مشي المزرعه لقى الوضع كعب الزراعه عطشانه والمزرعه عايزه نضافه اول يوم زقا الزراعه ورجعا اها قلتا ليهو ي ابوي بعدا انزل معاك اساعدك في المزرعه قال لا ي ولدي شوف قرايتك بس دايرة بعدين تشيل مني تبقى دكتور ولا مهندس لاني كنت متفوق في دراستي ما داير يخليني انشغل بالزراعه عشان مستواي في المدرسه اها بقى كلو يوم يمشي ينضف ويسقي وضع المزرعه اتحسن شويه وناس نسرين لسه ما ظهرو لسه متأثرين والغنماتين الما باعوهم وحده في ولدت وبدل اتنين بقو اربعه وابوي بقى يجيب لبن معاهو وبقي عندنا برنامج ثابت في المساء شاي مغرب ونسه كلنا بكون قاعدين ومجيب مبسوط لانو كان بشرب لبن وابوي كلو فتره بسالنا انا واريج الدراسه كيف ناقصين حاجه ولا عايزين حاجه وكلنا بنقول لا فعلا ابوي في موضوع الدراسه ما كان محوجنا لحاجه قال لينا شدو حليكم انا ما حاعيش ليكم وعشان تعيشو احسن من الوضع دا قلنا ليه لا لا ي ابوي نحنا مبسوطين كدا وبعد عمر طويل ان شاء الله قال كويس شدو حليكم بس اهو كلنا عايش بعد فضل الله بي اهتمام ابوي وكلام السمح ودعوات امي وابتساماته في كل المتاعب عشان ما تحسسنا بشي قمتا قالت لي ابوي والله انا من بدري كنت بوفر في قروش عشان اشتري عجله وانا بقيت ما محتاج عجله وف عايز اشتري ل مجيب وحده ضحك وقال لي ما شاء الله تمام ما عندك مشكله انا يوم الاربع ماشي السوق ح اجيبو معاي قلتا ليهو تمام واديتو القروش وجا يوم الاربع فات السوق وانا مشيت المدرسه جيت راجع لقيت مجيب فرحان سايق العجله جوا البيت واريج برضو مبسوطه لانو ابوي بالباقي جاب ليها شنطه صغيره كدا بتاعة بنات وليقت ابوي من عندو جاب لي فنله واسبورت عشان المدرسه وكلنا فرحنا الفرحه كانت عند مجيب وامي اكتر حاجه لانو امي قالت كدا مجيب لقى الينشغل بيهو .
مرت الايام وكنا عايش في انبساط كبير وحلصت ثانوي ومشيت الجامعه هندسه نفط زي ما ابوي كان متمني
وبعدها بدت المشاكل تظهر اول مشكله هي.....
