ما لم يكن في الحسبان

الحلقة 8

كَمْ يُبْعِدُ الدَّهْرُ مَنْ أَرْجُو أُقارِبُهُ
‏عنِّي ويبعثُ شيطاناً أحاربهُ
‏فيالهُ من زمانٍ كلَّما انصرفتْ
‏ صروفهُ فتكتْ فينا عواقبهُ

//////

فاضل.. رجعت من الدوام گبل صعدت للغرفة وشكد جانت باهتة بدونها .. ملابسي بصفحة والفراش بالگاع جانت تهتم بأقل تفاصيلي بس بشنو گابلتها غير بالكره

غيرت ملابسي وهيام خابرتني
.. الوو

هيام.. هاا حبيبي صباح الخير

.. يا صباح الخير الساعة ب 2 الظهر شبيج

هيام.. هاي شبيك عمرري غير هستوني گعدت وگلت اسمع صوتك اول شي حتى ..!؟

.. قفلت الجهاز كله مالي خلك كلشي خل ارجعها واخلي علاقتي طبيعية وياها علويش متحمل هالذنب
.
.
.
.

نور.. شفتو طلاب هذا الرقم انحلله وناخذ اله الجذر التربيعي .. باوعت للتلفون وجاي يدگ بأسم فاضل طلاب هذي المسألة منو يحلها .. ابتسمت للطالبة المجتهدة عندي صفا .. يلا صفا كومي حليها

طلعت من الصف واني اخذ التلفون .. الوو

فاضل.. السلام عليكم ام زهراء

.. وعليكم السلام هلا ابني اتفضل

فاضل.. ناوي ارجع زهراء اليوم واريد اجي عليج هم اوصلج وهم تصلحين بيناتنا

.. ابتسمت ماشي فاضل واني هم عندي كلام وياك اني بعدلي بس محاضرة وحده تعال الي ب 5

فاضل.. تمام ام زهراء

.. سديته ورجعت للطلاب اكمل الدرس

.
.
.
.
.

رياض.. حطيت يمها الاكل .. اكلي بويه لا تستحين

زهراء.. ابتسمت عمي والله جاي اكل واني استحي من الناس كلها بس يمك ما استحي

رياض.. ابتسمت وباوعت لخصلة شعرها النازلة رفعتها ورا اذنها وهيه باوعت عليه وابتسمت .. ما ناويه تسولفيلي زهرة

زهراء.. باوعت عليه بضعف ودنگت راسي .. خايفه عليك عمي بس انته يلي واگف بعيني

رياض.. لا تگولين هيج اني اهنا سند الج وكلشي اتگوليه نتفاهم عليه ومثل ما تردين

زهراء.. باوعت عليه واحس اعيونه البنيه تسحرني وبيها كمية حنان واطمئنان فضيعة نزلت اعيوني لا ما اكدر اكول

رياض.. باوعت بعيونها وشفت التردد والخوف داخلهم مستحيل الشغلة خالية وهيه فقيرة ما تگدر ع فاضل .. على راحتج بنيتي واي وقت ترديني موجود يمج بأذن الله

زهراء.. مر الوقت ويه عمي وضليت اعزل المسواك وهو بالاستقبال وصبيت چاي اله.. رجعت دخلت ولگيته غافي على نفس الگعدة مالته وحاط ايده على خده