[Zawgyi]
"""ဇာတ်လိုက်ရဲ့ ကံကြမ္မာကို ပြောင်းလဲခြင်း"""
တစ်နေ့တစ်နေ့ ရိပေါ်တစ်ယောက်တည်းပျင်းတယ်။ စိတ်ဝင်စားတာ လုပ်ဖို့ကလည်း၊ ရိပေါ်စိတ်အဝင်စားဆုံးက အက၊ ပြီးရင် စကိတ်။ အဲဒီ၂ခုလုံး အခုလုပ်လို့ မရပြန်ဘူး။
အဲတော့ နောက်စိတ်ဝင်စားရာဆိုရင် ရိုမီယိုပဲရှိတော့တယ်။ အဲ့လူအကြောင်းကို သူအများကြီးစိတ်ဝင်စားတယ်။ သိချင်တာတွေ၊မေးချင်တာတွေလဲ တပုံကြီး။
ရိုမီယိုက စာအုပ်ထဲကနေ သူ့ကိုတော့ မြင်ရပြီး
သူကျတော့ ရိုမီယိုပြန်ဝင်သွားရင်
အထဲမှာဘာလုပ်နေလဲ မမြင်ရဘူး။ မမျှတလိုက်တာ။
စောင့်ကြည့်နေမှာနော်ဆိုတဲ့ စကားကြောင့် ဘေးမှာရိုမီယို မရှိတဲ့အချိန်မှာတောင် သူမကရဲဘူး။ စကားနားမထောင်ရင် စာအုပ်ထဲက ထွက်မလာတော့ဘူးလို့ ပြောထားတာကြောင့်လဲပါတယ်။ ထပ်ကလို့ နောက်တခါအမောဖောက်ရင် သူအသေပဲဆိုတာလဲ ရိပေါ်သိတယ်။
ပြီးတော့ သူ့ကိုအက မကဖို့ ပြောတဲ့ရိုမီယိုဆီကနေ ရိပေါ်တစ်ယောက် ကတိတစ်ခုရလိုက်တယ်။ အဲဒါကဘာလဲဆိုရင်သူလှမ်းခေါ်တဲ့အချိန်တိုင်း ရိုမီယိုက စာအုပ်ထဲကနေထွက်လာပေးရမယ်။ ၅မိနစ်အတွင်း အရောက်လာရမယ်။
ပေးထားတဲ့ကတိအတိုင်း...
ရိုမီယိုက သူခေါ်တဲ့အချိန်တိုင်း တကယ်ရောက်လာပါတယ်။
ဟိုနေ့ကရတဲ့ ခေါင်းဒဏ်ရာကြောင့် လှုပ်ရှားဖို့မလွယ်ကူတဲ့နေ့တွေမှာ ရိုမီယိုကအဖော်ပြုပေးခဲ့တယ်။ ထမင်းစားတာ၊ အဝတ်လဲတာ၊ အိမ်သာသွားဖို့လိုက်ပို့ပေးတာ စတာတွေကူညီပေးရင်း ရိုမီယိုက ရိပေါ့်ရဲ့လူနာစောင့်လို ဖြစ်လာတယ်။ ခေါင်းပတ်တီးဖြည်လို့ ကောင်းသွားတဲ့အချိန်မှာတောင် သူကရိုမီယိုဂရုစိုက်တာကို ခံချင်တုန်းပဲ။
ကြာလေ ရင်းနှီးလာလေ၊ ရိုမီယိုက သူ့ကိုအလိုလိုက်မှန်းသိလာလေ၊ ရိုမီယိုကို စာအုပ်ထဲပြန်မဝင်အောင် ဆွဲထားချင်လေပဲ။ ဘာလို့ဆိုတော့ ဝတ္ထုထဲကဇာတ်သိမ်းလို ရိုမီယိုကို အချစ်ကြောင့် အသက်မသေစေချင်ဘူး။
အဲဒါကြောင့် ရိုမီယို အမျိုးသမီးဇာတ်ကောင်နဲ့ မချစ်မိရင် ကောင်းမယ်လို့ ရိပေါ်တွေးမိတယ်။
