Beyond the Pain(Completed)

အပိုင်း-၁၅

Unicode

အခန်း-၁

အမှောင်ထဲမှာ ဦးတည်ရာမဲ့ လမ်းလျှောက်ရင်း အသံတစ်ခုကိုကြားလိုက်မိသည်။

"ဂျီမင်းလေး...."

နူးညံ့လွန်းတဲ့ ခေါ်သံကိုကြားလိုက်ရချိန်မှာ ဂျီမင်းနှလုံးသားတစ်ခုလုံး အေးချမ်းသွားတယ်။

"အစ်ကိုအရမ်းလွမ်းနေပြီ ကလေးလေးရဲ့...."

နီးသွားလိုက်ဝေးသွားလိုက်နဲ့ ကြားနေရတဲ့ ဒီအသံဟာ~အစ်ကို့အသံပဲ။ ​ အသံနောက်ကို အပြေးလိုက်ရင်း မောဟိုက်လာပေမယ့်
မရပ်နားဘဲ ဆက်ပြေးပြီးနောက်မှာတော့  အဆုံးမဲ့ချောက်တစ်ခုထဲကို ပြုတ်ကျသွားသလို ခံစားလိုက်ရတယ်။

"အစ်ကိုနမ်ဂျွန်....."

ဂျီမင်းနှုတ်ဖျားက ခပ်တိုးတိုးအသံလေးထွက်လာတယ်။

"ဂျီမင်းလေး ......ကလေးလေးသတိရလာပြီလားဟင်"

ကြားလိုက်ရတဲ့ အသံကြောင့် အားတင်းပြီးမျက်လုံးကို ဖွင့်ကြည့်လိုက်တော့
သူ့ကို မျှော်လင့်တကြီးကြည့်နေတဲ့ အစ်ကို့ကိုမြင်လိုက်ရတယ်။

သူသေသွားပြီမဟုတ်ဘူးလား~ အဆိပ်ပါတဲ့ဆေးလုံးကို သူသောက်လိုက်တယ်လေ....ထင်ယောင်ထင်မှားဖြစ်နေတာများလား...တစ်ယောက်ထဲမေးခွန်းတွေနဲ့ ချာချာလည်နေတုန်း အစ်ကိုကသူ့ကိုနူးနူးညံ့ညံ့ပြုံးပြလာတယ်။

အခန်း-၂

"အဲ့ဒီတော့ အစ်ကို သိရဲ့သားနဲ့ ကျွန်တော့ကို ညာတာပေါ့လေ ဟုတ်လား"

နှုတ်ခမ်းစူပြီးပြောနေတဲ့ ဂျီမင်းရဲ့ နဖူးလေးကို နမ်ဂျွန်ခပ်ဖွဖွနမ်းမိတယ်။

"စိတ်မဆိုးပါနဲ့ ကလေးရယ်နော်"

တကယ်တော့ ထယ်ယောင်းစုံစမ်းပေးလို့
ဂျီမင်းရဲ့အကြောင်းကိုသာမက အစ်ကိုတော်ယိုဟွာမင်းသားရဲ့ အကြံအစည်တွေကိုပါ
သူအကုန်သိပြီးသားဖြစ်သည်။ တောင်ပိုင်းကို စစ်တိုက်မထွက်ခင် ခမည်းတော်ကိုအကုန်ဖွင့်ပြောပြခဲ့သည်။

သူ့ကို မင်းတစ်ပါးဖြစ်စေချင်တဲ့ ခမည်းတော်ဟာ နမ်ဂျွန့်သဘောကို လက်မခံနိုင်ခဲ့။  ဘယ်လိုမှသဘောမတူနိုင်တဲ့ ခမည်းတော်ကြောင့်  အပေးအယူတစ်ခုလုပ်ဖို့ နမ်ဂျွန်ဆုံးဖြတ်ခဲ့သည်။