يخليك لي يا احلى ورده في حياتي💜
ممكن بكدة ننهي الروايه على كدة.. واخبار هديل انو خطبها الولد الكان لقيته ف الجامعه وكان اهله ساكنين ف نفس الحي😹لو بتتزكرو اسمه خالد💜والاء ولدت مرتين وجابت احلى بنات😍لجين و لميس😍وانجي ومهيد قاعدين مع خالتي محاسن واكيد جابو بيبي😍وكان ولد سموهو ايهم😴😔💜وساره اغتربت بره وعرست ولد اهلها🌚💜
#النهايه
#الوان_زائفه
نتلاقى في روايه تانيه😍😍💜
صلو على النبي💜💜
