قاعدين انا وامي قلت ليها محتاجه حاجه من الصيدليه😑💔قالت لي ابوك بكره بيجيبها ليك😑قلت ليها جا الليله وبكره م ح يجي😒قالت لي بكلم هديل🐸💔قلت ليها يااخي هديل مااااسورة😑قالت لي سمح بتصرف بكلم عبدو😒💔قلت ليها شايفاك بقيتي تدوري الولد دا😒قالت لي اعمل ليو شنو كان هو لتخه😹قلت ليها بري وخالتي محاسن بقت تدوره😒💔قالت لي عشن كل مره بيجي هي بتكون بارده وهو بيتعامل معاها كويس ومرات بتقصف جبهته وهو برضو بيكون معاها كويس و ما زهج منها ولا زعل منها🐸💔قلت ليها سمح بقى ود حلال😒💔قالت لي رقمه عندي هسي بتصل عليو😑💔اتصلت عليو وخمسه دقايق لقيناه جمب الباب وسلم ع خالتي محاسن وكالعادة بيبوس راسها😒وسلم ع امي وانا كنت ف الغرفه مع ولدي💜سلم علي امي وقعد شويه ومنها مشى الصيدليه.. لمن امي جاتني قلت ليها الولد دا فاضي ٢٤ ساعه م عنده شغله غيرنا🐸💔قالت لي هو شغال ف كوريا وجا السودان ياخد فتره نقاهه مع اهله ف اكيد م ح يكون شغال🌚💜.. بعد مسافه الولد جا وجاب لي حاجاتي🙈وعده اليوم ب مزاج وفضل يومين ل سمايه ولدي😍😍😍💜طبعا مستحيل ازحه من حضني اليوم كله قاعدة معاه وبعاين ليو وبقرا ليهو قران😍💜💜قبل يومين من السمايه ابوي جاي عشن اذ محتاجين حاجات ليوم السمايه عشن يجيبها لينا😍سوو بعد ناس امي خلصو الطلبات جاني ف الغرفه😹كنت بلعب ف التلفون وولدي نايم جمبي😹😹💔قال لي اصلك م ح تعقلي انتي🌚💔قلت ليو برفهه على روحي🌚قال لي ايواا😀😊سكت مسافه وانا رجعت لي للقيم بتاعي😀جا وقعد جمبي قال لي عاوز اقول ليك كلام مهم خليك معاي😊قفلت التلفون وعدلت قعدتي وقلت ليو قول🐸💔قال لي عارف الكلام الحاقولو ليك احتمال يوجعك شويه و م ترضي وتزعلي مني بس والله ي بتي عاوز مصلحتك😊💜قلت ليو م تخوفني قول اها😑💔ضحك وقال لي اذا ف زول اتقدم ليك ح توافقي؟! قلت ليو لا🌚قال لي مفروض توافقي😊قلت ليو لييه عندي ولدي وعاوزة افضى ليهو واخصص حياتي ليهو😍قال لي وانتي مفروض توافقي م عشان الراجل مفروض عشن ولدك😊قلت ليو كيف؟!! قال لي طيب ي بتي ف زول اتقدم ليك وانا عاوز مصلحتك ووافقت بدلا عنك عشن عارف ولدك بيكون عاوز ابو يهتم بيه😊قلت ليو سمح والراجل دا انت ضامنه عشن يربي لي ولدي🤨💔قال لي ايوة وود حلال😊قلت ليو مين دا ان شاءالله😒💔قال لي ود عمك😊قلت ليو لالالالالالا م تقووول لي عببدالله😤💔قال لي ياهو ي بتي عارفك بتكرهيه بس والله الولد بقى كويس وزمان كان شافع بس عشن كدة بتكرهيه والله ي بتي كان غلط عليك بس تعالي وتُفي لي ف وشي اسمعي كلامي م بتندمي💔قلت ليو متكفله اربي ولدي براي م محتاجه ليهو😊قال لي اي ولد بيكون عاوز عنده اب عشن يرفع ليو راسه ي بتي ماعنو هو م ابوه بس ح يكون ليو ابو م ضروري بالدم بس الايام بتكفل انه ولدك يتعود على عبدو💜قلت ليو بس خالتو محاسن اكييد ح تزعل يعني بعد ولدها مات انا امشي اعرس تاني💔قال لي خالتك عارفه واحتمال كمان قبلي😊وكمان وافقت عليو وفرحت