[Zawgyi]
"""အဓိကဇာတ်လိုက်ထံတွင် ကျရှုံးခြင်း"""
"ဘယ်ရောက်သွားတာလဲ?? ဟေ့လူ....
စာအုပ်ထဲတကယ်ဝင်သွားတာလား?"
အခုတော့အခန်းထဲမှာ ရိပေါ်တစ်ယောက်တည်း....။
"ဟေ့.... ရိုမီယိုဆိုတဲ့လူရေ.... "
စာအုပ်ထဲပြန်ရောက်သွားလို့ သူခေါ်တာကို
မကြားတော့တာများလား?
"ရိုမီယိုရေ.... ရိုမီယို။
ဝင်ပြပြီးရင်လဲ ပြန်ထွက်လာဗျာ... "
ဒီရိုမီယိုကတော့ ရိပေါ်ပြောတာကို
တကယ်မကြားလေသလား...။
"ရိုမီယိုရေ... ထွက်လာပါဦး။
ကျွန်တော်မေးချင်တာတွေ ရှိသေးလို့။ ရိုမီယို..... "
ရိပေါ်ဟာ အိပ်ရာဘေးမှာရိုမီယိုချထားခဲ့တဲ့ ဝတ္တုစာအုပ်ကို တဖျပ်ဖျပ်ခေါက်ပြီး ခေါ်နေတယ်။
တကယ်ဆိုရင် ညကြီးမင်းကြီး
သူတစ်ယောက်တည်းရှိတဲ့ဆေးရုံခန်းထဲမှာ....
ဒီလိုထူးဆန်းတဲ့ကိစ္စကြုံတွေ့တာကို ရိပေါ်ကအကြောက်အလန့်မရှိဘူး။
-----------------------------------------------------
နောက်ရက်တွေမှာ ဝတ္ထုစာအုပ်ကိုဖွင့်ပြီး တစ်နေကုန်ထိုင်ခေါ်နေပေမယ့် ရိုမီယိုဟာ ယောင်လို့တောင် ပေါ်မလာပါဘူး။
ရိပေါ်ဟာ ရိုမီယိုများထပ်ထွက်လာမလားလို့ စောင့်ရင်း စာအုပ်ကို libraryဆီသွားပြန်မအပ်တာ တစ်ပတ်ကျော်သွားပြီ။
"ထွက်မလာလဲနေပေါ့....
အဲ့စာအုပ်ထဲမှာပဲ အရိုးဆွေးအောင်နေနေလိုက်!!"
လိပ်ခေါင်းထွက်အောင် အော်ခေါ်ရင်တောင်
ထွက်မလာတဲ့ ရိုမီယိုကို
ရိပေါ်လဲ ဆက်မခေါ်ချင်တော့ပါ။
ဒါကြောင့် ညနေကျရင်တော့ စာအုပ်ကိုသွားပြန်အပ်ဖို့ ဆုံးဖြတ်လိုက်တယ်။
ဒီနေ့က ဆရာဝန်တွေ သူ့ဆီလာစစ်မယ့်နေ့မဟုတ်ဘူး။
အိမ်တော်ထိန်းကြီးကလည်း ကိစ္စရှိလို့ မနက်ကတည်းက ပြန်သွားပြီ။ အဲဒီတော့ ဒီနေ့က ရိပေါ်အတွက် အကလေ့ကျင့်ဖို့အခွင့်ကောင်းပဲ။
မကဖို့ ဆရာဝန်တွေတားမြစ်ထားတဲ့ကြားက
နာရီဝက်လောက် အကလေ့ကျင့်ပြီးချိန်မှာ သူအရမ်းမောနေပြီ။ ခဏကြာရင်အမောပြေသွားမှာပဲလို့၊
မောတာကို လျစ်လျူရှုပြီး သူToiletဝင်တယ်။
