انا علي اوبوي عثمان وامي نازك وانا اكبرهم14سنه
واصغر مني اريج ومجيب الصغير 3سن ابوي شغال في ارض زراعيه بتاعة عمي احمد عمي احمد زول طيب شديد عارف وضع ابوي كعب بس مرتو ولاولادو كعبيبن شديد ما برضو لينا الخير وما عاجبيهم انو ابوي ماسك المزرعه المهم ابوي مكفينا خضار من المزرعه وكان حالنا مستور والحمد لله رغم مضايقة ناس اولاد عمي لينا بالكلام والطعن وامي كانت ما راضيه وانا مره ماري بجنب غرفة ابوي سمعتا امي بتقول لي ليهو ي عثمان كدا كفايه انا بقيت ما قادر استحمل كلام مرت اخوك دي خلي المزرعه دي وشوف ليك شغل تاني ابوي قال ليها ي وليه اشوف شغل وين وبعدين دا اخوي الكبير اخلي كيف واوع اسمعك تقولي الكلام دا تاني لانو احمد لو سمع ما ح يخلي ناس بيتم نسيت اقول ليكم عمي عندو بيت اسمها نسرين كانت طيبه شديد ما زيهم خالص كنا بنمشي المدرسه سوا كنت برجاها قدام بيتم ب حبه كدا عشان امها ما تشوفني لانها ما بتريدني ونسو كانت صحبتي شديد كنا بنمشي يومي فرحانين نحنا الاتنين سوا هي كانت بتشيل معاها الفطور وانا كمان بفطوري كنا بنفطور سوا انا كنت مره مره بيدوني جنيه جنيهين وهي كانت بيدوها 5ج وانا كنت بوفر جنيه كلو يوم ويومي الباخد فيهو جنيه ما بشتري بيهو حاجه ونسو كانت بتشتري لي معاها ونا كنت ما بشيل منها لاتو امها كانت بتقول ليها ما تمشي معاي ولا تديني حاجه وهي كانت بتقول لي القروش دا ما حقة امي ابوي اداني ليهو وبعدين نحنا اصحاب بعداك بشيلا منها .....
