وصلنا كدا وبقو سارحين في المناظر والبيوت العاليه والعربات الكتيره والبنات المعاشات في الشارع مستغربين كدا لحد ما وصلنا البيت وقفتا قدام البيت كدا أريج قالت كدا البيت بندهاش كدا قالت ليها ياهو زاتو قالت فظيع وامي قالت الحمد لله بعد العسر يسر قلتا ليها الحمد لله ي امي وابوي قال ذلك الفضل من الله طلعنا البيت السلم خارجي وفتحتا الباب البيت ما شاء الله امي قالت مالو نضيف كدا قالت ليها اي قبل ما تجي جبتا وحده نضفت ورتبت يعني البيت جاهز وانا جبتا خضار وفواكه في التلاجه و يتم البيت وقلتا ليهم العايز يخش الحمام يخش والدار يتفرج على البيت يتفرج انا ماشي قريب وجاي طلعتا مشيت جبتا اكل جاهز وجيت فطائر وبيتزا ودجاج وكدا امي قالت دا شنو نحنا ما بناكل الاكل الجاهز قالت ليها انا زاتي ما بدورو بس عشان دا اول يوم الدفتر وكدا من بكره تتطبخي أريج قال المطبخ احسن من حلتنا زاتا شي كدت يشهي الواحد يطبخ قالتا ليها يلا من بكره تورونا فنياتك وانت وامي وانا ح اشوف ليك مدرسه سمحه كدا مستواها عالي عشان انت السنه دي ممتحنه ونشوف مدرسه لي مجيب واي واحد داير حاجه ويوريني وقلتا لي امي استحملي الوضع كدا لحد ما اخلص جامعه واجيب ليك شغاله قالت بري شغاله شنو ما دام فينا الحيل بنشتغل برانا قالت ليها ثمح
المهم نزلنا جامعه والدراسه زاتا بقت بنفس وكنتا بروف الدفعه
وابوي اتعرف على جيران وامي برضو واريج عملت صحبات جداد ومجيب برضو وبقو متعايشين مع ناس الحله واريج خشت الجامعه متفوقه خشت طب قبل ما تخش الجامعه سقتها السوق هي ومجيب جبتا ليها ملابس العايز اها ولي امي كم توب وابوي كم جلابي وعراقي كدا واخر انباسط
خلصتا جامعه بتقدير ممتاز مرتبه الشرف وطوالي اشتغلتا والحمد لله والوضع بقى احسن زياده مع المرتب وبتاع الاجار
وجبته شغاله لي امي وما كنت بلاقي زول كدا ومحتاج وافوتو ساي ودا كان سبب الأنا العشتو
والمفاجاه الأكبر في حياتي قلتا لي ابوي داير اعرس بت عمي نسرين طوالي قال لي موافق ونمشي نتقدم وامي قالت مع ان هم ما يستاهلو لاكن هي ما زيهم هي زي ابوها طيبه
ومشينا اتقدمنا وطبعا هم عرفو انو نحنا رحلنا الخرطوم بقينا جلابه اول حاجه اعتزو عن تعاملهم السابق وكدا وقالو موافقين حدد اليوم بس حددنا اليوم والا اليوم دا والعرس تما
فرحتي تمت وبقينا عايشين في سعاده لا توصف وفرحه
لا تيأس مهما كان باب رزقك قليل سوف يأتي الفرحه فقط زد إيمانك وثقتا بالله انهو هو الإرهاق الكريم
النهايه