شديد بس انا قلت مف زول يكلمك😊قلت ليو ابوي والله م عاوزة اقسسم بالله م عاوزة اعرس ياخ😭😭قال لي كان بتحبيني و بتعزيني ي بتي وافقي وكان م وافقتي بفهم انك م بتعزيني😊💔يلا سلام لانو اتاخرت💜ابوي طلع وانا بقيت في حيره😫💔راقده وحاسه الكون دا وقف.. مف زول اعرسه يعني غير عبدو دا؟!! ولدي بعدين مصيره يعرف انو ايهم ابوه😔💔امي جات وقالت لي يلا النوم😑💔قلت ليها امي انتي عارفه!! قالت لي اي😊قلت ليها عشن كدة غيرتي تعاملك معاه طيب انتي موافقه؟! قالت لي اكيد😊قلت ليها بس انا م عاوزاه ياخ القاه من رزان ولا منه ياخ انا م بحب عمي ومرته خليهو اعرس ولدهم💔قالت لي الولد م عنده دخل بالمشكله الحصلت و الولد كبر و عقل😊قلت ليها بس قولو انتو م عاوزني م مشكله انا بطلع من البيت وبعيش براي ولا بقعد هنا مع خالتي محاسن بس م تتخلصو مني كدة😔💔قالت لي انتي ي بت هبله م تنفسني بي انا عاوزة انوم يلا تصبحي ع خير😒امي نامت وانا كالعادة فكر ف همي💔لو وافقت احتمال بالجد يكون اتغير واقدر اتاقلم معاه واحتمال لا🤦♀️💔وكيف ح اعيش مع عمي ومرته!! 🤦♀️💔البنات ف الكوكب دا رااقدات م يقرر بعرس غيري ليه؟!وهو عارف اني ارمله وهو بدل يعرس وحدة بكر🤦♀️💔غمضت عيوني ع امل انوم بس ولدي قعد يبكي💔شلته وبقيت اهزز فيهو ونام بعد مسافه ومنها انا نمت💜.... تاني يوم الخميس ابوي وعبدو ومهيد جابو خروفين كبار لي بكره السمايه😀يلا انا بعشق شي اسمه خرفان🌚والشمار حارقني شديد قمت بهدومي ديك وعاوزة اشوف الخرفان😹😹اثناء ما ماشة اشوف ليك عبدو طالع من المطبخ شكلو شرب مويه تشرب السم🌚💔طبعا م لابسه طرحه بس بقميصي😹عمك طوالي نزل عينه ومشى🌚صراحه واصلت مشواري كسلانه ارجع البس طرحه😹😹 مشيت ب وراه وهو ماشاءالله الخطوة بتاعته متر بس😹😹جاريه جري بوراه وصوت رجليني دج دج في الارض"الصوت الفظيع داك لمن تكونو ماشين حفيانين😹"لمن وصلت لقيت ابوي خاتي قش ف الارض ومهيد معرق ومكتف يديه😹اوعه يكون هو الربط الخرفان يحليله🌚💔بعد شويه دخلو جوة وخالتي مشت تسوي قهوة ظابطه😀وانا مشيت عشن اشوف ولدي ولقيته ف سابع نومه🌚ابوي جا بوراي وقال لي اها قلتي شنو بخصوص عبدو؟! 😑قلت ليو ابوي بليز ياخ نقفل الموضوع دا😔قال لي انا استخرت وارتحت للموضوع دا ي بتي صدقيني م بتندمي انا اذا بعرفه واحد م كويس م بعرسه ليك💔وبعدين انتي مفروض توافقي عشن ولدك قلت في سري بس حاوافق عشن ارضي ابوي م اكتر😔وابوي عايش اكتر مني فهو بفهم للدنيا دي اكتر مني اكيد😔قلت ليو طيب سوي الانت شايفه صح اذا موافق انا موافقه والعكس😊قال لي ايوة انا عاوزك كدة خليك قويه وواجهي الحياه😊ابوي مشى كلمهم وعبدو شكله زاتو ولا صدق وقالو ح يجو بعد بكره ويتفاهمو🌚بكره كان يوم السمايه صحيت بدري وجو الضيوف وضبحو الخرفان والبيت ملايان وجوطه م طبيعيه وناس يعلقو ب وراي وغايتو اليوم تم بسلام😑اليوم البعديه جو ناس عبدو وعمي ومرته و ابوي