ما💙 أجمل الحياة عندما ننظر لها بجانب مشرق.. وما أجمل شعاع الشمس عندما تشرق أشعته الذهبيه بالتفاؤل.💙
عند السـاعه الثامنه.. 💙
في احدى احياء امدرمان العريقه💙
امي عليك الله خلينا نمشي المستشفى😑قالت ليو لالا ببقى كويسه انت عارفني م بحب المستشفيات قال ليها كدة لكن بتمرضي زياده الله يرضى عليك ارح يا امي💔قالت ليو لالا ببقى كويسه بس باكل لي حاجات بلديه ببقى كويسه ي ولدي💙قال ليها ي امي انا ماشي الشغل عليك الله خليني امشي وانا مطمن عليك خلينا نمشي المستشفى بس ربع ساعه وبتبقي كويسه💔قالت ليو امشي انا كويسه واختك قاعده م بيجيني شي💙قال لي دي مطرطشه ساي وهي زاتا ماشة الجامعه انتي ح تقعدي كدة!! قالت ليو امس قالت لي م ماشه م تشيل هم امشي ي ولدي وربنا يفتحها عليك 💙قال ليها طيب ودعتك الله وكان احتجتو اي شي كلمي المطرطشه دي تضرب لي وتكلمني😑قالت ليو دي بتي م تقول كدة احسن ليك😹👊باسها في راسها وطلع على المستشفى الشغال فيها💙
وقفه.. 💙
عائله ايهم الصغيره😁امه محاسن💙 اخته اسمها انجي💙اصولهم من ابوه مصريه لكن مستوطنين في السودان.. واهل امه اصولهم سودانين.... من زمان ابوه اتوفى ب حادث.. امه عمرها في الستينات دايما نفسها بيكون ضعيف ومشاكل في الرئه... وهم ناس بسيطين على قدر حالهم 😊مستواهم المادي كويس يعني حالهم ماشي وبالنسبه لانو مف راجل في البيت غير ايهم ف هو شايل المسؤوليه كلها في ضهره .. بيحب عيلته شدييد لانو م عنده غيرهم...
نرجع.. 💙
♡♡♡♡♡♡♡♡♡♡
عندي بيجاي😑💔زيو و زي اي يوم وهمي كدة و طبعا م قلت ليكم مهيد معاي ف المكتب😌عشان مكتبه وسخان م نضفوه ليو لانو الخاله البتنضف المكاتب عيانه ☹️☝كل دقيقتين يحمر لي😹😹بالمناسبه مهيد قاري محاسبه زي 😌او بالاصح انا زيه😄زي م قلت ليكم م عندي هدف ف حياتي بس بحاكي مهيد في اي شي😹😹
قلت ليو مهووودي😀قال لي خير🙃قلت ليو ماذا بك يا صغيري!! ☹️💔قال لي ولا شي بس زهج😊قلت ليو زهجان مني☹️قال لي لا بس زهج عام كدة 😤قلت ليو ايواا شايفاك يوم الخميس مع رزان😀قال لي بالله دي بت عمك الطوالي بتشكي لي منها😑قلت ليو اي😹😹قرضه صح اوعه تكون حنكت معاك😹😹قال لي لالا بتعاين لي لكن م حنكت لسه😌قلت ليو كلب يعني منتظرها تحنكك😏😒👊قال لي لالا زي ديل م بينفعو معاي وبعدين م بحنك لي مع بت انتي تكوني بتكرهيها😌لانو احتمال تجيبي لي أجلها و تقتليها لي فشنو انا م بضمنك😹😹قلت ليو كلب😏خلاص بحجز ليك انا زوقي راقي😹😹قال لي انتي!! نهييي لالا خليت العرس ي شيخه م بدددور اعرس😹😹😹💔قلت ليو يخليك ملك الموت لييي وجع القلب قول امين😒👊...
