المفاجاء انو لقيت تلات حجار دهب محل ما كنتا بخت الاكل للغراب وبعد ما شركتا الله وحمدتو اتصلت على ابوي رد قلتا ليهو والدموع نازله مني ابوي الله فرجا علينا الله فرجا علينا ي ابوي خلاص ح وضعنا ح يبقى احسن نحنا ح نبقى جلابه وابوي بيقول في شنو ي ولد الحاصل وبقول الحاصل كلو خير وانا سامع امي مخلوعه كدا بتقول في شنو ي عثمان قلتا ليهم لقيت دهب خلاص انا حارجع الجامعه ي ابوي وابوي بيكبر وامي بتزغرد والفرحه خش في نفوسهم واريج شكلا كدا بدون ما تعرف الحاصل بقت تزغرد هي كمان وقلتا ليهم بكره انا جاي
شلتا الدهب ومشيت الاستراحه و يت اصحابي وكلهم أن صدمو وقالو لي انت خلاص حتبقي جلابي درجه اولى قلتا ليهم أن شاء الله وانا بكره ماشي اهلي وبديت اجهز قالو لي ي زول اهدا كدا وخلص الشهر دا قلتا ليهم لا جهزتا الملابس والصباح طوالي فاتا وصلتا البيت فرحه زي دي ما حصلت زغاريد ودموع فرحه انو خلاص متفارقين الحياة الكانا عايشنها وقعدتا حكيت لهم القصه لقيتو كيف وقلتا ليهم ح اشوف سعر الدهب احسن وين وامشي ابيعو لقيت احسن ابيعو في الخرطوم
قالو لي تمام اليوم البعد طوالي مشيت الخرطوم بعتا أنتنين منهم ما اتخليتا القروش يكون كدا وطوالي فكرتا ارحل الخرطوم نسكن هناك وما و يت ناس قلتا اعمل مفاجأة ليهم لقيت بيت طابقين اشتريتو واحد نسكن فيهو واحد ناجرو
واشتريت ليهم ملابس ل ابوي وامي واخواني واشتريت لي عربيه بوكس دبل كاب طعبا اتعلمت السواقه في محل الشغل
ومشيت البيت بالعربيه وصلتا كدا دقيت بوري قدام البيت طبعا دي حاجه غريبه عليهم ابوي طلع لقى العربيه بالفرح دمعو نزلت وحضني بدون كلام دموع بس وانا بقول الحمد لله الله كريم وامي جات برضو فرحانه وبتزغرد واريج ومجيب فرحانين قلتا لي أريج في هدايا في العربيه نزليها ما صدقت وجرت على العربيه لقيت ملابس كتيره ليهم ولقت تلفون كان حقها والفرحه فينا ما طلعت ابدا وجا المغرب ومع الشاي قلتا ليهم انا اشتريت بيت طابقين في الخرطوم وعايز نرحل فيهو أريج وامي فرحو وابوي قال لا كلنا بصوت واحد ليه قال انا اتربيت هنا و ربيتكم هنا وعايش حياتي كلها هنا وما بنقدر نعيش في الخرطوم والعيش هناك قالو صعبه وفي حراميه بقيت اضحك الحاجات دي في الأحياء الطرفيه لاكن البيت في حي راقي وقالت ليهو عشان الجامعه زاتو قريبه والبيت الهنا بناجور بعفشو دا وقال لي اها نمشي نقعد هناك ب شنو ضحكت وقلتا ليهو ي حاج البيت مفروش وجاهز قال اها ناكل ولا نصرف من وين وانت ماشي الجامعه قالت ليهو ي ابوي انا مدبر اي حاجه البيت طابقين التحت بناجرو والتفوق نحنا بنسكن فيهو عشان تعقد في الصطوح العصر كدا أو قدام البيت عشان ما تزهج فكرا وكدا قال تمام قالت ليهو خلاص طوالي شيلو اي حاجه عايزين تلومهم الا العفش خلي هنا والناس العزيزين العايزين تودعهم ي ابوي امي امشو ودعهم ولا ي أريج ودعي صحباتك وبكره ح نمشي ابوي قال بكره كيف ومالك مستعجل كدا قالت ليهو ي ابوي تاني شنو البيقعدنا
هنا قال ياخ خلينا وندع الله سمح قالت ليهو ياخ ح تجي زيارات قال كان كدي سمح نمشي بكره خلاص امي واريج ديل اكتر ناس فرحانين احتمال بالفرح ما نامو زاتو الصباح أصبحنا ومشينا الخرطوم.......