وهديل وخالتي محاسن قعدت معانا وانا قعدت جمب امي وكنت متضايقه م بعرف ليه💔😔احتمال عشن خالتي محاسن قاعدة و تسمع الكلام😔المهم قعدو يتكلمو وانا خشمي عندي لحدي ما قالو لي شروطك شنو؟! قلت ليهم اولا شي م عاوزة حفله زفاف يعني عقد وبس😑ثانيا شي ولدي اهم من راجلي وبصراحه كدة انا موافقه عشن ولدي م اكتر😒"حسيت مرت عمي ح تاكلني بعيونها😒💔"واذا في يوم لقيت عبدالله بيعامل ولدي معامله كعبه مف شي بيرضيني غير الطلاق😊🖐المهم بعد سمعو شروطي اي زول بيعاين للتاني عشره عشره تقول ف حرب بس😹الا عبدو فتح خشمه وقال موافق😊وبكدة قررنا الخطوبه بعد اسبوعين والعقد بعد اسبوعين من الخطوبه😊... مرت الايام وماف شي عشن يزكر لمن جا يوم الخطوبه وكان يوم عادي وعزمنا بس الاهل القريبين وحفله بسييطه جدا عشن م عاوزين كلامات الناس الما بترحم دي😒💔ومنها الخطوبه كدة خلصت🤦♀️💔اصلا كنت بس جسد بلا روح والاهبل عبدو داك مبسوط😒💔غاايظني كيف بس الحمدلله💔
وفي مره ذات المرارير😹😹😹عبدو جا وخالتي ضيفته وكلمتني عشن امشي ليو ف الصالون😑مشيت ليو وولدي شايلاه معاي وسلم علي وكدة🤦♀️💔واكيد بعد ما قصفت ليو جبهته🐸💔قال لي ح ادخل في لب الموضوع طوالي😊قلت ليو ياريت😒💔قال لي انتي عارفه انو انا شغال في سيول وبعد نعقد ح اجهز الاوراق ونمشي😑بس ح تحصل شوية لخبته ف الحكايه دي واحتمال الورق يتاخر🤦♀️💔😑قلت ليو اها وطيب انا شغاله في وكالاات سفر عشن تكلمني😒💔قال لي لا م كدة بس انتي ورقك ح يطلع بس ورق اواب ح يتاخر شويه💔رفعت ليو حاجبي🤨قلت ليو ولدي معاي ف اي مكان من هسي عاوز تفصل بيني وبين ولدي بلغي الخطوبه وكل شي لانو شرطي انو ولدي من اولى اهتماماتي😊🖐قال لي ابدا م فهمتيني كويس بس ف حل واحد بيخلي ورقه يطلع بسرعه😑قلت ليو طيب ما تسوي😒💔قال لي م ح اقدر الا بموافقتك والحل هو انو تسجلي اواب ب اسمي ك انو انا ابوه😊💔طبعا لمن قال لي كدة لو عليه اقتله ببس قلت ليو نععم؟!! ولدي ابوه ايهم عاوزني اسجله ب اسمك؟!! كيف يعني وانا افهم من كلامك دا شنو واقول ل خالتي محاسن شنو انت جنيت؟!! قال لي م ضروري بس كنت عاوز استعجل الورق واذا انتي رافضه خلاص وقت م يطلع يطلع🤦♀️شال جذلانه وقام🤦♀️💔.. لمن ابوي جا تاني يوم كلمته بالحصل وقال لي م تزعلي بس هو استشارك م غصبك😊قلت ليو لا كان يغصبني اصلا مقصوف الرقبه دا م بدوره😒💔ابوي ضحك وقعدنا نتونس شوية وطلع....خلصت ال 40يوم وفضل كم يوم للعقد ومشيت بيتنا😀💜ومهيد وانجي قاعدي مع خالتي محاسن والاء قررت تستقر ف السودان حتى حنكت راجلها ووافق بعد تعب🤦♀️وطبعا ناس امي جهزو الحاجات للعقد واتفقنا يكون بسيط ونعزم الاهل والجيران القراب وبكدة خلاص😒ومرت عمي زعلانه شديد عشن نفسها تفرح بولدها😒نسرع شويه⏪الناس كلهم بيجهزو للعقد والناس كلهم برة وانا وهديل والاء ف الغرفه😀طبعا هديل بتمكيج فيني والاء بتلعب مع اواب حبيبي😍💜هديل خلصت مني وكان ميك