والصباح قام صبح علينا وعلي اريج في اليوم دا اريج وما مشت المدرسه كانت بتغيظ فيني بقول لي ولا ماشه المدرسه وهي ما عارفه انو انا مبسوط من مشيت المدرسه عشان بمشي مع نسو(نسرين) نسو قالت لي سلامت اريج امس سمعت ناس امي بيقول لغدتا عرب قالتا ليها اي كنت جايه مع ابوي امي ابت تخليني اجي وكانت بتقول لي ابوي نحنا ما ماشين وانت زاتك ما تمشي كفايه الانت ماديهم الارض اصلا ما بيستاهلو وابوي قال ليها استغفر الله العظيم وطلع
قالت ليها ما مشكله ارح سريع الليله اتاخرنا وانا كنت بقول ليه الناس ديل بيكرهونا كدا عشان شنو ي ربي في مشاكل حصلت بدري بين امي وهي ولا الحاصل شنو ولا عشان مزرعتهم لحد ما وصلتا المدرسه الموضوع شالغني وفي الطريق ما اتكلمتا مع نسو بالتفكير الكتير
المهم وصلتا المدرسه اخدتا لي جلدتين عشان التاخير ونسو برضو اتدقت وبقت تبكي زعلت عشان اتدقت واخر اليوم ونحنا راجعين اعتزرتا ليها وقلتا معليش اتدقتي بسببي ضحكت وقالت لالالا انا اصلا اتاخرت في الطلعه وما مشكله بعدا داك ضميري ارتاح نسو كانت بتعرف تحنكني سمح وبتقنعني بكلام.
المهم مرت ايام علي المنوال بخيرو وشرو ومشاكلو وطبعا ايامنا الحلوه انا نسو وزمن المدرسه وايامنا الجمليه والذكريات
ونجحنا مشينا الثانوي بقيت انا براي بمشي وهي بتمشي براها
وقبل ما المدرسه تفتح كنا بتقابل طوالي في المزرعه يعني في الاجازه اخر فرح واخر ونسه وضحك
وكنت بعمل فيها مقالب طوالي ولانها خوافه وبتخاف من اي شي وبقعد بضحك عليها والشي السمح انو اخوانا نهائ ما كان بيجو المزرعه
اها بعد ما المدرسة فتحت بيقنا ما بنشوف بعض وما بنتقابل نهاي للنو سكة الندرسه مختلفه وبقيت اشوف المشوار بعيد والقرايه ما حلوه زي زمان زي تقول كدا كنت بقرا عشان نسو
بس الاصحاب الجدد كانو شالين من همومي حبه ومصبرني علي القرايه
في يوم الجمعه جات المزرعه لابسه توب يعني خلاص كبرت وبقت في الثانوي وكدا وانا من شفتها الفرحه ما فارقتني ونسهات تقيله واتفقنا كلو تلاته اخر اليوم نتقابل في بقاله كدا في نص المسافه بيني وبينا.
وفعلا اول يوم اتقابلنا ان بالفرحه عايز اموت اشتريت ليها اسكريم واخر قسقسه وضحك طبعا ما قعدنا كتير عشان ما تتاخر في البيت ويشاكلوها في البيت مرت الايام وبقي اسعد يوم يوم التلاته
لحد ما خلصته اولي مشينا تانيه ثانوي....
