زواج_ تقليدي_لكن
،،،،،،،،،،فاطمة عبدعلي،،،،،،،،
////////////
حي الاسكان_ بغداد_ بيت ابو زهراء
2016_6_20
#زهراء
شهرين ما سامعه صوته ما اعرف اخباره لا طالعه ولا ماشيه اعيوني ورمن من البجي كله بسببها
خالتي رجعت لرجلها بعد مشاكل وعلاقتي بأمي جاي ترجع شوي شوي
الكلام صار قليل وبالبيت يا تنظيف يا تليفزيون
نور: زهررااء
:هاا يمه
نور: هاج هاي خمسة جيبي صمون وكيمر عرب وراي شغل اتاخرت
هزيت راسي بالعادة رشا اتروح بس الصبح ما تكعد اني اروح ماكو احد وبسرعة
اخذت الفلوس ولبست نعالي وضفيرتي عدليتها وطلعت
جبت ورجعت لأم رياض ام الكيمر
:صبحج الله بالخير خالة
ام:يامحلا هالصباح هله بزهوره
:تسلمين خالة اريد بلفين كيمر عرب
ام: من اعيوني... اليوم امج اتروح ويانه
: وين خالة
ام: غير خطبة ابن ام احمد
:منو منهم
ام: ياسر ياا انتي وين عن الدنيا غير بت عمه ناهي عليها
اخذت العلاكه وانطيتها الفلوس واني اجر برجليه جر للبيت ما صدكت لا مستحيل ياسر وعدني بس يتخرج
دخلت البيت واني ابجي
نور: دهر شجالج تبجين من صباحية الله ناوية اتموتيني
:يمممه ياسر ...ياسر ناهي على بت عمه
بجيت من صدك واشهك وهيه تحضني
ام: ولج هو لو زلمه ما يضحك على مراهقه ويوعدها بالزواج ولج ما يخاف الله هذا انسيه يممه انسيه كومي غسلي وجهج حبيبتي تبجين على هذا جنه عود شخاط انتي ذوقج خربان يممه
أنت تقرأ
ما لم يكن في الحسبان
Storie d'amoreرَفعَ ذَاكَ المُتكِبر عِينَاه تَثاقَلِت إنفاسهُ وأصبَحِت عُقدةُ حَاجِبيه واضِحَة للعَيِان وجهها الذي إحِتَضِن إشِعَة الشَمس مَع خدّيها المُحمريِن وشَفاها المُغرية. وزَادت الطينُ بلّه بخُصَلاتٍ شَعرها الأسودْ الطَويِل الَذيِ جَعل قَلبي سَاحةٌ لِحَرب...
