Xarna

2-ci hissə

Suva gecənin qaranlığında oturub Meçarinin yatmasına tamaşa edirdi. O, on yeddi  il əvvəl atasının necə yoxa çıxması haqqında düşünürdü. Atası da " Qara İlanlardan" idi. Lakin atası onlara bənzəmirdi. Qara ilanlar kimdir? Miçax "Böyük Hibrid üsyanının" (bu haqda kitabda yazılacaq) bir daha təkrar olmaması və öz hakimiyyətini möhkəmləndirmək məqsədilə belə bir təşkilat qurmağı qərara aldı. Qara ilanlar Miçaxa ən sadiq təbəqədən seçilirdi. İlk zamanlar onların sayı az idi. Zaman keçdikcə əhalinin böyük bir hissəsi öz uşaqlarını İlan olmağa təşviq etməyə başlayırdı. Nəyə görə onlar Qara ilan adlanırdı? Çünki uşaqlar hələ balaca vaxtlarından xüsusi kimyəvi maye ilə çimizdirilirdi. Bu maye onların bədənində ilan dərisinə oxşar yanmış bir təbəqə əmələ gətirirdi. Bu təbəqəni heç bir kəsici alət deşə bilmirdi. Yəni onlar məğlubedilməz döyüşçülər idi. Ən müasir silahları gəzdirmək hüququ yalnız qara ilanlara məxsus idi. Bundan əlavə onların başqa üstünlükləri də var idi. Onlara ayrıca gəmi verilirdi (uçan gəmi). Bu gəmilər "Alixa" adlanırdı. Bununla onlar Valanın istənilən yerinə sürətlə gedə bilərdilər. Bu nəqliyyatdan yerli əhalinin istifadə etməsi qadağan idi. Əhali isə " Lumu" adlı heyvanlardan istifadə edirdi. Bu heyvanlar görünüşcə canavara oxşayırdı, ancaq çox böyük idilər. Bir Lumunun üstündə dörd nəfər gedə bilirdi.
Qara ilanlar Miçaxın düşmənlərini məhv etdikdə onların nüfuzu daha da güclənməyə başladı. Artıq insanlar onları müqəddəs sərkərdələr kimi tanıyırdı. Hər müvəffəqiyyətə görə onlara bir qız " hədiyyə" edilirdi. Onlar sahib olduqları qadınların sayı ilə bir- birlərinin yanında öyünürdülər. Bir neçə qızı olan biri mütləq birini onların xidmətinə verməli idi. Əks təqdirdə cəza ala bilərdi. Lakin insanlar bunu könüllü şəkildə edirdilər. Onlar qızlarını bu şərəfdən məhrum etmək istəmirdilər. Əgər həmin qızların uşaqları oğlan doğulsa onlar da qara ilan olurdu. Beləliklə onların sayı sürətlə artmağa başladı.  Əgər qız olsa onlar ömürlərinin axırına kimi atasına və qardaşlarına xidmət etməli idilər. Kiday Suva və Meçarini qorumaq üçün onları meşənin ən dərin yerində gizlətmişdi. Çünki o, qızlarınının  belə bir  taleh yaşamasını istəmirdi.
Nəyə görə qara ilanları insanlar bütün elədiklərinə baxmayaraq belə sevirdi?  Çünki onlar Miçaxın əsgərləri idi. Miçax isə onlara görə  müqəddəs  başçı "Xarna" idi.