ما لم يكن في الحسبان

الجزء 14

وآنا بروحّي
‏حِزن ديرة
‏ومَلامح خوف
‏وحَرب چذبة ، وحِلم تايه
‏ونَهر ثالث حُفر خَدي
‏غَريب بكاع مَتلمني
‏چم ليلة
‏اذب دموعي ع المامشَ
‏ولا ادري .

/////////
بغداد_ بيت رياض _ الساعة 2:33 ظهراً

فاضل: ابوي اجه ؟

خالد: ايي بس لا تضوجه صارله يومين ما طايق احد

فاضل: هزيت راسي واني ادخل الصالة .. هلا بويه شلونك

رياض: تركت المسبحة .. هلا فاضل خيرك

فاضل: ع شنو ضايج بويه عسى ما شر مريض ؟

رياض: باوعت عليه ورفعت حاجبي.. خير فاضل هالمرة ما مسوي مصيبة وجاي تتفگدني

فاضل: اتنهدت .. لا بويه بس اسئل عليك

رياض: رفعت راسي وغمضت اعيوني.. عايش الحمدالله

فاضل: بارك الي هيام حامل و..

رياض: البيت يلي أجرته اشتريه واگعد بيه ويه حرمتك

فاضل: صدگ تحچي بويه تريدني اطلع من البيت

رياض: عاوزك كبر بعد اطلع انت وحرمتك مو هاي الردتها اتفضل

فاضل: ليش يابه زهراء وطلگيتها والبيت ذاك رجع لأصحابه وين الگه مكان هسه وهج هينة عليك اطلع

رياض: جاي تحسسني زهرة ميتة عليك هاي نتيجة افعالك مثل ما هينة عليك تضحك عليه وعلى الابنيه واهلها في سبيل اتجيب هاي الگ***

فاضل: يااابه صدگ تحچي كل.؟

رياض: هذا الموجود وانطيك شهر اتشوف بيت وتنقل شكو شي الك وهم اساعدك حتى لا تگول ابوي طردني

فاضل: بقيت ساكت واعصر اصابعي .. ادري بروحي غلطت بس ما جاي اتروح من بالي

رياض: حطيت ايدي على راسي النوم ما شايفه وبس اغمض تصير گدامي .. اني هم

فاضل: باوعت عليه وهو مدنك وبيده السبحة .. شنو انته هم يابه جاي احجي على زهراء ادري ظلمتها وياي بس .؟

رياض: فتحت اعيوني باوعت عليه واشرت للباب .. خلها تروح في حال سبيلها فاضل الابنيه ما تريدك

فاضل: اروح احجي وياها اق..؟

رياض: لااااا بال بالك توصل عتبةةة بابهم سااامع مو هاي حرمتك يمك وحامل لا ضل تتملعب وحيرر بروحك الك شهررر وتطلع يلااااا

فاضل: طلع بعصبية واني عصرت ايدييي وضربت الحايططط شسويتتت بروحي .. يابه ادري ترجع والله قابل اول واحد ياخذ اثنين

.
.
.

ام فاضل: شبيه ابو فاضل 24 ساعة صافن و ضايج

ام شامل : ما ادري والله تعبت من گد ما احچي وياه ماكو حتى ما يوصلني ولا يجي للغرفة صارله اسبوع