طبعا الليله وليد كلو كلو م دخل مكتبي😹😹الجو مكهرب😴😴الساعه ١٠ونص قلت ل مهيد وققت الطققه ورحكاكا😀قال لي زابط ارح بس م اشوف وش الولد داك😑قلت ليو ايزي ي عزيزي الموضوع ما مستاهل وبعدين هو صحبي 😏حمررر لي وقال لي غووري قدامي😒مشينا وجريت ساره من يدها وقعدنا مع بعض بناكل بس مهيد ساكت احساس عشان معانا ساره وكدة🙊بعد شويه استاذن مشى حس بالحراج😹كملنا الطقه وجا وليد عزمنا شاي كدة زاابط🤤قلت ليو ناقصه بس باسطه🤤💔وليد قال لي م بتشبعي انتي😹قلت ليو خمسه وخمييسه👊😴ساره فتحت قدومها وقالت اكل السوسه والعافيه مدسوسه🐸💔قلت ليها داساها منكم عشان م تسحروني🐸جاني اتصال من مهيد قال لي انتي وين قلت ليو مع خالتو بتاعت الشاي قال لي ظابط😴جا وشاف وليد.. سلم عليهو وقعد معانا😴😴"اي زول ماسك خشمه عليهو والجو مكهرب امووت واعرف مهيد بكرهه وليد لشنو😹😭" سويت احم احم كدة وبقيت بعاين ليهم🐸قلت ل مهيد ان شاءالله يكون الشاي ظابط ياخ😀قال لي اي😴"ابو الاختصارات😴🐸"تلفون وليد اتصل قام مشى بعيد.. مهيد شايل تلفونه ومدنقر وكل مره يرفع راسه يحمر لي😹😭😹
بعد مشينا المكتب كدة زي الساعه ٣:٢٠ قلت ل مهيد عازماك قهوه بس بشرط فضفض لي شويه لانو زهجت منك وانت بتحمر لي😑"سفهني😑".. لحسن الحظ شايله رقم التلفون بتاع خالتو البتسوي الشاي😀اتصلت ليها قلت ليها تسوي لينا كبايتين قهوة و بتها ح تجيبها لينا😄بعد ربع ساعه كدة جابتها بتها حلاتها صغنونه🤤😘شلتها منها واديت مهيد وقعدت ف الكنبه الطويله جمبه وربعت رجليني ويديني 😹😹قلت ليو يلا انجز ي اصلي😀قال لي اقول شنو🐸💔قلت ليو بس اتكلم😀قال لي بس زهج و ضغوطات قلت ليو طيب مالك بتحمر لي قال لي عشان انتي وحده خفيفه وهبله و م خليتتي ليك واحد من اولاد الناس و حركاتك دي رجاء سوييها ف البيت جنك دا خليو في البيت ماا هنا😑قلت ليو لي مضايق😑😀قال لي شايفك بتسوي ف شي خطا عاوزاني اسكت واعاين ليك😑قلت ليو انت بس منفسن مف اي خطا ف الموضوع😹😹😹😹حمرر لي وخلف رجله قلت ليو طيب نفتح صفحه جديده و بليز م تحمر لي 😒👊قال لي بحاول بس بطلي حركااتك😑قلت ليو تمام😑👊
♡♡♡♡♡♡♡♡♡♡
ناس هديل كاللعاده طلعو من الجلسه والامتحان كان ظابط معاهم عشان كل القروهو مع بعض جا ف الامتحان😀بعد طلعت من الجامعه لقت ماذن واقف ليها بره سالها الامتحان كيف و بقو يتونسو واصر يرجعها البيت و في السكه اشترو ايسكريم بالنسبه لانو الجوو مووولع وبعدها مشو على البيت..... 💜
♡♡♡♡♡♡♡♡♡♡
عند آلسـآعه آلتآسـعه وآلنصـف
