بعد اولي تاني ما قابلتها في الاجازه عشان كنا لا بنمشي ليهم ولا بيجونا الا عمي احمد كان بيجي ونسو امها ما بتخليها مرت الايام وحالنا كان ماشي كويس
والمدرسة فتحت مشيت تانيه طبعا القروش الكنت بلمها للعجله ما اشتريتا كلو يوم بقول الليله بكره وما قادر امشي اشتريها والمشه مع الصحاب امونا كانت واضحه عشان كدا ما ختيت بالي كتير في العجله لاكن القروش ما هبشتها خالص
في يوم كدا جيت من المدرسه لقيت ابوي طالع قال عمي احمد وقع جاهو جلطه ما شين المستشفي خليك في البيت وما تطلع احتمال ابيت هناك اها بقيت احسي بالمسؤوليه
واريج خوافه شديد وابوي ما جاء امي قالت خلاص ح يبت هناك اريج ومجيب بيتو مع امي جوا وانا كنت في الحوش قريب لباب غرفتم والبرده بتاع الغرفه والصباح مشيت المدرسه وجيت امي. قالت ابوك جاء شال ليهو كم غيار كدا ومشي وقال ليك امشي للبهايم وانا ماشه المستشفي وسايقه معاي مجيب واريج ح تمشي ل صحبتا عند الجيران
قلتا ليها سمح قالت لي غداك جاهز و اريج ح تجي تختو ليك وتتغدا معاك وحتمشي وطلعت مشت المستشفي وبعد الغداء مشيت المزرعه للبهايم. وبعد رجعتا البيت لقيت امي وابوي جو قلتا ليهم اها عمي كيف قالو لي تعبان شديد وبقي الجزؤ الايسر ما بتحرك يعني شبه اتشلا امي قال سمعتا الخريم بيقولو دا كلو من مرتو زعلتو شديد قلتا لي ابوي مالك جيت قال عشان الزراعه ما تموت ح اشوفا بكره وارجع تاني واريج الخوافه فرحت عشان ابوي جاء ح يبيت
الصباح فتا المدرسه وجيت امي قالت ابوك فات ومجهز ليك قش البهايم امشي اديهم وتعال قالتا ليها خلاص ارتاح حبه كدا وبمشي قال اي امشي بعد الغداء وقالت الله يكون في عون عمك حالتو ما اتحسنت.
ومره اسبوع علي هذه الطريقة لحد ما يوم رجعت من المدرسه لقيت ابوي في البيت وشو متغير قلتا ليهو مالك قال قروش العلاجه نقص ومافي حل الا ابيع جزو من البهايم ولا عمل شنو ما عارف قلتا ليهو بيعو البهايم بتجي بس عمي احمد ما ح يجي اذا راح قال لي كلامك صح وقال لي نسرين بتسلم عليك قلتا ليهو الله اااااالله يسل سلملا وقالت مالو ما جاا قلتا ليها بيجي من المدرسه بيشمي المزرعه قالت ليك الله يعينك قالتا ليهو الليه يعين الجميع وسلم عليها وقول ليها كفاره لابوك
وفعلا ابوي باع جزو من البهايم عشان علاج عمي ما يقطع ومره اسبوعين والوضع زاد سو اكتر وعمي حالتو ماشي الي الاسو وباع باقي البهايم بس خلا اتنين وبقي ما مهتم بالزرعه كتير
الي يوم جيت من المدرسه لقيت البيت فاضي....
