ما لم يكن في الحسبان

الحلقة 1

/////////////////

مدينة الحب أمشي في شوارعكِ
وأنا أرى الحب محمولاً بأكفانِ
يا لوعةَ القلب، أخذتْ شكل مقبرةٍ
وأهل بيتي استعاروا حقدَ عدواني حدائقُ الحب، لا وردٌ ولا شجر
وما البيوت سوى ثكنات سجانِ

الكاتبة: فاطمة عبدعلي

//////////////

18_4_2015

:يمه كافي كافي كلساع كومي نظفي كومي اشتغلي كومي سوي عصير والله تعبت هاي لو بيبي الله يرحمها مو جانت مدللتج ليش اني هيج هاا احجي ست نور

كاعدة متربعة بنص جربايه امها وتحجي بحركَة من كل كَلبها

نور: هههههههه ولج جا اني ما امدللتج ملابس وجنط واكل وغرفة وحدج باعي اتكومين لا اكسرج هيج اجازيني وجازين تعبي وياج لج كلج 16 سنة وينج وين التعب اني ابكدج اركض ركض بس هذ؟

:يووي منج كايمة كايمة بس سكتي الله يرحمك يا ابوي اشلون جنت متحملها
ااخ يممممه ههههههههههه

كَامت لكن من فاتت ضربتها على راسها رادت تنزع النعال لكن ركضت بضحك

كملت زهراء كلشي وتسمع اغاني صارت
بال 4:56 العصر

سبحت ومباشرة لغرفتها
اتمددت بدشداشتها العريضة وشعرها المبلل على الجربايه
اخذت فونها وهيه اتشوف مسج احد

؟؟: اريد اشوفج ما اطلعين

استغربت لمحتوى رسالة هذا الشخص
ردت ما مهتمة اهواي
:منو حضرتك

تركت فونها وتباوع على السكف لكن سرعان ما كضت الفون لمن سمعت صوت الاشعار ...ضحكت على روحها لكن الصدمة

؟؟: اني ياسر زهراء
اتسارعت نبضاتها هيه معجبة بيه بس منو يكول هو
: يا ياسر؟
ياسر: جوارينكم اشبيج زهراء قابل منو

كعدت برعب واتحس انفجار بصدرها علت انفاسها لكن ابتسامتها ضلت ترتفع

: ليش مراسلني شيريد هو حتى ما يسلم عليه ههههه معقولة ايحبني لا ههههه مستحيل بس اني حلوة شنو بيه ما ينحب