جات داخله البيت لاقاها اخوها الكبير😑قال ليها كنتي وين من الصباح😠"ماشه وبتترتح" قالت ليو كنت مع صحبتي ياخ الليله خطوبتها🤤😄😀قال ليها كل يوم والتاني انتي بره البيت وحات الله احبسك هنا تاني هوا م تشميهو عاوزه تجيبي لي الهوا ي بت م كفايه انو نحن عايشين برانا ماف زول مسؤول مننا ولا جايب خبرنا انا بالعافيه بحاول اشتغل واجيب مصاريف البيت وانتي ولا همك كل يوم تطلعي الفجر وتجي راجعه بليل تتبسمي براك وتكوركي مع روحك😠😠😠"دفرها ب يده ومشى طلع" هي دخلت اصلا ولا همها او بالاصح اصلا هي م عاقله لانها سكرانه واخوها م عارف انها سكرانه😹طلعت شنطتها وجدعت هدومها بعيييد ف الارض ورقدت ف السرير تضحك بصووت عاالي... اخوها جا داخل واشايل بستله الحليب ف يده قال ليها سخنيه وكبي لي.. م اشتغلت بيهو جا قرب عليها وفتح ليها عيونها لقاها حُممر😑💔قال ليها م تعملي لي روحك نايمه قومي سخنيهو و الهدووم المرميه في الارض دي لمييها.. عاين للهدوم ال شبه مقطعه و مشى دخل استحمى لمن طلع كورك ليها قال ليها رووونق سويتي الحليب .. م ردت مشى لقا الكبايه ف الطربيزه و هي نايمه ف الكنبه جاب غطى وغطاها😴هي صحت الفجر ودخلت تحت الدووش وبقت بتتزكر قالت ف سرها يوم حلو🤤اتزكرت الولد اللقتو ف الشقه وطريقه كلامه🤤تاني طلعت ومشت كملت نومها طوالي...
♡♡♡♡♡♡♡♡♡♡
عند ايهم..جا راجع من المستشفى الشغال فيها..اشترى من الصيدليه بخاخ بتاع ازمه لي امه عشان عندها ازمه..جا راجع البيت وسلم عليها وقعد معاها امه قالت ليهو غير هدومك عشان اعمل الاكل و كلم انجي تجي تساعدني😊قال ليها حاضر💙مشى دق الباب لي انجي بس م فتحت..قام فتحه براحه لقاها مركبه السماعات و مندمجه ف التلفون🐸جا عليها و طق طق ليها قال ليها بدق في الباب ساعتين😑قالت ليو هششش ياخ م وقتك🤤عاين للتفون قال ليها مالك بتحضري الصينين ديل!!🐸قالت ليو فيرست ي بيبي ديل م صينين ديل كووريين و ثانيا هم حلوين و كيوط عشن كدة بحضرهم🤤قال ليها ب استهتار ف فرق اصلا يعني بينهم ما كلهم واحد م عندهم عيون و قصار اموت واعرف كيف بيمشو و هم اصلا م عندهم عيون عشان يعاينو بيها😹😹😹😹قالت ليهو دا تنمر وبعدين هم الله م اداهم عيون لكن اداهم عقول وانت الله اداك عيون لكن م اداك عقل😒👊قال ليها بتفاهم معاك بعدين لكن هسي امشي ل امي وساعديها ف الاكل بدل تعايني لي مقصوفين الرقبه ديل😹قالت ليو مقصوف رقبه براك هسي انا كان لقيت لي كوري وعرسته يكون احسن لي من اقعد اعاين لي جلحاتك ديل عليك الله شوف خلقتك دي وبعدين تعال اتكلم فيهم اريتو لو اقدر ارفع فيك قضيه عشان يسجنوك بسبب تنمرك دا👊👊👊...
اتعشو و ايهم ختى البخاخ في سرير امه قال ليها ختيهو للحالات الطارئه وانا ماشي انوم كان احتجتي شي كلميني..قالت ليو نوم تصبح على خير💙قال ليها وانتي من اهلو💙
مشى غرفته و شال تلفون عاوز يتصل لي رزان بس كانت م بترد رسل ليها مسج ف الواتس"ليك فتره م بتسالي وينك اختفيتي اشتقت ليك لو زعلتي مني عشان قلت ليك جاي اتقدم ليك من ابوك خلاص م مشكله ممكن ناجل الموضوع شويه لحدي ما تجهزي اتمنى تردي لي 💙بحبك💙"...