اب هادي وراقي ف نفس الوقت😍كنت لابسه فستان بالكبدي محروق ولونه مدرج من فوق لتحت❤🤤💜واواب لبسناه بدله بالكبدي برضو بس م نفس الدرجه💜وعبدو وابوي وعمي في الجامع بيعقدو معاهم باقي الرجال💜قاعدة وبعاين في المرايه لروحي ومستحيل انسى اللحظه الكنت قاعدة فيها بنفس الطريقه ومنتظره بفارق الصبر الرجال يجو من المسجد ويقولو عقدو😍بتذكر قاعدة براي وجسمي متلج من القلق لحدي ما الباب فتح وشفته بانعكاس المرايه💜الجلابيه البيضاء شايله منه حته🤤💜وجا علي وانا استعدلت في القعدة وجا حضني عليهو شديد💜صراحه م كنت عاوزة اطلع من حضنه💜باسني ف راسي وقال لي وبكدة بقيتي مرتي حقتي براي😀💋💜انا كنت بس ساكته وبفكر اذ زواجي منه دا كان قسمه او بس انانيه مني😔💜قلت ليو ايهم انت م بتحبني انت بتحب غيري ومستحيل القلب يشيل اتنين😔💔قال لي لو ما شالك قلبي اشيلك في حدقات عيوني😍💜.. شويه والباب ضرب وسمعت صوت رصاص💔هديل فتحت الباب لقته عبدو ودخل😔قلت لي الاء خلي بالك من اواب😊💜قالت لي سمح وطلعت هي وهديل💔عبدو جا علي شديييد وكان بيعاين لي ف عيوني وقال لي كنتي بتبكي؟! 😑قلت ليو لا ليه😒قال لي عيونك حُمر😁💔عاينت في المرايه بالجد كانت حمرا من ما اتزكرت ايهم😔قبلت عليو وهو شبه الملصق فيني😓زحيته ب يدي وقلت ليو خلينا نطلع عشن نخلص الموال دا😊💔قال لي عارفك م طايقاني بس بمرور الزمن ح نتعود ع بعض واوعدك ي احلى بنت عم😀💜جا علي شديد وطبع بوسه ف الجبهه😅💜حمرت ليو وقلت خلصت؟!!😒ضحك ف ملامحي وقال لي لو علي نطلع بالشباك دا ونخلي الناس يشوفو عريس وعروس غيرنا🤤💜قلت ليو وولدي وين😒💔ضحك وقال لي الاء بتجيبه م تخافي😅💔مسك يدي وطلعنا طبعا ناس بيقطعو فيني انا بالذات😒ناس جاين عشن يتغدو بس😹😹💔وناس امي فرحانين وخالتي محاسن فرحانه شديد ولابسه اسمح توب عندها وكلو كلو م قعدت😔💜الحفله خلصت والمعازيم طلعو وبقينا بس كدة ك اهل قاعدين.. طبعا الساعه ٨ الا🌚عبدو قال ل ابوي ممكن ناخد جوله انا ولوتس😊ابوي قال ليو بقت مرتك😊"طبعا دا كله قدام الناظرين😒💔"قلت ل ابوي تعبانه م بقدر😒ابوي قال لي عبدو امشو وتعالو بدري م تتاخرو😊طبعا ابوي احرجني😒💔مشيت الغرفه طلعت الفستان ولبست كاجوال🤦♀️وطلعت قلت ل ابوي ولدي وين😒قال لي مع عبدو منتظرك بره😊مشيت بره لقيته جو العربيه وشايل اواب🤦♀️ركبت قدام وقلت ليو جيب ولدي😒شلته منه واتحركنا🤦♀️بعد خمسه دقايق كدة قلت ليو اقييييف😱😱😱الولد حك فرامل وعاين لي قال ف شنو😲قلت ليو نسيت شنطتي والتلفون😓💔للحظه حسيته ح يضرب راسي بالشباك😅💔اخد نفس وقال لي م ح نتاخر كلها نص ساعه😒قلت ليو ماشين وين😒💔قال لي شارع النيل عشن الجو سمح😀قلت ليو عاوز تقتل ولدي😒الهوا قوي هناك ولدي بيعيا😒💔قال لي م ح نطلع من العربيه😒💔وصلنا ووقف العربيه والانوار ظابطه كدة وفي هوا سمح🤤صراحه الجو ظابط بس ولدي😑💔بقيت سرحانه في النهر قدامي😑اذا زاكرتي م خانتني اليوم داك كان الساعه ٣ والجو مغيم واحتمال كبير كان تصب مطره وكنت زهجانه وفجاه ايهم كان ظهر لي وقعد يتونس معاي😀💔بتزكر كان متضايق عشن خالتو محاسن كانت تتعبانه وهي م عاوزة تمشي المستشفى😑💔كان بيفضفض لي وانا بس كنت قاعدة ك مسمتمع🤦♀️وكان اليوم داك شارع النيل مليان ناس عشن الجو ظابط وفي اولاد جو شاغلونا🌚💔قايلناا مرتبطين وكنت متوقعه رده فعل ايهم انو يدقهم ولا يشاكلهم وكدة🐸💔بس طلع العكس بقى بيضحك وقال لي رايك شنو ي حبيبتي المزيفه نمشي نشرب قهوة!!😹😹😹🌚طبعا قال كلامه ده وهو بيضحك وانا صراحه متت ضحك و م كسفته ف مشيت شربت معاه قهوة وكل مره اتزكر كلامه بقعد اضحك🌚في شي طق طق لي ل وشه وعاينت ل عبدو كدة😑😒قال لي سرحانه وين😑قلت ليو حتى في سرحتي م عاوز تريحني😒💔قال لي بس نحن جينا عشن نحل الكراهيه حقتك تجاهي🌚💔قلت ليو مف حل😒قال لي من ما اتلاقينا انتي بتقصفي جبهتي وردك مسيخ😒وانا عارف الماره بيهو😊وكلمتك قلت ليك المشاكل حقتكم انتي ورزان م تدخلوني فيها😑قلت ليو هسي الجاب سيره الموضوع دا شنو انا بكرهك بدون سبب بس م قادرة اهضمك بس😒💔قال لي طيب مستعد اسوي ليك اي شي بس توقفي الكراهيه دي عشن نبدا نعيش حياتنا😊قلت ليو اصلا م فضل في حياتي شي و انت م قررت تعرس غيري ليه😒قال لي الله يطول ف عمرنا عشن اسعدك وبعدين دي قسمه بس من ما جيت السودان وزرتكم في بيتكم انا بحلم بيك واستخرت ربي وانا صراحه مرتاح لموضوع العرس دا شديد😊اصلا م عندي شي اقوله ليو لانو عقدنا وانتهينا🌚قال لي طيب شروطك شنو وخلينا نفتح صفحه جديدة😊قلت ليو ولدي ثم ولدي ثم ولدي م عندي شروط غيره😊قال لي اواب اشيله ف راسي ومستعد اكون ابو ليهو وعارفك ح تقولي لي ابوه ايهم و م ادراك وانا صراحه بحب الاطفال شديد ف مستعد اتحمل مسؤوليته لحدي م يكبر ممكن تخليني ابو ليهو؟! 😊صراحه انحرجت من سؤاله شديد😅💔قبلت ع الشباك وبفكر اقول ليو شنو🤦♀️قال لي لو رفضتي م لمصلحه اواب😀💜وبعدين قلت ليك بتحمل مسؤليته وانتي غرضك من عرسنا انو اكون اب ل اواب وانا م رفضت بالعكس فرحان شديد😊وانا م عندي غرض معين غير اني ارتحت ليك😊💜عاينت ليو وابتسمت بس😑اقول شنو مثلا😒💔قال لي ح اعتبر ابتسامتك دي موافقه😀💜طيب نفتح صفحه جديدة ممكن تقبلي علي و م تعايني للشباك؟!! 😑💔عاينت ليو وقلت ليو سامعاك😒قال لي اهلين معاك عبدالله حسن عمري ٣٢ سنه شغال في سيول في بنك شينهان "신한" وانتي مين🌚💜قلت ليو معاك عشه عمري ٦٠ سنه عندي ١٠ اولاد ٣ ماتو و اتنين مشلولين و اربعه محروقين وواحد منغولي😒💔الشي دا ضحك باعلى صوت وبقى ماسك بطنه😹😹😹😹 صراحه ادردقت ف الضحكه🤦♀️💜وانا الهبله بقيت بضحك معاه🌚💔قال لي تُفيها من خشمك حبيبي😊💜قلت ليو بقيت حبيبتك؟! 🤦♀️قال لي ايووه😊💜عاين لتلفونه وقاال لي نرجع بعد دا عشن قلتي تعبانه💜حرك العربيه وراجعين ع البيت والسكه كلها مف زول اتكلم غير ولدي بقى يبكي وبقيت بهدي فيهو🤦♀️💜وشغاله ارطن بلغه الشفع عشن اسكته وعبدو الحيوان بيضحك فيني🌚💔من حقه يضحك لانو شكلي محرج😹😹شغاله اغووو وييييي محح مححح😹😹😹😹💔وصلنا البيت وقال لي لوتس؟!! 