ما لم يكن في الحسبان

الحلقة 3

زَواج_تقَليِدي_ لَكن

‏كان يَكفي أَن تَمسح على شفتَي
بِـ طَرف سبابتك لِكي لا يُعذبني النَطق .

الكاتبة: فاطمة عبدعلي
/////////////

#زهراء

:ليش خليتيني اوافق ليش خزرتيني اني ما اريده كوه اتجبريني

نور: نصي حسج وين اكو مثله شو خير من الله واهله خوش ناس وطيبين مو شفتي ابوه زهراء زهراء وامه وكذالك وهو اكيد ايريد عباية وحجاب مو اني خذت ابوج هم لبسني وتعودت كلت لا عارضت ...
اسمعي لا تفشلينا كدام ابو فاضل زلمه حوك وابنه ما عاوزه العوز جمال وفلوس وبيت وسيارة جا بعد شتردين لو الا تتعشكين ياله تاخذين

:يمممه اشبيج اني ما اريد لو امير ما اريده وما اريد اتزوج عوفيني يمج

نور: لج اتخبلتي شنو ابقيج يمي غير انخطبتي اله هسه كلشي انسي وفكري برجلج فاضل وسدي الموضوع

:يممممه

نور: وجعة امي امشي وخري مني عدوتج اني غير امج وادور مصلحتج

صارت عصبية واني صعدت واجرجر بروحي ضليت ابجي شسوي بالفلوس شسوي بسيارته لو ابيته اذا تصرفاته من هسه ما تعجبني

.
.
.
.

راح كلشي بمجرد موافقتي البيت هوسه خالاتي وجهالهم وباجر الخطبة وعقد الشيخ اشكد حاولت افهمها واشكد حاولت احجي بس لا عقل يفهم ولا اذن تسمع

الثلاثاء_ 11:30
كاعده لابسه حجاب وعبايه وامي يمي ومنتظرين ام فاضل تجي انتصار حتى نروح للصالون

ما اصدك حياتي راح اتكون بائسة لهدرجه لا الي رأي كله امه اختارت البدلة وحدها والحذاء وكلشي واني لسه مشايفتهم اصلا

يارب خلصني واخذني لأبوي ما اريد احجي ونتفشل كدامهم وما اريد انفجر ويكولون بنتك ما مربايه اني خايفه بابه

نور: ولجج زهراء وين صافنه امشي يله

اتنهدت واني اسوحل بروحي وبعباتي شيخلصني شسوي بابه