من ناحيه رزان شافت المسج.. بتتكلم مع روحها قالت بكلمه الاسبوع الجاي يجي يتقدم لي😈وبعدين هو واثق فيني ف مستحيل يشك في شي😑لكن المشكله اني م بقدر اعيش معاه ياخ😑💔انا اصلا ولا بحبه بس ضياع زمن وهو جادي وعن نفسي م بقدر اعيش مع اهله ديل😓😑💔
♡♡♡♡♡♡♡♡♡♡
بمناسبه عدم الموضوع وماف موضوع عشان نزكره غير انه مهيد فتحو مكتبه وبقت علاقتنا قشطه و علاقاته شبه اتصلحت مع وليد والاحوال ماشة بافضل حال
.. بعد مروور اسبوووع...
يوم السبت بالتحديد....
الساعه السادسه والنصف مساء...
هديل قالت ليهم اخخخ واخيرا بكرا ح يكون اخر يوم للامتحانات😪الله يجيب اليوم دا بسرعه...شهد قالت ليها اميييين..سماح قالت ان شاءالله يطلع حلو ياخ...هند قالت ليهم قايز انا مصدعه وبما انو الليله خلصنا بدري ف خلونا نرجع البيت نرتاح ياخ😭هديل قالت ليهم دقيقه اكلم امي تسوي ليما شاي😀هبه قالت لالا مف داعي ياخ انا زاتي تعبت نمشي بعد دا...هديل قالت ليهم وعلي الطلاق م بتمشو الا تشربو الشاي😹😭😹😭 طلعت بره و جاتني قالت لي لوتس امي وين قلت ليها نايمه قالت لي بليييز ممكن تسوي لينا شاي بليييييز ياخ🙁💙قلت ليها تدفعي كم😏قالت لي بشتري ليك اي شي عاوزاه بس سوي لينا شاي قلت ليها زابط خليك قدر كلامك😹😹قمت من التلفزيون م قلت ليكم كنت بحضر في غامبول😄💙بعشقه ياخ يا ريت لو بقدر يطلع من التلفزيون عشان اعرسه ونجيب اطفال منغوليين😹😹😹مشيت ظبطت الشاي و سويت لي روحي و للحاج معاي..ناديت هديل شالته و شلت كبايتي و كبايه الحاج..مشيت ليو في الصالون و كالعاده بيقرا في الجريده🐸قعدت وبقيت بعاين ليو و بشرب🐸قال لي مالك قاعده بادب كدة😹😹قلت ليو عدم موضوع تقول شنو بس🐸...
..بعد البنات شربو الشاي قالو يمشو بعد دا.. سماح اتصلت لي اخوها بس م بيرد ضربت ليهو تاني.رد ليها بعد مسافه قالت ليو انت وين ياخ...يعني م ح تجي هسي...بتخلص بتين...ح تجي متاخر يااااخ طيب خلاص مع السلامه بتصرف..قالت للبنات قال مشى يلعب كوره و ح يتاخر ف شنو ناجر امجاد ونمشي هديل قالت ليهم طيب بضرب لي ماذن دقيقه..هند قال ليها جننتيهو الولد دا😹😹هبه قالت ليها يكونو عاوزين يخلطو و كدة ف شنو ي بنات اتجلو خلوهم يتونسو حبه ونقوم بعد مسافه نطلع نخرب ليهم ونستهم😹😹😹هديل قالت ليهم هاهاهاها ظريفات يلا..شهد قالت ليهم انا اخير لي اركب ركشه واتخارج منكم لانو انتو ماسورات و بالطريقة دي بنرجع البيت الساعه 10😑😑..هديل قامت واتصلت علي ماذن قال ١٠ دقايق وييجي...لمن جا هديل قدمتهم بره وسلمت على ماذن من بعيد والبنات ركبو معاهو...
♡♡♡♡♡♡♡♡♡♡
💜"لم نعد نطمح لشيء أكثر من دائرة سلامٍ صغيرة تأوينا."💜
#يتبع
#خليك_في_البيت