😅قلت ليو اها🐸💔حمر لي وقال لي رقمك كم لانو م حلوة اتصل ف تلفون عمي عوض😅💔قلت ليو طيب سجل🤦♀️09******** قال لي شكرا🌚💜نزلت من العربيه وطوالي دخلت لقيت بس امي وابوي وهديل🤦♀️قلت ليهم خالتو محاسن مشت!! قالو لي اي مع بتها ومهيد🌚قلت ليهم وخالتو ميساء؟! قالو لي مع الاء ف بيتهم🌚مشيت نومت حبيبي وبدون م اشعر نمت معاه😴💜.. عبدو بيسوي في اجراءات السفر وعلى حسن حظه عنده صحبه شغال ف وكالاات طيران وكدة ف ساعده عشن الاجراءات تخلص بسرعه🤦♀️فضل يوم ع سفرنا😴💔وامي جهزت لي شطنه السفر زي وزي اي عروس🙃حاجات الشيله +حااجات من عندي ولبسات ل اواب💜ح نسافر تاني يوم الصباح وواقع جمعه😀وطبعا نمنا متاخرين لانو انا وامي بنتشاكل في الهدوم😒💔تاني بوم الصباح بددري زي ٦مشيت استحميت ولبستي مجهزاها من امس🤦♀️لقيه امي وابوي صاحين وهديل ف سابع نومه🤦♀️مشيت شربت الشاي ومشيت طوالي لبست اواب حبيبي💜طبعا اثناء م بجهز فيهو صحى من النوم وقعد يتبكى لي وانا يالله يالله عشن اسكته🤦♀️💔الساعه ٨ الا جات وعبدو جانا واتونس مع ابوي شويه ومنها استئذن عشن مواعيد الطياره💔طبعا لابسه وعبدو دخل الشنط في العربيه وبكدة ودعت امي وابوي وصحيت هديل عشن اودعها😢💔احتمال لمن اتزوجت ايهم م حسيت بالبعد عشن كنا مستقريين في السودان بس هسي ح نسافر كلو كلو😭😭💔صراحه بكييييت شديييد وبصبر روحي بس بقول اعتبريه شهر عسل وخلاص الايام بتجري😭💔ركبنا العربيه بعد ما عزينا انا وامي وابوي وشلت ولدي وطلعت😭💔في السكه قلت ليو عاوزة امشي ل خالتو محاسن اودعها😢💔قال لي طيب😊اضطرينا تاني رجعنا ونزلت سلمت عليها ولقيتهم بيشربو في الشاي هي وانجي ومهيد😍😍سلمت عليهم كللهم وبكيت مع خالتي ياخ المره دي غاااليه علي😭😭💜وبكدة طلعنا المطار وخلصنا الاجراءات وبقينا منتظرين🤦♀️عبدو كان شايل اواب لكن لمن قعدناف الكراسي طوالي شلت ولدي نومته عشن م يتعبني🤦♀️بعاين للكفتريات وسرحانه😑في نفس المكان داك بالظبط كنا قاعدين انا وايهم🙃كانت بطني واجعاني شديييد وخاته راسي في كتفه💜وهو ومسترخي ورافع راسه💜جات بت قعدت قصادنا وبتتبسم لينا🙃صراحه اتغظت شديد وبقيت بحمر ليها😒قالت لينا انتو عرسان😀💜ايهم قال ليها لا اخوان😀😊البت ضحكت وقالت ااه اسفه😅💔بكل احترام قامت ومبعرف مشت وين😒قمت من كتفه وقلت ليو اخوان قلت لي😒ضحك وقال لي اي عشن تتكسر فيني شويه😉قلت ليو انا بكررهك ياخ😠قعد يضحك... لوتس يلا الطياره ح تفوت😑"شال اواب مني وبيده التانيه كان ماسكني" اترحكنا وكان ماف ركاب كتيرين🤦♀️و الرحله طوييله لمن ممله🤦♀️شويه بنوم وشويه العب اواب ومرات اكل واحضر فلم🤦♀️طبعا اواب ف النص قاعد مرات بشيله ف رجلي ومرات بقعده ف الكرسي لانو بتعب لمن اشيله كتير😅🤦♀️انا جمب الشباك وعبدو بالطرف🤦♀️
