بقيت هامي على الأوضاع تبقى كعبه والظروف تمشي إلى الاسو و التفكير بقى كتير وزايد زي المساكني وسواس قهري
جاري في التفكير كدا لحد ما شالتني نومه بالتفكير الزايد.
المهم صحيت وقومتا صليت ركعتين لله وقلتا اخليها الكريم
نزلتا الدوام كالعاده ما في شي جديد ال غير انو الشهر الفائت ما مشيت البيت لانو الشغل كان ضاغط وكدا الشهر قرب يخلص والشغل ما كتير وقالو في الحوافذ المره دي عشان الشهر الفائت ما مشينا أهلنا والشهر عدي وجا وقت السفر استلمنا مرتبتنا والحوافذ وسافرنا أهلنا.
وصلت السوق شلتا معاي خضار وفواكه ومشيت البيت والأشواق سألت علينا ونسات شديده لانو طولتا المره دي
المهم قلتا وامي جابت شاي المغرب كدا وبديت ونسه مع أريج ومجيب والدراسه أخبار ايه وان شاء الله ماشه تمام قالت الحمد لله ماشي الحال قلتا ليها اها محتاجه حاجه في المدرسه قالت لا والله ما محتاجه كتر خيرك انت وابوي ما مقصرين في الشي وبدو يسألوني اها الشغل كيف والناس تعاملهم كيف قلتا ليهم كلو كويس والحمد لله صلينا العشاء قلتا ليهم انا تعبان داير انوم امي قالت ما ما تتعشاء وتنوم قلتا والله فل تسلمي كتير ومشيت اخدتا لي نومه للصباح
الصباح كدا قمتا لفيت على ناس الحي ورجعتا قريب الفطور لقيت المفاجه الكبري
تتخيلو لقيت نسو قاعده مع امي ما عرفتا اعمل شنو البت بقت حلوه شديد وكبرت امي قالت لي تعال سلم لا عرفته ابدا اسلم كيف السلام ولا اهلا ولا مرحبا ولا اقول شنو المهم
بدون تفكير قلتا اوووووو نسو اخبارك وانتهينا من السلام قعدنا نتونس انا وهي امي طبعا قالت جات بدون ما امها تعرف وامي قامت على الفطور اها خشينا في الحاصل معاك شنو وايه الاختفي دا واها وانت الجامعه معاكي كيف ماشي الحال و الحمدلله وانت مالك خليت الجامعه قلتا ليها ما خليتو بس جمتا عشان اساعد ابوي حبه وافر مصاريف الجامعه قالت ااااا ربنا يعينك قلتا ليها ما عملتي تلفون قالت عملتا قلتا اشيل الرقم قبل ما امي تجي وانا تلفوني ما ما معاي خليتو طلعتا قلتا ليها خلاص سجلي رقمي سجلتو خليتا مشيت جنب امي شويه كدا امي نادتني الفطور شليتو مشيت ناديت ابوي من الدكان للفطور وجاء فطرنا وشرب الشاي قال عندو نومت نص ساعه كدا بعد الفطور نام وانا مشيت على التلفون ما لقيت مكالمه من رقم قريب.
شويه كدا نسو وامي جو طالعين وامي قالت لي امشي وصلا على الموقف طعلنا مشينا الحاصل عليكم بعد وفاة عمي امي كيف بتتعامل معاكم وكدا وكدا طبعا بقيت تقيل ما سألتها عن الرقم ما عملتي مسكول ليه
المهم وصلتها الموقف وانتظرتا العربيه لمن تتحرك بعد داك مشيت وأثناء ما انا ماشي جاي اتصال.....
